第一次食呢間火鍋店，位處於人來人往既兆萬中心。我地7點半到入座，可能係平日，所以仲未滿座。一坐底，伙計就即刻同我地介紹佢地既推介湯底──海鮮窩，見佢講到咁吸引，就緊係試下啦，仲同我地講埋拎野飲同醬料既地方。我地仲加左錢食埋刺身，鮑魚片同鮮蝦都幾鮮甜，三文魚肉質鮮嫩，一開始以為火鍋店的刺身品質唔會太高，無抱太大期望，但食左後感覺水準唔錯，都幾新鮮，物有所值。好快，個海鮮窩就黎左，一睇，嚇親shocked，勁多料，未叫其他火鍋配料已經好多野食，如果份量少D就好，因為仲叫左其他配料，太多會試唔到太多款。試左都幾多款配料，其中肥牛肉色澤鮮紅，脂肪比例恰當，幾岩女士，但稍嫌肉味不夠濃，會比湯底味道蓋過，同埋雪藏耐左，唔係太新鮮。最後食埋甜品！係雀巢雪糕。細細杯岩岩好yummy

不得不提，呢間餐廳既侍應服務好好, 好主動幫我地加湯, 提醒我地拎醬料既地方, 都會主動收拾碗碟。總括黎講，呢個價錢算係唔錯，都推介比大家。likelikelike

今晚晚飯食果餐真係麻麻地，貴夾唔飽 所以都係決定再食多餐!
不過其實就算夠飽都會再來食甜品架啦，第二個胃來架嘛

呢度環境話好又唔係、話差又唔係，但係就唔係果種做到好舒適呀，有梳化位好cafe果種感覺，同埋總有種太開揚既感覺，總之唔係我喜歡既style lor~

甜品同嘢飲種類真係唔少，而且服務態度都幾唔錯，問有咩推介都唔會口啞啞~

未有任何頭緒既時候，見到隔離枱叫左杯好似好唔錯既野飲，就問下姐姐呢杯到底係乜~ 原來係orea milkshake, 咁一於就佢啦! 甜品就叫左個我覺得應該幾match既綠茶心太軟。

野飲相當夠份量，有好高既cream係面頭，睇落都覺得佢又滑又濃呀! 飲落真係好夠奶香夠滑，而且兩種味夾得來又唔會似溶左既麥旋風

心太軟通常都要等架啦，終於等到啦~ 但係呢.... 份量都幾小下 不過做唔做到心太軟既感覺真係要界開先知既，真係有流心，過關~ 不過呢食落真係就.... 未如理想，綠茶味唔夠香濃呀，抹茶控一定會失望 外皮乾左少少，但係還可接受，不過不論係內定外，綠茶味都未到我鐘意既味，好似得個甜字，少左分茶味... 價錢都貴左少少既其實，如果環境好啲我覺得抵既，但係呢種櫈都唔會想坐好耐

同朋友慶祝生日，本身諗住食放題，但係後來又覺得食放題時間短，想舒舒服服咁傾計食嘢，最後就來咗呢間大角嘴既花師奶日本餐廳~ 搭905過咗奧運站果堆之後入旺角之前就係大角嘴，喺果堆X樹街落車轉個彎就到~ 人少少既餐廳夠晒舒服，一於坐耐d慢慢傾!
本身諗住散嗌，但係又好似唔太抵食，結果都係決定叫個set再加d壽司呀生蠔之類，個人來講就唔多鐘意食生蠔，不過既然其他人鐘意就叫咗半打~ 而呢半打生蠔反而無心插柳令我寫咗呢篇食評(而且我好少寫咁多字)XD
我唔係唔鐘意食蠔，只係鐘意食熟唔鐘意食生，之前試過覺得生蠔好似唔知點咁一pat嘢又腥腥地，d朋友就同我講話係因為我冇食過靚既生蠔先會有呢種感覺，所以今晚喺我話唔食生蠔既時候，班fd又好似果d慫恿你吸毒既損友咁係咁叫我試~ 卒之都係屈服咗，食咗人生第二隻既生蠔!!
唔知係咪本身對生蠔有先有為主既壞印象，今次食落去竟然出現咗好大既反差! 呢隻蠔既賣相本身已經同之前食既唔同，呢隻生蠔都幾飽滿，睇落亦都十分乾淨~ 成隻滑咗入口之後一d都唔覺腥，好有蠔味，咬落仲好多汁，而且夠晒肥美，唔似之前第一次食果陣又細隻又腥~ 聽朋友講話其實呢度既蠔並唔算貴，但係質素都算係咁，而且呢間餐廳人流唔多，海鮮理論上去貨速度唔快，好容易唔新鮮，但係食落又唔係咁，所以真係幾surprise~
經過呢次真正既生蠔初體驗之後，終於明白點解d人咁鐘意貴一貴都要食生蠔，果種鮮甜同口感，係熟蠔永遠比不上的~ 之後其實有再encore咗半打，朋友話今次可以試試再加檸檬汁落去，又會有唔同既感覺，結果加咗檸檬汁之後，味道又多咗一層清新，不過我都係覺得唔加好食d~~

第二次去呢度坐下食野，真係好舒服，急無論擺設，座椅，牆同地下，都好有味道。而食物都好多選擇。果日去就食左個煙三文魚天使冷面，冷面配酸酸甜甜既汁，好正同fresh，配埋煙三文魚，一流，但銀可以多魚少少，左宜家個份量只適宜做下午茶。不過整體黎講係好唔錯，下次會再去！

今次一兩點去食，唔駛等好耐，半個鐘就有得入去。兩個人叫左一個飯，一個雞，同最出名既芒果金磚，真係好好味道!芒果味好清新，d多士甜又脆，兩個人食岩岩好! d野食又黎得快，五至十分鐘左右已經黎齊晒d野食，果然冇黎錯。

之前聽人講話呢間好好食，今次第一次黎呢度食，感覺幾好唔錯。入面既環境好靚，入面好多掛畫，裝飾等等都好仔細好靚同vintage feel，係入面食野好relax同好舒服。價錢適中，野食又幾好味而且多選擇。刁草忌廉汁好香味濃好味,天使麵份量多又好味! 

呢間米線由細食到大，終於搬左落地舖，味道依然好味。今次叫左炸雞麻酸小辣，炸雞依然世界級，四大件大大件，香口好味。米線份量夠，如果唔食得辣既可以叫小小辣，咁就可以又食到香味又唔會太辣。總括而言，係一間可以無限Loop既一間米線！

由細食到大既一間米線，之前街市入面開成日要去撞下睇下有無開門，宜家唔洗啦!因為搬左落地舖，坐得舒服左。今次叫左炸雞米線麻酸小辣，炸雞真係世界級無得輸，大件又香口，有4大件，大食既都實夠食。麻酸係我既至愛，唔食得辣既可以叫老闆娘整小小辣，咁就有香味得黎又唔太辣。總括而言，可以無限loop既一間米線。

見到呢間餐廳幾個月都有上榜，於是忍唔住去試試。首先，用餐環境麻麻地，張枱太矮，環境太迫，無咩私人空間。野食方面，味道有4粒星，但份量唔夠，兩個人都叫左好幾碟先夠飽，招牌既香蕉焦糖燉蛋，份量超少，有點唔抵食，野飲okay，下次可以去飲野食小食，晚餐就⋯自己諗啦

麥當勞近日新出黑夜孖牛芝堡 (batman)
夜媽媽食麥記 呢個包就吸引我唔到啦
反而個唧唧芝士薯條就令我流哂口水
雖然要加4蚊先有得食 但真係幾好食 所以都值得一試既
佢會俾一小包芝士醬加煙肉脆脆
可以唧落用盒裝住的薯條
都係幾新鮮既食法 又幾新奇既 <3
最近麥當勞又出新裝修
都幾好既 好似無咁混亂
值得一讚