以前就話打邊爐係冬天先會做既活動，仲要一大班人，依家都唔使唱呢支歌仔，好多人都會夏天開住冷氣打邊爐，連所店仲推出一人一煲，咁就唔使就天氣同人數啦，本人都好鐘意火鍋，不過食來食去都只鐘情果幾款XD
今日朋友帶左我去呢間，我食過附近嗰間打邊爐，呢間就冇試過。那駝鳥肉比較少脂肪，所以如果餐廳有我都會叫呢個取代牛肉。原本以為好多，因為睇落都好似一座山仔咁，但原來下面有好多椰菜絲，感覺被似人呃。雲吞有8大粒，呢個叫正路，其實得8粒但俾咁大隻碟裝，睇落就好小家，但味道係ok 既。不過店員態度差，收碟、上菜好慢，睇落好似好忙咁，其實又唔係真係好多人。整體價格比較貴，試過就算。

放題我去過不少次， 不過都是中伏多，唯有今次例外。上星期日我和好友去了尖沙咀的三木日式放題，入到餐廳內, 侍應替我們拿到了點菜紙。食物選擇非常多， 令人眼花撩亂。先來一轉串燒。鹽燒牛舌，烤得剛剛好， 肉質不會太韌。再來一口牛柳串，牛肉肉質鮮嫩， 令人食不停口。之後我們還試了刺身，天婦羅，炸物， 壽司， 一品鍋等等。刺身當中，我們試了北寄貝，鮑片，赤貝，全部都很新鮮，而且爽口。我最愛的火炙三文魚壽司，三文魚肥美，而且很新鮮，加上厚身，不似一般放題的壽司那麼薄身。炸物當中， 我最欣賞的是一口炸芝士， 芝士味濃而不膩，而且鬆化。天婦羅炸蝦，及天婦羅茄子炸得香脆可口，而且不油膩。　牛肉壽喜燒也值得一贊，牛肉肉質鮮嫩，而且入口即溶。吃完主菜後我們再點甜品， 令人意外的是甜品居然有酒店才有供應的法式焦糖燉蛋， 我們馬上就點了兩客。一吃上一口， 感覺到滑，香， 甜而不膩， 非常值得推薦。綠茶芝士布甸亦非常好味，綠茶味非常濃厚。雖然當日人客眾多，但沒有漏單情況，侍應服務也很周到。三木日本料理是我會再回來光顧的日式放題。。

聽女朋友講係佢屋附近有間放題好似幾好食, 仲日日都好多人排隊, 咁我就緊係即刻打電話去BOOK個靚位試下佢啦! 因為未夠鐘入,所以係門口到等左陣, 約果係好多人都等緊入去, 有人想WALK-IN都唔得,因為FULL BOOKING, 好在我有呢個訂枱既習慣者!
入到去見到啲選擇都幾多, 但肚我既我就緊係咩都唔理叫左啲魚生先啦! 魚生對每一間放題都係十分重要, 因為大部份人都係會為左食佢地而黎, 啲魚生都幾新鮮, 特別係啲三文魚同埋帶子, 勁正!之後特場既就係個羊架同埋牛肉粒, 2樣都不錯, 唔會太乾身, 有肉汁又有燒出黎既香味, 值得推薦!再黎既就係佢地既炸物, 個芝士波雞翼同埋個炸蝦都值得一食, 因為佢炸得夠脆, 又唔會太乾身, 口感幾好, 味道都唔錯, 而炸蟹鉗就真係唔掂, 淨係得粉, 似炸粉球……致於個魷魚真係要試下, 個味道好好, 個汁好惹味, 啲魷魚又好彈牙, 值得再叫!最開心既甜品環節就係佢地有Movenpick既雪糕食, 貴既雪糕真係唔同啲,食完真係唔係好夠喉, 不過可惜佢係限每人一個, 如果可以任食就正啦!!!總括黎講係元朗都食到啲咁有質素既放題都真係幾驚喜, 價錢每人250蚊, 都算係幾合理, 抵佢咁多人食!

其實次次打完波經過洗衣街都見呢間韓國燒肉FULL 晒, 心諗有咩咁特別呢, 於是今日放工就同女朋友黎左試下!一入到去, 啲職員就已經拎左樽茶同埋啲配菜比我地啦!睇完MANUAL,我地結果叫左幾樣野, 包括有個什錦牛肉拼盤, 魷魚同埋個雜菜拼盤, 仲有食韓燒唔少的既啤酒添!酒來了, 估唔到佢用呢個咁既茶壺裝住, 認真夠特別, 由於佢係1664既啤酒, 所以入口淡淡地, 女仔會比較中意!之後魷魚就到左啦, 咁我就緊係立即燒黎食下先啦, 魷魚唔錯, 本身佢夠新鮮, 所以燒出黎啲肉質都夠彈牙, 加上佢本身都夠大條, 所以口感都幾好!之後啲野食都黎齊了, 咁我地就緊係燒左啲牛肉黎食先啦!同一時間, 係就係個煎PLAN既側邊係左啲牛油落去, 原本係拎黎燒啲雜菜用的!牛我就真係唔識分佢邊部份打邊部份, 總括黎講係樣樣都夠新鮮的, 不過最好味, 最正都係件牛扒, 肉汁又多, 燒出黎又香又淋, 同埋啲職員見我地有啲唔係好識燒既時候, 佢地會過黎幫我地燒的, 仲有, 如果個煎PLAN 燶過頭, 可以叫啲職員幫手用生菜清潔, 總括黎講都算幾有服務,正!致於佢個雜菜就真係麻麻地, 可能係啲菜同韓燒真係唔係咁夾, 同埋加左牛油太油了, 所以我就唔係咁建議大家食菜…..
最後我地2個人食左6百幾蚊, 價錢黎講係食韓燒叫正常, 不過佢啲肉既質量同埋服務都唔錯, 所以值係去再食!