大鑊, 小妹將會愈來愈肥啦~~ 因為~~~又搵到正嘢  朋友知我鍾意粟頭, 叫我冒險走唻旺角食好嘢~

送到唻已聞到陣陣窩夫香味, 外脆內軟, 蛋味香, 再加埋楓樹蜜, 我摯愛既蜜糖, 正吖~~~~  朱古力醬我就冇用過~

出面街有時會食粟子蓉既嘢時, 有一啲鬆散或有一粒粒嘢喺裏面既, 但呢度既粟子蓉夠哂滑, 一patpat感, 唔散, 甜度又適中, 超超好味到喊 

曲奇雪糕都好好食, 估計唔會係自己做啩, 但總之好滿意 

下次要再唻試吓香蕉窩夫先 

好姊妹買了之姐既產品, 攞咗幾塊俾我, 好心用個盒裝好啲啦, 攞到手都碎咗一大半

攞咗4塊俾我, 就咁睇包裝唔知係乜嘢味道, 叫我自己食完後估~ 黑色嗰塊唔使試, 一睇就知係黑松露  但其他就唔知係乜烏

先試黑松露, 打開就開到一陣黑松露味, 好香, 食落都有黑松露味, 特別  第二塊打開, 聞唔到乜嘢味, 食落有啲似咖啡, 原來佢係拖肥  第三塊打開, 聞到似係茄膏既味, 估計係蕃茄  最後一塊食完都唔知乜嘢, 原來係鯷魚

呢4隻產品都唔覺甜, 牛油味欠奉, 但就好重口味, 蕃茄及鯷魚更加係偏鹹  蕃茄款似係食蕃茄薯片厚切, 鯷魚款似食肉鬆蛋卷, 可能產品太脆, 所以喺口裏面咬時會有啲嗆喉感 (可能係自己問題啩)  最後係冇乜 aftertaste, 食完後個味覺有啲 "寡寡哋" 

其實係邊類型產品好難界定, 但新意好足夠, 都抵讚既  有機會都想去試吓其他產品

好鍾意佢哋既waffle, 外面脆卜卜, 裏面塞滿了軟綿綿好似蛋糕咁樣既蛋糕, 好似一個外剛內柔既美女咁 ~ 即係我  waffle 既蛋味又濃郁, 食落去時, 有啲懷念以前喺大坑賣雞蛋仔既伯伯, 佢既雞蛋仔同呢塊waffle一樣咁足料~

我揀咗焦糖味既雪糕, 雪糕同我一樣滑嘟嘟, 再加埋糖醬, 焦糖味更加濃更加正~

其實可以一次過食兩份, 但為咗保持美麗身段, 忍吓口啦~

我最鬼憎排隊, 要一個假美女拋頭露面大汗叠細汗咁排隊, 有冇搞錯, 所以等到而家擴充咗先至唻, 唔使等就可以入去食, 以前喺日本食過, 唔知香港係咪都咁好食呢  

揀咗普通味既湯, 像我扮鬼妹仔咁唔鹹唔淡, 好啱我口味吖~~
我鍾意硬食, 但冇揀到超硬, 只係揀咗硬, 唔會有未煮熟既感覺, 但有得o趙吓, 超爽YY~
如果啲叉燒唔跟日本就好啦, 得咁少, 俾多兩塊好喎 

成碗麵真係好好食, 真要大嗌...."姣黐吔"~~~