同媽咪過來食冬至兼生日飯 好在提早book檯 超多人 呢度服務好周到   一定要讚下！叫咗個豬肺湯 好濃郁 料足夠 媽咪都飲咗好多碗 個燒雞稍微咸咗少少 但係都唔錯 皮薄脆翠肉瓜好正 裡面D木耳爽口彈牙 配上百合 正！因為冬至 好似D價錢貴咗好多 成餐飯around600

窩打老道上面一間必須要食嘅餐廳，平日lunch要同培正學生逼，但係佢個焗番茄豬扒飯真係冇冇冇得頂！配返杯茶走~嘆到你唔信！！！！而且，個飯裡面真係好多豬扒之餘，仲真係有番茄，粒粒番茄啖啖肉，咪話食你唔飽！飯係炒飯低~跟餐送個紅湯或者白湯~蒜蓉包都正

生日嘅時候去搵韓國野，聽講呢度唔錯，就走咗過來食~唔知係因為週末定點，等位等到我差D暈低 

跟住等到就來放棄嘅時候，終於到我地啦~！！總體來講，真係好食嘅~！拍得住去韓國食嘅料理~而且加入自己嘅創新元素~
學電視啤酒配炸雞，又真係好食！
個泡菜飯就太辣啦~起碼對於我來講太辣

經過門口見出咗新buffet，又忍唔住行入來~首先冷盤啦~同之前食差唔多，但係水準好咗~好新鮮~食完會想食多碟~！長腳蟹比我記憶中要好食~個青口加D檸檬汁會好食D~呢個counter嘅每一樣野我都食均~我覺得全場最值得推薦就係佢地~！精緻得來又好味~！！主角龍蝦來啦~！！登登登登登~好嫩滑~超大隻~！！今期嘅甜品~

今次係第二次黎哩度食Buffet，而且係同女朋友一齊黎，好在最後佢都好滿意！ 

我特別鍾意食刺身，所以哩度既三文魚刺身就絕對唔可以放過！ 刺身唔係即場切，但係都好新鮮，唔會有凍格摞出黎陣除。關鍵既point係，D三文魚都係厚切，真係好贊。女朋友平時唔食得生冷野，睇到都冇忍住口XD 除左三文魚刺身之外，海膽刺身都非常贊。除左刺身特別有印象之外，就係冷盤。長腳蟹新鮮之余，仲要肥美甜嫩。 肉質好有口感，而且份量又足，推薦一試！

女朋友最愛哩度既甜品，種類多之餘，仲要各有各特色，真系冇得彈。廚師現場即焗，保證鮮甜。 另外哩度仲有Dreyer’s 既雪糕，可惜果日食到太濟，冇胃口食XD環境同食物都屬一流，價格都無係太貴，幾適合二人buffet date。 以後有機會應該都會再去食XD