屋企附近原來開左間burger都唔知道 之前見到有報道關於fusion漢堡先留意到 一直想試但未有基會 終於今次可以買離試下做晚餐 Openrice落單大概15-20分鐘就拎得 店面好細得少少位可以堂食 嗌左個慢煮安格斯牛漢堡餐 餐有漢堡一款小食同飲品 👆🏻慢煮安格斯牛漢堡 很出色的漢堡牛肉很juicy 醬汁酸酸甜甜也很合味道呢 看似不大但其實份量十足很飽肚 👆🏻炸yin  yeung燒賣 醬汁很驚喜味道似XO醬 很夾炸燒賣 只是燒賣炸得有點過頭 加$5可配冷泡茶

是日天朗氣清 漫步海濱後走到這間餐廳一嚐台式料理 假日午餐選擇很多而且都很吸引 這次我們點了川辣牛肉麵和鹽䄽大大雞扒魯肉飯 👆🏻川辣牛肉麵 不得不讚湯底真的很香濃 麵掛上湯底醬汁很入味呢 牛肉也筋肉分明只是略為少硬 👆🏻鹽酥大大雞扒魯肉飯 上枱時真的有驚訝到 雞扒是真的很有份量 而且顏色賣相也是炸得很好看 雞扒很鬆脆配上酸甜的醬汁很開胃呢 午餐都有配飲品特色飲品則加錢另配 推介黑糖珍珠奶茶 茶味香濃可以選半糖也不是死甜的甜 是令人掛念的台式味道呢 另外四季春茶也是不錯的喔～

是日去到太子搵食，決定一試呢間想試好耐既食店。本身滿心期待，後來失望而回。間食店好近地鐵站大概一分鐘路程，唔算難搵。食店空間都頗細，但有2層。同男友好肚餓之下叫左一個蟹飯同一個蟹拉麵。 個蟹飯都幾香幾好食偏咸，但份量真係太小，只係普通一個飯碗既size, 但索價138, 唔飽肚又唔抵。 蟹拉麵就更普通，無乜蟹味而且湯底都好普通，實在可以不試。呢間食店收加一但食物份量小，空間小亦坐得唔太舒服，應該未必會再來一試了。

陪媽媽番工前食個lunch, 媽媽帶左我去呢間冰室, 裝修簡約但頗有特色。是日天氣有啲炎熱，叫左杯冰凍既龍眼冰，真係有好多冰，叫少冰會比較好，比較特別既係龍眼冰加入左梳打水，更加有冰涼既感覺惟龍眼味不足，只有甜味。主食點左海南雞脾飯，媽媽點左冬陰公扎肉金邊粉配豬扒。海南雞脾飯配以黃黃既油飯，飯粉分明香口，雞脾都比較多肉同嫩滑，份量頗足另一道主菜既冬陰公湯底都頗為濃郁，酸酸甜甜很開胃。整體來說餐廳食物水準不俗，待應生亦相當有禮貌

呢間拉麵店係上環一條小街入面，位置不太顯眼但店外掛住個大大既紅色燈籠。店面唔算太大但當時去果陣已經過左晚飯時間所以唔使等位。叫餐係自己畫紙，肉既種類麵既種類同硬度都可以自己揀，我比較鍾意硬身既麵，叫左個招牌熊拉麵入面有最愛既流心蛋麵既湯底好濃郁，麵既硬度適中，叉燒都好肥美，流心蛋既效果都做得好好，好味既程度完全係意料之外朋友嗌左個芝士蕃茄湯底既拉麵都好似好吸引。呢度既餃子都好好食，入面充滿肉汁唔會好乾麵店既待應都好友善

由於太晏食lunch, 2個人唔係好肚餓既情況之下淨係嗌左三文魚腩，油甘魚，八爪魚刺身同一碟雜錦壽司盛。刺身好新鮮好好味。雜錦壽司啲壽司有部份味道好特別，有啲係辣既又有啲係柚子味，而且用料新鮮。埋單3百幾蚊都唔算太貴，而且壽司大件夾飽肚，可以encore。

今日離到青衣城買左戲飛睇戲未夠鐘就去tea 一tea 先由於之前已經食左lunch所以2個人淨係叫左個2人甜品set,有2杯花茶送。滿心歡喜咁等到個甜品離，結果係真係好靚但味道差啲唯一可以讚既係Pancake裏面係香蕉味既cream, 有驚喜。不過依然聽待下次試下呢度既burger同意粉

終於食到呢間成日大排長龍既冰室，開左係港島區就更方便就算weekend離都係等左10分鐘度就已經可以入座，可能因為餐廳位置比較隱蔽。2個人嗌左呢度最出名既雞翼豬扒蕃茄湯出前一丁（出前一丁+$3)，雞翼冬陰公湯米線（冬陰公湯好似要加錢），同招牌菠蘿包馳名既蕃茄湯底果然有好濃郁既蕃茄味，但相對冬陰公湯就比較特別，又香又辣好開胃最出色既係個招牌菠蘿包，入面有蕃茄同蛋，初初睇想都怕伏，但個包加左牛油又幾match好好食，我會為左呢個菠蘿包再離

中秋佳節最岩去燒肉由於怕中秋節人多早一日已經book左位，去到餐廳約有8成滿，唔使等位已經入得。餐廳環境氣氛好好，燈光暗暗的好適會情侶而且以燒肉店離講唔算太嘈吵。燒肉放題套餐有三款，價錢愈貴可以選擇既食物愈多，可選和牛同龍蝦尾等由於我地食量不大，所以揀左最平既餐，加一大約三百蚊一位，燒肉放題離講選幾抵食物選擇好多，花多眼亂，有唔同味道既牛豬雞等等，仲有少量既海鮮例如魷魚鬚，蜆等等，都好新鮮最感到新奇有趣係芝士味既豬五花肉，每片沾滿芝士粉，吃起來非常香口，但又唔會蓋過豬肉原本既味道我地到後來都係主攻燒牛肉，因為感覺牛比較撘配燒肉既烹調方式，而且肉質鮮嫩，絕非平價貨最後甜品以豆腐雪糕結束，雪糕都有驚喜，意想不到濃濃既豆腐味

睇到openrice食評對呢到既意粉好有興趣，今日終於有機會離試意粉款式都算多，仲有唔同總類既pizza。最欣賞呢到有二人餐三人餐，有前菜，主菜，仲可以揀海鮮食，仲有甜品，都幾豐富。不過因為自己同男朋友都想食意粉我地散嗌左2個意粉同一個pizza。意粉係牛肝菌濃汁意粉同蝦牛油果醬意粉，pizza係芝士pizza。有比較之下，意粉相對出色，濃濃既醬汁意粉硬度亦適中意粉份量可選細和大，其實細已經夠飽。總括而言，餐廳cp值高，有機會一定會再來