香港人對泰菜印象通常都係泰粉麵呀、菠蘿飯、鱸魚之類，所以主打泰式海鮮盛宴既泰園真係相當有gimmick，當然要來試試~

環境OK，同一般泰國菜館既格調好唔同，唔多似泰國餐廳，甚至其實果啲既泰國擺設都有少少格格不入，不過座位都算係好坐，挽回番少少分數~ 外面見到好多一隻隻既各式海鮮，十足十外國果啲魚市場一樣，仲有晒冰墊底，開放式既海鮮區非常夠gimmick，而且仲有各式既海鮮煮法可選，但價錢來講真係唔算平~ 所以要求同期望需要跟住價錢提升!

泰國係一個好有禮貌既國家，所以泰國餐廳就算喺香港開，都必須要保持到泰國人果種禮貌同熱情，兼夾要有香港人做事既高效率，但係呢度既服務真係做唔到呢幾樣嘢，有可能係新開既餐廳未預計好人手同未熟悉個做法同流程，但係開得鋪做得生意，如果真係要做好件事，就真係唔可以有籍口~

食物總算來到，叫咗個海南雞、叫咗個推介既泰式生蝦、咖喱蝦同埋其他主食，生蝦呢... 得幾隻但係咁既價錢真係算貴，肉質算係彈牙，但係呢就唔夠鮮甜同埋咬口，醬汁都幾特別，但係個人認為有少少喧賓奪主，可能真係食唔慣泰式刺身~

雞賣相好靚，肉多而且唔會油淋淋，雞味濃，但係韌，做唔到海南雞應有既嫩滑細膩，如果用番普通泰國餐館既要求，呢道菜絕對OK，但係擺得喺呢間餐廳，唔知係失手定係人多QC做得唔好啦，我就覺得可以再好啲~

個人唔太食辣，但係一般泰式咖喱都唔會係好辣既，所以整咗個大蝦來試試~ 其實食過生蝦，係應該試吓佢個蟹既，但係食蟹真係太麻煩，所以都係食蝦好啲 大隻既蝦其實個人唔太鐘意，因為大隻既蝦一定唔會嫩滑，不過有時大啖大啖咁食蝦都係享受來既~ 呢道餸真係油咗啲，面層既油真係幾誇張吓，雖然咖喱汁味道好唔錯，不過又係妹仔大過主人婆，餐廳唔係普通茶記，唔可以靠汁水來做主角... 一定要整體配合乃至做到色香味俱全先至ok

食物上面不過不失啦整體來講，但係真係未必會再回頭嚕~

銅鑼灣服裝明店林立，但其實仲有另一樣野系多既，系咩﹖就緊系餐廳啦!今次我棉花仔就去左邊寜頓街既首爾家韓國料理。
間鋪系韓式燒烤店，裝飾簡單，夠光猛。我同弟弟去點左個二人套餐，有牛肋肉、炸雞、魷魚、五花腩肉同泡菜。泡菜要醃得夠味，即酸酸地而有啲辣咁，而首爾家既泡菜，我食到既，只有酸，而且系好酸，我只系食左一兩片。 牛肋肉經過醃製，我地搵左侍應代燒，始終熟手啲。佢燒得幾好，好均勻，又唔會燒到牛肉老左。 醃過既牛肉，果然唔同D呀!有燒過既香味外，仲有醃過既味，雙重味道，雙重享受!炸雞外型有D似咕嚕肉，不過比咕嚕肉好D，因為除左又酸又甜之外，仲有辣味，三重滋味!魷魚份量唔少，燒下再食唔錯! 五花腩脂肪同肉壁壘分明，算系幾好質素，燒左食實好食!
加埋碗飯，夠晒飽，兩個夾埋600幾，值得食既!

今日朋友聚會日，本來諗住去尖咀食，但因為就其中一個人而改左去佐敦既醬缸韓國料理，聽聞好出名。
果然真系好出名，因為要排大隊，而且我地最終排左成個鐘多D，真系跑十公里都跑完兩個啦!我地入到去即點左五花肉、海鮮煎、年糕鍋。

先到韓式前菜，包括海帶、薯絲、冬菇、泡菜，算系預期之內，不過可，而海帶、薯絲都比較爽口。燒五花肉系ok既，食落唔太乾，又唔會因為太大舊脂肪而搞到好油同好膩。海鮮煎好脆脆地，但唔太有海鮮味。之後到年糕鍋佢系一個湯鍋，入面除左有年糕，仲有豆腐、金菇、蘿蔔、少少肉類等，總言之，咩都有D。黎到既時候，熱辣辣，香噴噴，望到都唾延三尺!所有食材都好入味，而個湯都好甜，就咁飲都可以。整體黎講，質素唔錯，等都值得，下次要book位黎，咁就可以試埋「醬蟹」!

屋企人生日去放題開心下 lol ，早一日就要去訂位，訂左位先知道原來生日係有壽司蛋糕送，我棉花仔咁大個人都係第一次聽壽司蛋糕（可能我見識少 ）。日試放題雖然黎黎去去食既野都係差唔多，但質素都係有好大分別，呢間放題雖然細間啲，但食物黎得幾快，食物質素唔差，三文魚、吞拿魚、北寄貝都幾鮮甜。最好係我最愛既花之戀可以任叫 ，正！加送既果板海膽刺身都幾新鮮，但可惜得一小板，每人分得小小。食左一個鐘左右，壽司蛋糕到左，中心係飯上面有啲刺身（巨型壽司 ），但飯太多，食唔曬，有啲浪費。生日既朋友都可以一試壽司蛋糕！ 系特別既，影相一流食落咪就系壽司囉仲有一大堆冇咩用既配菜，純粹為個蛋糕加D顏色。總括而言，如非送贈拎黎影相，我系寧願散叫壽司刺身，起碼可以揀食D咩。

一大班人忙完咁耐梗係要食返餐好既，但全部都冇建議，所以就黎左呢間系旺角咁就腳既日式放題餐廳。
系呢區食野正常都好多人等位，我地都等左差唔多半個鐘先入到去。吉壽系呢一區相信都幾出名，但當然唔系貴價又非常好食果隻，我個人黎講都來過幾次。200零蚊位都有返接近水平既質素。今日既食物質素同平時有D出入，魚生唔係話特別新鮮，特別今日食既三文魚味道認真麻麻，冇三文魚味，要落多d wasabi先ok另外串燒一定要岩岩燒好熱先好食，呢D串燒真系唔太得，上到枱已經唔熱了，調味醬本身味道不錯，但有點過鹹，淡返小小會好D。

由於黎過幾次，只有今次先系比較差，都會比多次機會，有機會會試多一次，有望下次來會有著改善吧！！

識食拉面一定係食豚王!
避開lunch hour都等左一陣,
不過係出面等個陣有扇比你, 唔會好熱,
再填埋個menu就差唔多有位啦!

唔食辣食豚王一樣咁正~
面唔會一pak pak好有口感,
叉燒半肥半瘦又係好好味!!
加埋隻蛋就仲正!!!
個湯都好好味!
總之成碗面都咁正就啱啦!!

尼緊豚王坐位都算鬆動,
不過帶太大既袋去都唔係太建議lol
食完除左正正正都係正正正,
真係好鬼好味!!!

唔得閒去唔到韓國又想食韓國野,
唯有去尖沙咀睇下有咩啱食過下口癮~
行咗陣結果入左明洞express.
叫餐到拎野食都係自助式幾特別!
有個牌好似去到韓國cafe咁~

炸醬面係韓國正宗個隻唔錯,
唔係度度都會用尼種面,
而且個汁唔會太咸幾好味~!

石頭鍋飯就一般, 太多地方有啦,
出面和民個啲都食到, 唔算特別...

仲有個牛x湯(唔記得個名..)
睇落冇乜野, 原來下面仲有粉絲~
清清地咁又幾好味又抵食!

不過有啲又貴又唔係好味,
好似年糕個啲冇乜味, 食得多又滯...
餐牌咁多野大家就自己睇下邊啲抵食好味唔好味啦xd

太古城UA樓下個food court大家可能去得多， 但其實地底APITA嗰層都有一個！ 有讚崎烏冬, 拉面, mos burger, 仲有我好鍾意既北之板！ 尼間野有意粉有咖哩有蛋包飯食， 五十幾六十蚊包沙律包湯仲包凍/熱飲真係抵到喊， 其中三文魚菠菜意粉我覺得最好味~ 料多，又唔算好咸。 雞扒蛋包飯就乾咗少少， 咖喱甜甜地都好好味！ 雖然裝修完多咗人，但環境比上面好少少，值得一試！

今日中午同朋友去食呢間野
之前都一直聽講呢間野既牛腩同叉燒既好食同幾抵食
我用$31就叫到牛腩麵加底
而我個fd都用$30叫左碟燒脾飯
上菜上得既算快,牛腩同麵都算多
仲有d牛腩同燒脾都好入味
西環黎講都算幾抵,值得一讚
但有樣唔好既地方係間野比較細,台唔算多
好多時都要同人搭台同埋比較迫
但整體黎講都係好抵食既

    星期六行街行到八點幾九點上去食啦，坐到上去煙味好重，坐到喉嚨都唔係好舒服

    有個假日先有既set wor，既抵就叫啦。黎左出黎d 味道又真係唔差。幾好食味道幾香，係甘食 蒸魚加火腿好似好怪甘，但係......

食落真係幾好食wor, 幾特別平時加伊麵，今次加烏冬,ok啦好耐無食!!!!!!! 幫我整埋d腸出黎~~~ 幾好幾好其實照計度度差不多架啦..... 但係點解鹼水味好重......個雞幾好食~~~~ 平時d炸子雞，燒味部豉油雞食到唔想食，偏偏呢個就係甘食呢碟就.....得d翠玉瓜好食...

明明仲有飯包生果，但係等極都唔黎...
好彩同部長講講就好快上番，同埋都熱，食落都ok ~~~