棉花仔 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2015-01-02
香港人對泰菜印象通常都係泰粉麵呀、菠蘿飯、鱸魚之類,所以主打泰式海鮮盛宴既泰園真係相當有gimmick,當然要來試試~ 環境OK,同一般泰國菜館既格調好唔同,唔多似泰國餐廳,甚至其實果啲既泰國擺設都有少少格格不入,不過座位都算係好坐,挽回番少少分數~ 外面見到好多一隻隻既各式海鮮,十足十外國果啲魚市場一樣,仲有晒冰墊底,開放式既海鮮區非常夠gimmick,而且仲有各式既海鮮煮法可選,但價錢來講真係唔算平~ 所以要求同期望需要跟住價錢提升! 泰國係一個好有禮貌既國家,所以泰國餐廳就算喺香港開,都必須要保持到泰國人果種禮貌同熱情,兼夾要有香港人做事既高效率,但係呢度既服務真係做唔到呢幾樣嘢,有可能係新開既餐廳未預計好人手同未熟悉個做法同流程,但係開得鋪做得生意,如果真係要做好件事,就真係唔可以有籍口~ 食物總算來到,叫咗個海南雞、叫咗個推介既泰式生蝦、咖喱蝦同埋其他主食,生蝦呢... 得幾隻但係咁既價錢真係算貴,肉質算係彈牙,但係呢就唔夠鮮甜同埋咬口,醬汁都幾特別,但係個人認為有少少喧賓奪主,可能真係食唔慣泰式刺身~ 雞賣相好靚,肉多而且唔會油淋淋,雞味濃,但係韌,做唔到海南雞應有既嫩滑細膩,如果用番普通泰國餐館既要求,呢道菜絕對OK,但係擺得喺呢間餐廳,唔知係失手定係人多QC做得唔好啦,我就覺得可以再好啲~ 個人唔太食辣,但係一般泰式咖喱都唔會係好辣既,所以整咗個大蝦來試試~ 其實食過生蝦,係應該試吓佢個蟹既,但係食蟹真係太麻煩,所以都係食蝦好啲 大隻既蝦其實個人唔太鐘意,因為大隻既蝦一定唔會嫩滑,不過有時大啖大啖咁食蝦都係享受來既~ 呢道餸真係油咗啲,面層既油真係幾誇張吓,雖然咖喱汁味道好唔錯,不過又係妹仔大過主人婆,餐廳唔係普通茶記,唔可以靠汁水來做主角... 一定要整體配合乃至做到色香味俱全先至ok 食物上面不過不失啦整體來講,但係真係未必會再回頭嚕~ 評分: 味道 2 環境 3 服務 2 衛生 4 抵食 1
2014-11-06
銅鑼灣服裝明店林立,但其實仲有另一樣野系多既,系咩﹖就緊系餐廳啦!今次我棉花仔就去左邊寜頓街既首爾家韓國料理。 間鋪系韓式燒烤店,裝飾簡單,夠光猛。我同弟弟去點左個二人套餐,有牛肋肉、炸雞、魷魚、五花腩肉同泡菜。泡菜要醃得夠味,即酸酸地而有啲辣咁,而首爾家既泡菜,我食到既,只有酸,而且系好酸,我只系食左一兩片。 牛肋肉經過醃製,我地搵左侍應代燒,始終熟手啲。佢燒得幾好,好均勻,又唔會燒到牛肉老左。 醃過既牛肉,果然唔同D呀!有燒過既香味外,仲有醃過既味,雙重味道,雙重享受!炸雞外型有D似咕嚕肉,不過比咕嚕肉好D,因為除左又酸又甜之外,仲有辣味,三重滋味!魷魚份量唔少,燒下再食唔錯! 五花腩脂肪同肉壁壘分明,算系幾好質素,燒左食實好食! 加埋碗飯,夠晒飽,兩個夾埋600幾,值得食既!
評分: 味道 4 環境 4 服務 4 衛生 3 抵食 3
2014-11-06
今日朋友聚會日,本來諗住去尖咀食,但因為就其中一個人而改左去佐敦既醬缸韓國料理,聽聞好出名。 果然真系好出名,因為要排大隊,而且我地最終排左成個鐘多D,真系跑十公里都跑完兩個啦!我地入到去即點左五花肉、海鮮煎、年糕鍋。 先到韓式前菜,包括海帶、薯絲、冬菇、泡菜,算系預期之內,不過可,而海帶、薯絲都比較爽口。燒五花肉系ok既,食落唔太乾,又唔會因為太大舊脂肪而搞到好油同好膩。海鮮煎好脆脆地,但唔太有海鮮味。之後到年糕鍋佢系一個湯鍋,入面除左有年糕,仲有豆腐、金菇、蘿蔔、少少肉類等,總言之,咩都有D。黎到既時候,熱辣辣,香噴噴,望到都唾延三尺!所有食材都好入味,而個湯都好甜,就咁飲都可以。 題外話/補充資料: 就算book左位,都可能要等一段時間先有位嫁!我等緊位期間,就有幾個系咁既case。
評分: 味道 4 環境 3 服務 3 衛生 4 抵食 4
2014-09-12
屋企人生日去放題開心下 lol ,早一日就要去訂位,訂左位先知道原來生日係有壽司蛋糕送,我棉花仔咁大個人都係第一次聽壽司蛋糕(可能我見識少 )。 題外話/補充資料: 最近見呢間瀛喜系雜誌同社交網站宣傳系荃灣開左分店,仲有送放題,雖然其他送出黎既優惠唔算系D咩著數既優惠,但都有趣既,睇佢既反應都好似OK。新出果個「二人同行一人半價」好似幾正甘@@有機會會再去試試。
評分: 味道 3 環境 3 服務 3 衛生 3 抵食 3
2014-09-10
一大班人忙完咁耐梗係要食返餐好既,但全部都冇建議,所以就黎左呢間系旺角咁就腳既日式放題餐廳。 系呢區食野正常都好多人等位,我地都等左差唔多半個鐘先入到去。吉壽系呢一區相信都幾出名,但當然唔系貴價又非常好食果隻,我個人黎講都來過幾次。200零蚊位都有返接近水平既質素。 由於黎過幾次,只有今次先系比較差,都會比多次機會,有機會會試多一次,有望下次來會有著改善吧!!
評分: 味道 2 環境 3 服務 3 衛生 3 抵食 3
|