上次食過牛陣，我覺得真係超唔好食，男友仲話幾好=.= 我不斷同佢講:你一定要試下牛涮鍋!!
噚日難得去荃灣睇戲，就順便捉埋佢去試下牛涮鍋
門口好多人，我地都照去拎飛，點知佢話2位即刻有位，正!!

入到去坐2人枱，我發板叫左$178既牛，同甜醬油湯底
鍾意吉吉家既濃湯底的話，就一定要甜醬油湯底，超濃，但如果想淡啲，可以叫佢加"水" (佢地正常會加湯，一定要再3同佢地講要"水")

$178嗰個set有上級牛、普通牛、豚肉同雞肉
男友叫侍應出住上級牛同雞先
當啲肉黎左，我地又出左去自助吧拎其他食物既時候，就發現....
張枱真係細到爆啊!!!
如果一次過黎哂4碟肉仲得了?!?!

Anyway，啲肉幾好食，男友覺得好好食，食完想再要上級牛同雞
佢都再三問我: 我地唔食豬啦，呵?!
我都再三答佢: 其實呢度啲豬都好好食架喎
佢都唯有屈服，叫左半碟豬同半碟牛同一碟雞

佢試過個豬之後都真係覺得好好食，甚至好食過啲牛
咁可能第二輪既牛無第一輪既咁好食

出面自助吧既配料都算多，當中要推介個拉麵，好食過烏冬10萬倍!!
墨魚丸就食白色，唔好食黑色，個人覺得唔好食

食飽仲有雪糕吧，得牛奶雪糕、草莓乳酪雪糕 同兩溝
亦可以揀cone / 紙杯 裝住，旁邊仲有配料可以自己加

野飲都係免費自助任斟，有果汁同汽水，不過全部都勁甜

整體都幾ok，男友話要帶佢媽媽試下
心諗: 唔洗咁誇張掛，都唔係真係超級勁爆好食
by the way, 我地兩個飽到傻左

宜家食飯最想就係坐得舒舒服服，可以慢慢食，邊食邊傾。早幾日又發掘到新聚腳點，都真係幾唔錯，食物都好食，主要食串燒，仲有啤酒飲，係傾計既好地方

我地3個女仔，都想輕食，所以都係叫左幾款串燒試下。侍應推介必食鵪鶉蛋串燒，同帶子雞翼，另外我地仲叫左豚肉露筍、免治雞肉棒 & 銀鱈魚

鵪鶉蛋係流心的，超驚喜，唔怪之得大家都推介

帶子雞翼係我最鍾意，因為mix左我最愛既食物，雞翼又滑，外皮好脆，包住半熟帶子，好鮮甜，我推介呢個!!!

豚肉露筍係薄切豚肉包住露筍，露筍好fresh，咬落去爽脆多汁

免治雞肉棒香，點埋個生蛋黃一齊食，perfect match

銀鱈魚就好甜，好稔臨尾仲叫左個柚子雪葩，酸酸甜甜，超冰凍~

我地仲一人叫左杯麒麟生啤，可以一邊食，一邊嘆啤酒，仲可以傾計，一個開心既晚上

其實串燒既選擇係多既，但如果想食其他熱食之類就唔多，更加無刺身壽司嗰啲
另外個冷氣都真係幾凍，建議都係帶定件外套
仲有嗰度位唔多，一定要book!!!

終於搵到間又就腳，又唔限時，仲好好食既餐廳~
我地之前book左枱，7點上到去，睇下個menu，選擇唔算多，咁我地就一人叫一個試下啦冷盤係帶子，好鮮甜，好似刺身咁~

沙律好大份，啲菜好新鮮，另外個南瓜湯都好好味，好香濃

到主菜了!!! 法式燒春雞，啲肉好嫰滑，好入味，個皮好薄好脆，外脆內軟，份量有一隻，一定夠食! 點埋個白汁忌廉仲好食~~ 10個推介!另一個係三文魚扒，都好好食，好嫰，啖啖肉，唔"鞋"口，底下既紫薯好甜，個汁係泰式酸辣汁，配搭搞笑，但又好好食~

最後仲有甜品，有最愛既焦糖燉蛋，perfect!!

成個set dinner 好豐富，好食之餘仲可以好舒服咁坐，係咁傾計都唔會畀人催畀人趕~~

不過唔好既係佢冇lunch time，剩係得dinner，仲有要預先book枱

成日都想食，今日終於可以同男朋友試到~~

男朋友點左個神虎特選拉麵，而我就點左白虎拉麵，我地仲加左個煎餃子神虎特選拉麵真係好大碗，佢食完真係好飽~~白虎拉麵好好食，不過個湯好膩，好濟...雖然D拉麵好食，但個餃子真係好唔掂....

整體都ok既，個度D服務員都幾nice，同talkive

之前都有食過，不過lunchtime 會好多人，所以次次都會book枱，如果唔係可能有排等。呢個好食，薯仔粒炸得好好食，加埋芝士，一流!
牛肉粒唔un，推介!相比之下，egg benedict 就麻麻，唔係唔好食，係冇個鍋咁好食
個薯仔粒冇芝士又係差D奄列唔錯，但每碟都有薯仔就太heavy了

我地3個女仔點3個dishes share都覺得太full，想唔浪費食物，就建議點2個dishes先，唔夠先再點~

因為係星期六，所以even lunch time都冇lunch set，不過女仔面對甜品都抵抗唔住~ 3個人好飽都忍唔住點左一個waffle(綠茶味雪糕) share~ 滿足~~

朋友帶我去食，第一次，覺得都幾ok薄燒和牛，眼見唔係好多，但兩個人好夠食，因為真係好膩...燒香魚，一般般啦，nothing special炸牡丹蝦頭~~推介!! 炸得好透，好脆，好香口!!Wasabi燒生蠔，唔差既，但一隻起兩隻止了..刺身，都幾好，尤其牡丹蝦，好食!!!

因為太無耐性，所以之前一直都食唔到。噚日朋友肯先排隊等我放工，超感動，終於試到了!!
佢由4點幾開始等，其實好快就有枱，因為好多人都係拎左籌就走，但因為我未收工，所以佢重覆拎左幾次籌，最終排到7點幾。其實我個朋友同個staff講等埋我先入去，around7點，個staff好好人，肯畀我地齊人，7點幾就優先畀我地入去，唔洗我地由頭排過~~ 但都辛苦左我朋友，大大話話都排左3粒幾鐘 ><

講番咖啡弄啦，對於我第一次去，個環境比我想像中寬敞，不錯!!
食野好限時，但D野食都出得算快，其實150分鐘都夠食飽傾下計

我地叫左沙律蝦多士配薯仔沙律、現烤燻雞吐司披薩、紅豆抹茶雪糕鬆餅、oreo沙冰同芒果沙冰。個蝦多士ok的，但D薯仔可以再小件D，咁內裡就冇咁生...個pizza 普普通通，都係有雞有辣肉腸有蕃茄。但我比較欣賞佢個沙律，好食!個waffle係新鮮整既，真係超級巨型，對於兩個女仔，每人要食兩件... 真係太heavy了....飽到頂點，眼前仲有杯勁太杯既沙冰，我個杯仲要係oero，真係太cramy同太膩，飲左都冇半杯就放棄....

「朝聖」完之後，都係覺得好一般姐，唔係難食，但又唔係好好食~ 不過如果咁都要排長龍，咁我諗我都唔會有下一次...

普通同朋友食飯，星期日周圍都多人，未食過呢間意粉屋，就試下啦!

兩個女仔食唔到好多野，所以都係散叫我地各自都叫左個湯，我的有酥皮，好好食，如果飲哂，應該未飽，因為都幾creamy

我地仲叫左個海鮮意粉同pizza share個扁意粉幾好食，不過D海鮮就真係好麻麻地....個pizza料唔算多，但都ok的，多D芝士就更正~ 不過最好熱辣辣既時候食雖然已經飽，但點都要食埋甜品先perfect~
雪糕pancake，中等啦，如果個pancake脆身D就更好食

好耐之前已經聽過分子雪糕，但都未試過，今日路經此地，一定要試下!!

3條友叫左3種味，咩都試下士多啤梨熊貓就冇咩特別，士多啤梨味lol，上面加左個熊貓造型既餅，幾得意!!最中意就係奶黃包味!!! 本身都好中意食奶黃包，雪糕既外型，奶黃包既味道!!!
分子料理~~so amazing~~另外嗰個係豆腐花&芝麻糊味，因為本身已經唔鍾意食豆腐花，所以都係無好感。芝麻糊味都ok~