鍾意Chocolate Rain既一定知上還有一間餐廳係以Chocolate Rain做主題，所以特登去試下，
餐廳門口既櫥窗擺咗幾個成呎高既Chocolate Rain公仔，入面四周都係Chocolate Rain既擺設，
連天花都貼咗一大幅Chocolate Rain，未叫野食已經係咁影相。呢日星期六7點鐘都冇咩人，唔洗等位，可以一邊食一邊影下周位既佈置。
日式飯既番茄醬同意粉既忌廉汁同都好香好濃，分量適中，一人一碟啱啱好，仲可以食個甜品，
估唔到d甜品都係Chocolate Rain既圖案，真係唔食得都睇得，
個Tiramisu味道普通唔算太特別，望住個咁得意既圖案，真係唔捨得食，
個侍應見我地好仲意Chocolate Rain，特登俾多個Chocolate Rain紙杯墊俾我地留念

中秋同親戚做完節，咁岩經過旺角，冇理由唔行陣街食下野既。

見到有間甜品鋪門口幾多人排隊，就決定試下。
夜晚十點，一行四人，等左三分鐘就入得。

不過可能因為鋪頭細，四個人迫落一張二人桌度。有兩個人更加坐左係通道度，
期間不斷俾人撞，坐得相當唔舒服。

今次叫左兩份甜品share食。等左7-9分鐘有得食

第一個係層層疊雪糕堡，二人份量，上面係雪糕，下面幾層既chocolate waffle加少少cream
waffle冇咩朱古力味，但沾半溶既雪糕食有驚喜，可以一試。第二個係芒果森林，除左多一球雪糕同少少jelly，同出面其它甜品鋪既芒果綿花冰大同小異，冇咩特別。

星期日同啊爺啊嫲飲茶，去左食點心，呢度d點心都幾高質素，同埋坐得既舒服

呢個姜汁糕好值得推介，賣相好令令，一層一層，姜味好濃，個糕整的好軟糯，如果冬天食真係一流。燒賣就冇咩特別，同普通茶樓都係一樣冇料既腸粉，開頭我以為會好dry,冇味，但呢個腸粉，好滑好滑，唔係點咬都吞到。呢餐整體唔錯，下次會再黎

難得去到筲箕灣, 當然要去下東大街食下野!!附近都有幾間甜品店, 但見到甜品老媽有我最愛既竽圓!就諗都唔諗就入左去~~
入到去環境都唔錯, 又唔駛等位~~
呢間甜品店既款式都幾多元化, 諗得出既甜品糖水都有~而我同個FD兩個人就叫左香芒雪泥竽圓紅豆湯(凍)同草莓西米露
好快就送到黎~~兩碗賣相都唔錯!!
先講香芒雪泥竽圓紅豆湯(凍), 初初覺得香芒雪泥加落去紅豆湯會好怪, 但原來個雪泥融左落紅豆湯到味道出乎意料地夾!好味!不過竽圓同番薯圓就小左D, 如果多番小小就好啦!不過整體黎講都唔錯, 下次可以再食而草莓西米露就冇咩驚喜, 個人覺得椰奶味太重, 搶左草莓既味道...不過等個草莓雪糕融左之後就濃味D, 好食D

之前星期4特登去食，點知唔記得左星期四係休息：（今次終於食到喇！我以為平日會小人D，呢個諗法實在太天真，條隊都係好長。不過排左唔洗15分鐘就入到去喇！2個人果然易搵位：）「牛通，炒蛋多士，華田呀唔該。」真係好有效率，唔洗一分鐘，食物已經送到你面前！！ D 炒蛋依舊係好滑，應該係落左奶：P ，個多士好熱好厚，不過個叉燒意就一般，D通粉太軟，牛肉又比較梗。5分鐘已經KO 哂，不過仲未滿足，叫多個甜品先！！我叫左個燉蛋，食到好飽好開心！不過依家係咁加價，愈黎愈貴：（

岩岩開學開SEM飯真係多：）唔洗走出中大都有好野食，難得中大有甜品食就同D組仔女上左和聲食個TEA，入面環境好舒服，景色好令。CAFE TOLO 有 MOVENPIC 雪糕，窩夫，心太軟等等甜品。係一間大學入面有咁多甜品食都算係咁＞＜我個人覺得最抵食既係雪糕加窩夫，都只係＄32 ！！！ 一球雪糕都＄22，加多＄10有三件窩夫同有水果盤真係冇得輸！！ 我叫左心太軟同窩夫，兩客都有雪糕，雪糕可以選朱古力，草莓同雲利拿。全部都係即點即做，呢個係我最欣賞的。比左錢之後佢會比塊牌你，野食準備好有得拎既時間，塊牌就會震，真係有10個趣！！ 出面好多時食個窩夫都要＄40﹣50 ，呢度仲要係MOVENPIC 雪糕，真係心心眼！！心太軟都唔差，雖然貴小小要＄42，不個好香，賣相又唔錯！食到好飽，真係好滿足＜3流心嫁！！

話說登打士街成棟樓都係Cafe 咁濟，一到等lift個位，就有個女人係咁sell 十樓間cafe，於是就上去試下啦

一入去，唔駛講，嗌咗野食先啦，咁我就叫咗個法式鴨胸長通粉加柚子茶，再同frd夾咗個草莓多士盒。
點知柚子茶就等咗大概四個字，多士盒就成五十分鐘(甜品仲早上過主菜))，之後再等多十幾分鐘啲長通粉先到。

柚子茶，一個字，淡。支飲管要直接隊住啲柚子先FEEL到啲柚子味。

多士盒除咗啲多士有啲太林之外都唔錯。

法式鴨胸長通粉個汁有啲似卡邦尼嗰種，驚喜既係鴨胸比想像中多，有八片(雖然同taste啲味差唔多lol)

環境方面，啲燈飾幾古典優雅，不過可惜張枱同地下都有黏黏既感覺，唔多舒服。啲card game就亂到痴線，大部份都唔齊

夜晚係紅磡食完飯，更係黎松記食個甜品。一坐低就叫左個茫果班CAKE，因為一早整好左，所以唔洗等！佢既皮好薄，包住一層CREAM同埋主角'芒果'。佢芒果份量都幾多，啖啖都有芒果，而CREAM都岩岩好，食完5會覺得膩，而層皮薄得黎又5會無咬口，下次會再食！又叫左個心太軟，但食完先記得影相，佢個朱古力流心做得幾好，用匙更一 切D朱古力流灑出黎，而且唔會特別甜，不過個雪糕味道麻麻，似雀巢雪糕

今日我地1行10個人姓聚黎食黑夜壽司，驚會等好耐，所以早左1個中9點就黎到排隊，黎到個時無咩人都算排頭位，排到撘8佢早左放人入，坐卡位都OK大唔算逼，叫左10幾款壽司！火炙帆立貝，平時食帆立貝好驚會好腥，但佢就無腥味，幾鮮甜！三文魚三食，一碟有3隻味，辣汁三文魚同普通無咩分別，係得小小辣，大蔥三文魚都只係加幾條蔥係三文魚上面，得黑椒三文魚比較特別，黑椒加三文魚既味道都幾搭配，不過3件得一件好食下次唔會再叫黑松露拖羅甜蝦，幾鮮甜，唔錯特長饅魚壽司，饅魚有手半咁長，都燒到幾入味，不過就薄左小小鹽燒三文魚，三文魚上有一小片青檸，三文魚同青檸都有輕輕火炙過，賣相唔錯，入口時三文魚同幾滴青檸汁混和，令三文魚無咁膩，幾開胃
火炙三文魚，幾香火炙左口魚邊，有種入口即溶既感覺！

住左紅磡好耐，但今次係第一次食！本身同朋友2個人掃緊街，見到入黎叫左2樣野蔥油餅，8蚊一件都有成隻手掌咁大，好香蔥油味，餅上面灑滿芝麻，厚度適中，唔會太厚而感覺淨係食緊包咁，而且包皮脆脆地，正！小籠包！因為香，所以食左3粒先記得影相：P！喱度小籠包即叫即蒸，黎到個時熱辣辣，命有好香既豬肉味！佢皮唔算特別薄，但勝在唔易爛，涵料同肉汁都好多，食落大大啖，好滿足