朋友相約飯聚，選左上上拉麵小籠包。9時到達，顧客已經有近八成。我地4個被引領到一張六人長枱，坐得舒適、寬敞。
首先，我地點左一個雞絲粉皮， 雞肉有味道，粉皮幼滑不厚身。食過好多雞絲粉皮，很多沒雞味，呢間唔錯! 
食上海嘢， 點可以唔叫小籠包呀?依個小籠包皮薄， 但唔會一夾就穿， 而且好多肉汁， 味道又唔會好鹹。有D人食小籠包時會鍾意配埋黑醋一齊食。不過我就鍾意食佢的原汁原味，所以唔點黑醋的。
總括黎講， 食物味道唔錯，而且價錢唔算貴.4個人都係每人大約HK$120埋單姐。
 

今日做嘢做到好夜，結果成晚都冇乜食過嘢，最後決定叫豆大做宵夜，就叫咗個豬頸肉帶子炒公仔麵同埋XO醬炒腸粉，個炒麵我個人覺得炒得太乾，乾得濟令到成個麵變得唔好食，但係啲豬頸肉幾好食，都叫做為個麵加返啲分;另外個炒腸粉我認為個醬唔係太出，成個腸粉食落有啲淡，得少少XO醬味，亦都唔係幾好食所以呢餐真係十分之一般，不過外賣宵夜就冇乜所謂啦。

同屋企人weekend食飯，出到荃灣，想食西餐，於是去左悅來坊既Fat Angelo's首先不得不提個湯，好creamy,好多菇搞碎而成，好足料，每一啖都好重菇味，不過個湯稍微濃左，有d 似汁 龍蝦茄汁天使面，龍蝦難得好多肉簡直係淡淡肉，再加埋好有彈性既天使面簡直係絕配，比我expect好食Blueberry Cheese Cake, ，好重cheese 味，好好食

話說出到太子，行左陣見到呢間餐廳，外面企左好多人，再加上有友人之前試過，於是就入左去喇。d叔叔服務真係好好，唔洗我地等位，即刻執位比我地。呢個真係好好食，好多蠔仔，真係好足料。水同料既比例剛剛好，應有既水還水，料還料，潮州粥特色都有。呢個好值得推介，同個粥一樣都係好多蠔仔，與其話佢係煎蠔餅，不如叫佢做炸原隻蠔仔餅，佢d蠔仔比起出面大好多，同埋真係好大份

唯一覺得麻麻既係，佢每樣野都係按人頭比分量，menu冇價錢，都唔知每樣其實幾多

今日夜晚突然好想食米線，記得之前聽朋友講美孚間景村雲南米線幾好食，所以就黎試下啦。美孚有間質素幾好既米線舖都唔錯，又就腳
去到既時候可能因為環境比較細，又坐滿哂食客，所以都要等一陣先入到去。
佢有幾款招牌小食同埋三款招牌米線俾食客揀：小鍋米線(不辣)、酸辣米線、麻辣米線，而每款辣既米線都可以揀唔同程度既辣度，三款米線都有唔同價錢既自選配料。因為我唔食辣，所以揀咗小鍋米線，再加墨魚丸、唐生菜、雞肉，同埋一杯凍檸茶。碗米線黎到既時候，除咗我叫嗰三樣餸之外，細心啲發現原來佢加咗好多墨魚俾我 呢個係個意想不到的驚喜!
啲墨魚丸咬落既質感好好，好有彈性，食完有好想再食多幾粒既感覺；但雞肉有少少韌，如果冇咁韌會更好；另外有好多生菜，對於鍾意食生菜既我黎講真係覺得好正好健康 我好少出街會食到啲會俾好多生菜我既米線我幾欣賞佢可以自行選擇唔同既配料，成碗米線既整體味道唔錯，份量啱啱好，價值又合理，食得好滿足(: 下次如果覺得肚餓，又諗唔到食咩既話，就黎景村雲南米線食碗米線啦!!

話說我呢就$21叫左個牛奶麥皮啦
咁冇幾耐之後呢 個麥皮就黎到
先講first impression
賣相都算正常 份量亦都比想像中多
不過就冇咩香味
我食嗰陣唔算太熱 溫度啱啱好
濃稠程度亦相當標準 唔會太稠或者太稀
可惜 成個麥皮都淡而無味
要落好多糖先得

其實這天早已吃了午飯 但偶爾經過寶富大廈，不試一下名閒已久的crepe好像有點可惜。
餐廳位於唐樓內，其實不容易吸引人流，但在我到達正門時入口的一條白色隧道散發著獨有的味道，令我對這法色餐廳期侍不已。
我叫了一個咸的La Terre-neuve crepe。這crepe有煙三文魚，菠菜跟半熟的蛋。crepe的外皮略脆，帶有滿滿的麥香味，不配著其他配料也不會失色。而煙三文魚口感嫩滑，又唔會有腥味膠味，忌廉及蛋汁令煙三文魚嫩更嫩滑。配上外皮與菠菜。圈著吃令整塊crepe的口感帶有不同的層次。
唯一一個有點失望的是crepe上菜時顯然不夠熱。不過其他方面也能搭救。

閒日7點半約好同學去食,岩岩好淨返一張空檯就入左去食。酸辣湯:一睇就知好足料:竹筍、肉絲、冬菇、木耳等等都有齊,食落口啖啖都係料;酸同辣既比例亦都相若,口感方面偏向黏,但我覺得冇問題。醉雞:淡淡既酒香滲透係雞入面,加上夠凍,而且雞肉又新鮮,正!鮑魚菇:有鮑魚既質感,少少''un'',又不失菇類多汁既特質,加上爽口既西蘭花做配料,幾好食。饃包麻婆豆腐:豆腐又滑又軟,配合少少辣既肉碎同肉醬十分融和。遺憾饃既容量太少,包唔哂d料。瑤柱蛋白炒飯:蒜,蔥同瑤柱既味貫穿成個飯,鹹得黎有瓜,菜碎同蛋做調和,好好食!

之前上網search到呢間餐廳,就突登黎試下。入到去環境好清幽,佈置典雅,好適合relax,傾計。首先叫左紅菜頭煙三文魚意粉。意粉creamy得黎唔油膩,而三文魚岩岩好融入左係意粉入面,煙燻味同鹹味都夠,紅菜頭爽口既質感正好為意粉帶黎沖擊。荔枝cheese cake,聽講粒荔枝係釀左半年。荔枝食落果然係唔錯,甜得黎唔漏,但反而蛋糕既cream相比下比較淡口,唔多夠甜,聽講係因為用左健康d既糖,冇用白糖。冒名而黎都係因為呢個Waffle,但坦白講有少少失望。呢道甜品大致可以分為三層:雪糕,泡芙同waffle。雪糕都唔錯,正常發揮；泡芙係最好食既部份,外脆內軟,入面既奶油醬幾好味,加上外面有朱古力醬襯托係幾好；waffle就麻麻地,唔知係咪因為俾上面既野壓得耐,搞到佢好淋,冇乜質感。而且食落亦係比較淡口,唔夠甜,士多啤梨醬亦比較酸,唔太自然。可能因為食材低糖所以整體比較淡口,但係作為男仔就唔多care@@但對於想食健康甜品既朋友係個好既選擇。

夜晚出到沙田，又唔想去新城市同人逼，排長龍，結果就去左連城到行。

將近九點，連城個邊既食肆已經好多都唔使等位，我就入左其中一間 - 自家烏冬。

入到去，先發現餐牌原來冇幾多野選擇，烏冬既菜式應該唔超過十樣，有d奇怪。

望黎望去，烏冬既都唔係太吸引，又冇我想食既sushi，結果，就叫個set dinner，燒玉子鰻魚飯。
等左5分鐘左右，前菜 - 蟹子沙律，就黎到啦。好普通，味道還可以。再等多幾分鐘，主菜就黎到啦。賣相..... 稍微有d寡，鰻魚唔太好食，冇乜汁，有d乾，

搞到食野其間要不斷飲汽水，不過價錢的確比出面既鰻魚便宜唔少，一分錢一分貨，算係咁啦。

一個人出去食，又唔想太貴既日本野，自家烏冬都不失為一個好選擇。