今晩特意來光顧東后齋 ， 是繼它搬往銅鑼灣後的第一次。相比東大街的舊店，這裡的裝潢更加高雅。

一如既往，點了這裡的招牌菜荷塘之花。不論是賣相味道都維持到舊店的水準，冬瓜蓮子均十分清甜。
黑松露野菌餃，松露味濃，唯水晶餃皮略微有點黏 。

竹笙百合炒露荀，一個清新的小炒。

最後是黑松露炒飯 ，松露撲鼻，飯夠乾身， 甚有口感。

新店的位置其實較舊店更方便。服務、食物都一流，有舊店的水準。第日想食齋時，在左近又多一個選擇。

以魚湯火鍋做主打的小店，一進店內，已見到好多人選魚湯火鍋，看上去很不錯，不過我和朋友都不太餓，所以只選了兩個魚湯米線套餐，最正的是全條魚上，我們選了黃花魚，及馬友魚，另外均揀了很特別的通心米線，魚湯貫穿米線，口感極佳。
每個餐都可以跟樽裝涼茶，算是非常特別的配搭。 

同事升職請左我來食晏佢話揀嚟呢度最主要係景觀一流同食物質素有保證，話曬都係入圍米芝蓮。
因為唔想諗的關係，我們二話不説就揀呢個商務套餐。整體來說，都好滿意。特別留下深刻印象的是鱈魚腩，食得出廚在煮既過程入面，好好咁保留魚既鮮甜味，火候控制得好好，再加上特別調校既醬汁，層次豐富。另外，义燒亦很好，脂肪和瘦肉比例來得剛剛好，肉質鬆化 ，蜜味足。點心都可以，芋絲炸春卷 ，外皮鬆脆 ， 食入口就有香濃既芋頭味，十分可口。蟹子燒賣，蟹子舖滿粒燒賣，口感特別豐富。台南炒擔仔，亦意想不到咁好食，味道咸中帶少少甜，炒得均勻，整體不錯!呢度中午時間都有游水推介， 好想下次試吓呢度既龍蝦
同事仲講笑話下次再有職升就請我來食海鮮 

這裡的賣點是價錢均真，套餐幾十元起，根據不同級數的牛肉、豬肉而定。肉既品質不參差，其他的蔬菜菇類豆腐魚蛋麵食則以自助餐形式提供，放在大堂中央自取，仲有雪糕供應。雖然不是名牌雪糕，但幸好不是要出力挖的那一種，我都盡力吃了兩個。

呢度用料算新鮮，添補夠快，以咁既價錢，相當抵食。

之前去英國食過玉桂萍果撻, 而家響香港見到類似既甜點, 都會忍唔住買來試.

真係要推介呢個玉桂萍果焗餅..玉桂味甘香，烤焗程度恰到好處, 甜度剛剛好, 性價比高!
溫馨提示, 要12:30pm後先有貨....

以潮州菜作招徠的潮公館，最適合我們一家大細潮州人。其實已來過好幾次，而這一次我們來是用團購，雖是團購，但份量都很足，與平時來沒有分別。團購餐有很多道菜，其中潮式拼盤入面都有滷水鵝（因為很多店都沒有），雖然不多，但鵝肉滷得相當鬆軟，就算80歲的公公婆婆都可以輕易食到。以前聽一些老師傅講，滷肉最佳做法是先滷熟後再放入雪櫃，令肉既表面鎖緊水分，可以更加原汁原味，不過就不知是否正宗做法。沒所謂喇，最重要是滷得好味，我聽爸爸說，因為早期早期來港生活的潮州人大多是苦力，用餐只求溫飽、方便快捷，久而久之，潮州人就將食物醃製，務求令用餐更方便和快速。於是便發明了滷味食品，真是聰明。而我最愛是魚腩煲，廚師把魚塊煎後再放煲，配以甜酸醬做點綴，更添惹味。
以前來的時候，這家潮公館用的是玄米茶，現在沒有了，改用的不是鐵觀音功夫茶，而是較香港人飲慣薄薄的中國茶。建議平日晚上來，尤其八點後人不算多，不用給經理們催趕。香港既潮州人多，可以講有份撐起香港，身為潮州人，吃到好味抵食潮菜，都算是光榮呢！
4人，約380元（團購）
用餐日：8月15日

在炎炎的夏日，突然好想吃道甜品滿足自己，碰巧經過見到這木子甜品再望吓個餐牌，都好抵就試吓……
買左個芋泥仙草配雪粒
一杯價錢大概24蚊左右，份量足料
仙草即是香港的涼粉，略帶甜味，有清熱降毒之用；內裡有兩至三粒的芋圓，都算煙韌有口感，且不會太硬，當然唔少得透心凉的雪糕球……好味，值得推薦

向來都係譚仔忠實fans，不過今日行過，見到呢間米線鋪試吓。由於我並不太餓，所以建議叫一個大大碗海鲜過桥米線($52)加多一個新疆香草share來食。大大碗過桥米線果真超大， 份量較譚仔的大，而且足料！有大大粒帶子、魚腐、魚蛋同好厚切的魚片頭各兩件，芽菜爽口，米線煙韌有口感個香草雞翼($21)出乎意料地拍得住的土匪雞翼，佢有種特別香料醃製，肉嫩又保存到肉汁

每人再order左杯豆漿， 我地兩個都食到好飽。

八十幾蚊 - 抵 !