是咁的，上星期恰巧到西九龍中心攞野俾朋友，於是就過左深水埗，順便吔野。

我地都唔太熟深水埗，見西九有條天橋過對面馬路就行左先算。行下行下，條街又黑都唔知行左去邊，直到喺漆黑路上見到一個明亮既燈箱，寫著「馳名撚手水煮魚、重慶雞煲」。反正朋友食茶餐廳都無所謂，我又好辣菜，咁就即刻跳入去啦！

呢間茶記雖處位暗街，但裡面都燈火通明，感覺企理。有電視播放，有幾枱街坊客，標準街坊茶記setting。食乜我地都懶得去諗，反正唔貴，就整兩個明燈菜來吃吃吧——水煮魚和雞煲。客人唔算多，好快就上菜。先說水煮魚，可能點左小辣，個色唔太澎湃，看上去似冬蔭公多啲。食落都唔錯，朋友唔受辣已經噴火，我就ok，湯底辣度夠味，係稍嫌啲魚塊碎左啲啫，總括而言係適合港人口味既水煮味道。然後就到重慶雞煲，買相幾好，份量唔少幾足料咁，仲俾埋個gas爐慶著食，功夫都算做足。吃上去唔錯，味道濃厚，雞件夠滑，而且唔辣，認真老少咸宜。

2個招牌菜有飯有野飲，埋單都唔貴。其實我話價錢都唔係重要，好味先係最值得，機緣巧合遇到呢間茶餐廳，下次行開呢邊既話都會再去試下其實菜式，講完。

早兩晚咁啱行過筲箕灣，唔熟地頭自然走入出名多好野食既東大街。同行朋友話想食西餐，我都擔心地道既東大街有無西餐食，不過好彩行到中段搵到呢間叫Rico既餐廳。
 
望入去光燈充足，裝潢簡約，感覺都清新，可能今日係平日，所以人唔算太多。

打開menu，都有齊標準既西餐種類，我叫左個法式羊扒，朋友就叫左紐西蘭西冷牛扒：

餐湯餐包正常發揮

羊扒都唔錯，唔太羶，又大件

之後見有個小食叫黑松露鮮雜菌酥盒幾意，叫埋黎試下
 
反而呢個有啲驚喜，新鮮即製又夠足料，黑松露味香到瀉，配埋個爽口酥皮，一流
 
今餐總括黎講我都滿意，無意間喺度搵到間西餐，價錢每位都係百幾，有呢個質素都唔算貴。見個menu仲有即焗pizza，下次可以再黎試下！

喺openrice見呢間Rico未有食評，唔通呢間野係新開無耐？不過點都好，我都覺得唔錯，值得再試！