果日同成大班FD去左呢間野食放題
順便幫朋友慶祝生日
自己唔係太鍾意食放題
因為有過唔係咁好嘅經驗
但係成班人去冇辦法啦==
我地一行8個人
一坐低就叫左兩大盤刺身同其他熟食
刺身好快就上左
仲有個好靚嘅底座 有龍又有鳳
當然相機食左先啦
員工行過收單好快手
仲會話比我地知有咩野食冇
唔洗叫左先知
收單又有禮貌 仲會每次都講聲"多謝哂"
食左半個鐘左右 不停有熟食同壽司 手卷 沙律上枱
食左咁多間放題 呢間係算好好招呼
不停會有人幫你收唔要嘅碟
又幫你換哂D骨碟
唔洗成日將D骨掃埋一碟過先有人收
又會問我地洗唔洗加熱茶
好過咩都要自己出去攞
一反我之前試過果幾間嘅經驗
野食都唔錯
推介燒物 芝麻雞翼 炸朱古力棒 天婦羅 燒羊鞍 焗蠔
仲有生日優惠送左海膽刺身 蛋糕 同清酒
的確係好滿足
除左地下有D滑
但係員工都會提一提你地下小心地滑
總括而言 呢間真係唔錯

一入到去
即刻叫刺身
一大盤甜蝦刺身 正
叫幾多嚟幾多
跟住仲有燒海蝦
一樣咁正
天婦羅都ok
係個漿開厚左少少
每一輪嘅野食都好快到枱
沙律首推蟹子沙律
真係好好食 最啱用嚟做頭盤
仲叫左其他野食
燒物首推燒菠蘿 羊鞍 燒海蝦
炸物一定要食芝士年糕 好好食 芝士流心一咬就流出嚟
一品料理入面樣樣都好好食
自己就好中意食炒什菜
主食必食冷烏冬 真係一流