昨晚和同學聚會，選擇來townhouse,暑假internship是同同事來過lunch，已經好喜歡。Signature tea 好正，view又一流，食物又好味道。Townhouse主打fusion菜。今次先叫咗fries with black truffle Mayo ($68) share, 好好味。mayo好香，薯條新鮮炸好，脆！

For main course, 我要了pad Thai ($138), 2個朋友都叫了hainanese chicken risotto ($138), 另一位叫了duck soup noodle ($108)。Pad Thai 係墨魚麵，fusion嘛幾好食，酸酸地幾開胃，有一隻poached egg。朋友們的hainanese chicken唔似海南雞，似普通煎雞排多啲，不過risotto煮得好正，有雞油飯的味道。Duck soup noodle個湯好甜，似越南生牛肉粉湯底，好鮮甜。 For drinks, 我叫了Lychee Rose Twist, 上一次叫了blue sunset。兩個也好好喝。像cocktail但其實係無酒精的茶 Dessert叫咗Fondue set ($98) and banana creme brûlée。 2個都好正！Fondue真系好好食，不是芝士，係custard! Creme brûlée 都好味，看起來像蒸水蛋 是晚每人食了$270！

24號個日去左試，12:30去所以即刻有位，叫咗4個dish嘅lunch set, $118, 有2個冷盤同2個熱盤, 包餐湯，同埋飯（可選白飯，十穀飯或包）。我+左$15要杯咖啡。朋友要左$98嗰個set, 有2個冷盤同1個熱盤，又係要咗十榖飯。餐湯好味，像豆漿，好香黃豆味。我冷盤要了吞拿魚沙拉and蛋薯仔沙拉，冷盤普普通通，挺開胃。熱盤要了燉牛臉頰同pork ribs, 好味道。特別是牛，牛好淋。D汁送飯一流！十穀飯好好食。整體唔錯，感覺比其他餐廳健康，不過我覺得有啲overpriced.

看完openrice食評後滿心歡喜去試，可能lunchtime無咁多野食。入到去見到menu好失望，本來諗住食嗰啲嘢冇哂...   我諗夜晚會好好多嘅。最後叫咗紫菜包飯，海鮮拌飯，同燒牛助骨。kimbap （$48） 好味，不過跟mayonnaise上有啲奇怪... 可能係我唔識貨啦。海鮮拌飯 （$88）有2隻帶子，3片魚片，2隻青口同2隻蝦， 有啲粟米同蘿蔔，上到來係枱上炒，有啲似pepper lunch，OK啦，係屋企炒都得個隻... 燒牛助骨($88)好'un',唔太大，兼搽咗柚子蜜係面。 Lunch就一定冇下次，或者dinner啦。

約了朋友食lunch，12:30來到，唔太多人，叫咗炸醬麵set lunch (彈到成身都係 ），carbonara年糕set lunch (食完好飽), 加一個原味kimbap,好足料   set lunch包兩杯飲品，冷熱同價，我叫咗hazelnut latte，幾好飲。食物好味，portion啱啱好夠2個女仔食。埋單都係tots $163, 價錢幾好！下次多啲人去想食外星人鍋!!

一直都好想去試，今日終於有機會去到。叫咗抹茶紅豆味，$35! 中間係frozen yogurt,感覺冇咁飽，而且開胃啲，事關我係食飽飯去嘅。串朱古力提子食得好辛苦，差啲成臉都係 抹茶紅豆麻麻地，早知試custard啦。其實唔係唔好食，而係平平無奇，試一次就無妨，第2次就應該唔拿喇...

原來6pm至9pm先有discount。4:30去到，熱都坐出面，始終係為咗個view而去。View當然冇Ozone正 (Ritz Carlton 118/F), 但cocktail平一倍，只係太概$100杯，花生收$25... 黃色個杯Mango Mama好好飲，有果汁，mint，vodka。綠色個杯Around the Globe都唔錯，朋友個杯Blueberry Coriander中伏了，飲落似打邊爐嘅莞茜湯底加藥水... 環境真係唔錯，不過下次會happy hour先去，始終抵啲!! 

食完韓冰唔夠飽，話食李家講咗成年都未有機會，終於行過來食！$28，抵，有成10粒炸雞，皮脆肉嫩，多汁，新鮮炸起，加埋honey mustard and sweet and sour sauce更加好食！唯一不足係可樂唔太凍，冇冰兼冇乜氣...... 大熱天時企係街度食都真係幾係野，如果可樂夠凍就perfect！

3個人去食，lunchtime 冇乜人，有大把位。叫咗Oreo snow ice, 加一個lunch set (blueberry cheesecake snow ice with carbonara ramen, one drink included)!! 冰好好食，好似椰絲咁幼，好滑，好香牛奶味! 比出面棉花冰好食！不過估唔到lunch set係比迷你version, 咁好似a la carte抵啲，lunch set 都百幾蚊，但如果一個人去食就叫lunch set，可以試多啲嘢！多幾個人就a la carte, 開心啲😊 Total $180 ($60 per head), not expensive for lunch, 但當然唔太飽，下場去咗食炸雞😏

 118/F Ritz Carlton, 一月頭時同朋友來，期待咗好耐，個朝天氣唔係咁好，我地仲諗住打電話去取消訂位。但下午天清咗少少，所以都照去。我地5點鐘準時去到，想坐terrace啲位，但個日係星期三，所以其實7點去都有位！！大部分係遊客，亦有少量香港人。去到叫咗2杯嘢飲。我叫咗Champagne Mojito ($190), 個friend飲咗Vanilla Sky ($180)，未計加一。Mojito好好飲，入面加咗rose. Vanilla sky就okay la... 原條vanilla stick好香，但個人來講唔鐘意飲whiskey! 個View 真係一流，高到聽到飛機好似係頭頂飛過咁，不過幾大風，個日唔係穿咗好多衫，所以入黑就覺得好凍，雖然出面有暖爐，但冬天去就帶多件衫好啲。夏天應該會好涼爽！2人埋單~$420,坐咗差唔多3個鐘，睇景其實值回票價，因為Sky 100都要$170 per person, 依度係118樓bor, 全世界最高嘅bar!! 所以其實咁諗就抵嘅，一生人點都起碼要去一次!!

好開心終於食到咖啡弄! 因為知道要排好耐,所以今日同朋友11:15就去到漢口道排隊啦! 12點鐘開門，我地去到時已有2個人係前面排緊,臨近12點就好多人，成30—40人係度排隊! 不過其實我諗11:45去到排隊尾都okay既! 11:55就有店員出來數人頭, 12:00準時入得!! 上面環境唔錯，我地3個人獲安排坐窗邊4人枱! 位置舒適! 一睇menu就被名式名樣既食物賣相所吸引住!! 叫咗香蕉朱古力雪榚窩夫,芝士火腿牛角包同埋pork sandwich (唔記得叫咩名),,,,,, 飲品叫咗2杯iced caramel macchiato + iced vanilla coffee! 野食好大份,所以其實都幾抵食嫁!! 我地3個食到好飽!! Waffle一吃覺得好鬆化好好食,不過最尾再食涷哂之後就麻麻,應該選擇甜品後上,同埋要大胃王去食先食得哂!! Croissant有啲太鹹，可能因為有芝士醬，bacon同火腿.. 不過都幾過癮! 最好食其實係個pork sandwich!! 有塊似午餐肉但又唔係午餐肉既豬係入面,加芝士，番茄，生菜，好開胃同唔膩! 蛋沙拉亦好好食，三文治配菜個沙拉好好食，沙拉醬酸酸的好開胃，食到飽飽時幫助消化！iced vanilla coffee好正，係black coffee加一球vanilla  ice cream, 甜甜地，夏天一流，朋友話iced caramel macchiato就不過不失啦，同starbucks一樣冇咩特別! 3人去食咗$354! 每人$120唔夠其實幾抵! 下次去可能唔會再食waffle會試club sandwich or other food!!