whll926 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2024-04-13
離譜。小店非常受歡迎,一個月前book左lunch。準時1點入座,竟然限時一個鐘食飯?! 唔掛得冇人留港消費,食個飯都咁多規矩。店員好快來落單,上菜都好快 - 因為急住趕你走。 $148 兩道菜/$168三道菜。食物質素係唔差,beef tartare 新鮮開胃,house salad正常。主菜叫左duck ragu 意粉同nduja意粉,現做意粉彈牙、掛汁。Nduja辣辣地幾開胃。甜品tiramisu好滑,酒味有啲重。 但係餐廳實屬趕客。頭盤都未食完已經想收碟上意粉,食完意粉立刻上甜品,然後再將張單擺係你檯面,言下之意叫你快啲過主。 咁趕,下不為例喇,我去食大家樂焗意粉冇咁嬲。 評分: 味道 4 環境 3 服務 1 衛生 3 抵食 2
2022-03-26
第二次來,今次來食lunch。平日下午一點半到,餐廳都坐左一半人。Lunch set好抵食,2個人叫左一個辣海鮮麵set($70)同一個韓式壽司set($47),每個set包2個前菜。另外加半份韓式炸雞($70)。 辣海鮮麵唔係真係太辣,香甜既海鮮湯味,但都係越食越辣但又停唔到口 韓式壽司正常,都有成10舊,其實好飽。炸雞最正,脆仆仆!附上韓式甜辣醬同淹蘿蔔 服務好好,特別係老闆,每個客埋單都會親自送客 每次去東薈城行街必食! 評分: 味道 5 環境 5 服務 5 衛生 4 抵食 5
2022-02-18
比我係外賣平台發掘到一間隱世炸雞店。先係平台落order ,然後自己去拿!我叫左一半原味一半甜辣炸雞($182)位置好隱蔽,係交通廣場後面一條巷入面,搵左一陣 店面唔大,只做外賣。入到去只有一位韓國叔叔在工作。早左去,叔叔話要多2-3分鐘,比左部機我係出面等。叔叔係韓國人,用唔鹹唔淡既廣東話,感覺已經覺得好正宗 拿到手仲要揸車返屋企,搞到成架車都好香,流哂口水等成半個鐘先開始食,一打開發現裡面有酸蘿蔔同沙律,仲有罐迷你可樂,皮脆肉嫩。甜辣炸雞唔太辣,比較甜。原味炸雞依然脆卜卜。真心推介 仲可以係個盒度剪個印花出來,儲夠10個就可以換一份炸雞!
評分: 味道 5 環境 5 服務 5 衛生 4 抵食 5
2021-11-07
看完一位Youtuber介紹,立馬約朋友來試。我好鍾意食雞白湯,所以每逢有新發現都會即刻去。雞白湯當中,香港裏我的最愛不外乎座銀同金鶴。所以一聽到Youtuber說這是香港第一的雞白湯拉麵時對這間非常期待。Weekend 12:30到達,外面已經排隊。店舖不算大,只能坐大概12人。一排隊店員就把落單紙送上,可以先填寫點什麼食物。排隊排左大概30分鐘。裡面很小,坐得不會舒服,但很有小店風味。落單後等了大概15分鐘就有得吃。一上枱就覺得雞白湯的顏色非常像日本銀座篝 (我認為最最最好食的雞白湯,我在香港見到佢出既杯麵都唔會放過!)立刻試飲個湯,不得了。滾熱辣,濃厚,香 - 我會比100分。溏心蛋都煮得剛剛好。有見過其他人嘅comment話湯唔夠、溏心蛋過熟,我完全冇遇上呢啲問題 依一間拉麵店已經成為我心中香港雞白湯拉麵店既top 3 之一 已經好期待下次再去!! 評分: 味道 5 環境 4 服務 5 衛生 3 抵食 5
|