Aposa 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2023-01-25
年初四去到旺角Moko,選擇幫襯未試過的段純貞。必須講服務麻麻!唔知係咪新年開工,侍應心情唔好?入座時見有兩張枱,一張近侍應櫃枱,另一張比較入面——行到入面,一位比較年長,穿淺色制服的女士(可能係高級經理)連呼三聲" Hello Hello Hello"叫我哋出返去,話入面留咗畀員工用膳。但之後果張枱又畀咗另一位客人喎? 聽到隔離枱有得QR code落單,不過我哋係冇code嘅👍 食物質素OK,面條份量偏少,但因為本身細食所以可以接受;半筋半肉各有兩塊,牛筋和肉都炆得夠稔;至於湯底也不錯,頗重藥材味道,少少辣算醒神~但都因為多藥材,重口味,所以比較口渴。 評分: 味道 4 環境 3 服務 1 衛生 4 抵食 3
2022-04-17
復活節假期的下午4點去到尖沙咀,難得杏甜品唔需要排隊,就入咗去~試咗輕食套餐set B+抹茶杏仁奶凍吸吸。 輕食套餐set B包一份飲品、三文治、輕營甜品,賣$58算抵食呢!今次叫的係杏咖啡、和風雞肉三文治、杏仁奶凍。前兩者味道不錯,咖啡適合鍾意飲淡啡味的人,有少少苦澀加上濃香杏仁味;三文治夾有生菜和番茄,還有一抹厚厚的雞肉沙津,用上竹炭麵包都好特別。唯獨杏仁奶凍冇乜杏味,似係一杯白色魚膠粉啫喱,可以不試。 至於杏仁奶凍吸吸,其實即杏仁豆腐飲品,相對set B的奶凍反而杏香四溢,而且定價$38有咁大杯,都好抵飲。 評分: 味道 5 環境 5 服務 5 衛生 5 抵食 5
2021-11-17
喺大圍嚟講,紅茶算係環境好,味道尚算穩定的茶餐廳。點解話味道尚算穩定,係因為剛開幕時佢奶茶難飲、沙嗲牛面又有燶味…但近來水準算唔錯,雖然杯奶茶仍未比得上同區太興(以連鎖店嚟計)。 紅茶下午茶非常抵食,份量多,而且好味。已經試咗幾次燒味飯,叉燒都好稔,而且比大圍普遍下午茶燒味飯都足料。吉列豬排烏冬都唔錯,豬排係新鮮熱辣上枱,炸粉薄,豬肉有𡁻口。另外推薦出爐酥皮蛋撻,雖然7蚊個唔算平,但幾好味,經常一出爐就賣晒
評分: 味道 5 環境 5 服務 4 衛生 4 抵食 4
2021-11-11
近年都會約定朋友食一餐大閘蟹,今年揀咗之前未食過嘅譽宴,算係咁多年來最好的一餐 每位$428另收加一,其實同坊間酒樓差唔多價錢,但質素的確唔錯。而且餸菜逐道奉上,除臨尾趕收工就一次過上晒薑茶、炒飯同甜品…但至少比以前去其他地方食大閘蟹餐時,未食完一碟已經上緊下一碟來得好。 食物方面,蟹粉小籠包皮薄有湯汁;花雕鮑魚可以唔駛沾芥末,已經非常夠味,鮑魚又唔韌;大閘蟹雖然得一隻(坊間通常3隻)但質素唔錯算多膏;蟹粉翅湯係全餐最出色的一味菜,食到蟹肉碎同翅絲,足料好味;稍嫌失色係乳鴿,外皮太鹹了。 此餐另大方地附有一壺400ml花雕酒,配搭話梅一齊飲,相當特別。
評分: 味道 5 環境 5 服務 5 衛生 5 抵食 4
|