話說同事請食生日飯，我便上網搵下公司附近有咩野好野食，咁啱比我搵到有呢間西餐未食過便提議去試下。

我地三個叫左三份set lunch,同樣要西冷扒，是日餐湯係雜菜湯，味道不錯但略嫌太稀。

主菜西冷份量唔算大，男生應該唔會夠飽。

我要的是五成熟，送來的都剛好，沒有過熟。味道一般，冇特別，反而配菜既豆苗係唯一驚喜，好味道。

最後來杯餐飲熱咖啡作為總結，唔好飲咖啡的同事出奇地覺得這裏的咖啡好喝，本人則覺得尚算香濃。

今日未到lunch時間經過，唔駛排隊

點左午餐set, 前菜沙律用依排好興嘅芝麻醬，沙律菜幾新鮮，醬汁都唔孤寒。

咖哩牛肉飯，牛肉夠淋，就算撈左咖哩都重食到濃濃嘅有牛肉味。
咖哩汁有少少辣辣地，好開胃，飯就係珍珠米，一粒粒口感唔錯，

配埋罐裝可樂加一70幾蚊，絕對超值。

收工去搵朋友食宵夜..
仲未食晚餐既我真係超級肚餓
雖然住東區, 但我都好少去筲箕灣
所以就由朋友發板帶我去食野喇
門面幾光猛..
入到去就即刻叫野食喇
我地叫左個芝士燒生蠔, 燒車厘茄,燒茄子, 沙茶燒金菇, 燒一口魷魚仔, 燒羊肉串, 烤雞腎, 燒雞翼同埋燒多春魚等等
上野食速度都唔算慢..
燒茄子: 大大碟幾juicy..想食埋個皮咁濟..不過當然皮係唔食得
燒車厘茄: 車厘茄甜甜地, 燒慶左仲熱辣辣外皮脆脆地..唔錯
烤雞腎: 個味道其實唔錯..不過好似硬左少少..唔夠爽口
燒一口魷魚仔: 個調味唔錯, 不過就其實大件左少少..唔夠"一口", 而且個質地太un, 有少少難咬, 不過我朋友就好鍾意食
之後係個燒金菇: 個沙茶醬好好味, 不過如果可以均勻d就更加正
燒雞翼~~我鍾意食, 的而且確好好味!個醬好特別, 好過癮, 係第度都未食過, 雞翼又唔會細細隻好似有d地方用d營養不良既雞翼咁
另外個燒羊肉串都燒得岩岩好, 個調味真係好正!
芝士燒生蠔: 個芝士味好濃, 燒到個芝士溶落隻蠔度, 加埋蠔個鮮味, 真係無得頂
燒多春魚: 都係個調味岩岩好, 唔會太咸又唔會無味,, 燒到外面脆裡面肉嫩, 正!!!
野食整體黎講都好掂
不過service方面如果可以一黎就提供食水就更加好!

放工同朋友去apm搵野食
行行下個商場好多野食都試過
唯獨是呢間未..
可能係夜左d去啦..
無人排隊所以唔洗等位
一入到去真係覺得個環境好唔錯
真係有日式居酒屋既感覺
位置鬆動坐得又唔逼
我地叫左個燒牛舌、関西燒、海膽炒飯同埋個清酒煮蜆等等
個蜆真係幾好食, 清清地又唔會太濃, 意想不到既好味小菜
個関西燒只係58蚊..咁平所以叫左黎試下..不過我就唔係好鍾意喇
個皮係濕既, 有勁多醬汁, 入面d生菜同牛筋口感咁既野撈埋一齊我真係唔係好鍾意食,
不過呢個係幾飽肚幾濟, 我之後都打包左返去
另外個燒牛吞真係勁好味, 個調味實在好特別..而且燒到好香, 又唔會好un之後仲忍唔住叫多左串
個飯都好掂雖然濕濕地唔會好似茶餐廳炒果d咁乾一粒粒飯分明, 但係呢個飯d調味好好, 咸得黎又唔會過份, 加埋個海膽一齊食真係好鮮味, 對於我呢個飯桶黎講真係覺得好唔錯
服務方面d侍應都幾好 都有成日黎加下水
下次黎apm想食日本野終於唔洗再係果兩間壽司店, 有其他選擇喇

又到lunch time唔知食咩好..
之後上openrice睇左一睇見到新寶
所以就打左電話去叫外賣喇..
我就叫左個福建炒飯..
同事叫左揚州炒飯, 西炒飯等等啦..
送貨速度都唔算慢..
送到過黎公司都仲好熱..
d飯好香..一打開勁多料
個福建炒飯好足料..
有冬菇, 肉粒, 蝦等等..
食完真係超級飽肚
而另外個西炒飯都好正..
不過美中不足既係居然得腸仔無火腿..
仲有幾隻蝦添..
但味道都係好好味..
呢間茶餐廳真係唔錯..
野食夠鑊氣!食得過呀!有機會會去試下堂食