BB 開始大個仔，可以帶埋佢一齊去打卡📷喇！ 聖誕月，Café 100 By The Ritz Carlton 推出期間限定既聖誕下午茶。 我咁大個女第一次去Sky 100** 感恩當日天氣超好，360度居高臨下欣賞維港兩岸既景色真係好靚呀！ 如果無帶小朋友既話，我強烈建議坐Bar枱，因為影相好靚～ 不過我地帶BB同埋有BB車，都係坐番普通方枱方便D… 餐廳仲安排左Stokke high chair 俾BB坐～ 同埋提供小童餐具，非常Baby Friendly呀！ Tea set架仿照Sky100既外形設計，辨識度高～ 好有特色！ 下午茶食物由Ritz-Carlton提供，質素絕對有保證～ 鹹甜點都各有特色…. 我最鍾意既就係的法式鴨肝慕絲配洛神花包及小紅莓果醬～ 濃郁豐厚既鴨肝配埋酸酸甜甜小紅莓果醬，中和左鴨肝個種膩既感覺，兩者好夾** 紅菜頭醃漬三文魚迷你三文治配三文魚子及檸檬醬亦都好fresh, 好出色！ 套餐包左兩杯飲品…. 我地叫左凍茶，有淡淡既果香味～ 同層仲有好多打卡位～ 食飽飽，可以四圍打下卡** 睇埋日落，浪漫！

疫情關係已經差唔多成年冇去過旅行喇！
不過而家喺香港好多地方都可以搵到外地既好野食～
今次我就去咗體驗泰國流行咗好耐嘅流水蝦放題....
每人$298，就可以任食兩個鐘。一行入餐廳就見到好長既流水蝦缸....
每張枱都有抽氣，唔怕食到成身都係燒烤味～大蝦全部都好生猛新鮮～
蝦夾上嚟之後，要先放入冰桶凍暈，再放上爐燒。除咗大頭蝦之外，仲有蠔、青口、蜆、扇貝、螺等等嘅海鮮....
蠔唔算好大隻，不過勝在夠鮮，蜆肉質飽滿鮮甜。丸類、菇類、雞翼、多春魚、豬頸肉、菠蘿、炸物等等！ 飲品亦都有好多選擇。 眼見隔離枱主攻海鮮，而我地就海鮮同其他食物一半一半咁燒～ 無咁膩呀嘛！ 蝦肉爽口彈牙，蝦頭仲好多膏～ 點埋泰式醬汁食，超新鮮。 每張枱都會送宮崎縣A5和牛一客，滿口油脂甘香，超滿足！ 雪糕係香港製造嘅coco berry雪糕波.... 之前睇電視譚玉瑛姐姐介紹過，估唔到喺呢度竟然有食到～ 獨立包裝，方便衛生。 呢兩個鐘好食又好玩，真係超滿足.... 等疫情緩和番，要帶埋媽咪呢個超級「蝦」迷泥試下，相信佢一定會鍾意。

人大左，愈泥愈發覺身邊真心嘅朋友唔多.....
所以每一個交心嘅朋友我都好珍惜～
雖然平時未必成日都見面見，不過每年既生日一定會約出嚟聚一聚！
兩個都係港島區番工既人，放工就一於約係銅鑼灣等啦～

我地揀左Times Square 對面既呢間 E Molto Buono~

貪佢環境舒服、夠靜。
兩個懶鬼嗌Set Dinner 唔洗煩！

首先上既係麵包籃....
3款唔同既麵包熱辣辣，外脆內軟～
麵包配既唔係牛油，而係店家自家製既醬料，香草茄子醬、辣肉腸南瓜醬....
配埋一齊真係超好食，好快兩個人就清哂成盆麵包喇！

見鋪頭既生蠔做緊買一送一，我地都嗌番幾隻過下口癮先....
第一款係Pinky 肉質結實，帶蘑菇味，味道好得意。
Krystal 口感爽脆，海水味較重～
蠔肉既鮮甜味非常突出！
ancelin special 肥美鮮甜，好creamy，裙邊同蠔身都爽滑彈牙
跟住落泥就要正式開始我地既正餐喇！

西班牙紅蝦刺身薄片
刺身既周圍配上左多種唔同既醬汁同材料.....
芒果魚子、芒果莎莎、wasabi醬、basil oil、椒絲等～
令刺身既蝦味更加突出。

法式油封鴨腿塔
鴨腿柔軟結實，帶油香....
上面仲有爽脆既蕃茄同紫洋蔥～
口感豐富！
酸酸地，好開胃呀**

煙燻巴馬火腿車厘茄忌廉湯
巴馬火腿焗過，唔單止香脆，咸香味仲更加突出....
蕃茄湯超濃厚，煙燻味重！

@@以為咁快就食甜品～
唔係呀！
上主菜之前.....
店家一小球石榴味雪芭俾我哋清一清口腔，好貼心呀！
香煎鵝肝
鵝肝超厚身，油潤甘香～
底層係檸檬蜜糖燴西柚，酸酸甜甜，中和番鵝肝油膩感....

焗阿拉斯加蟹腳
面層係咸香既鹹蛋黃荷蘭醬....
更加帶出蟹肉嘅鮮甜味！

焗智利海鱸魚
肉質超超超嫰滑、好Juicy....
面層既開心果碎令到到味道更加豐富。

上甜品之前，先泥杯熱茶消一消滯先....
甜品係紅茶焦糖燉蛋....
味道有D似奶茶味，好滑！
Petit Four 係我好鍾意一間本地朱古力廠既出品，有朱古力同蝴蝶酥。佢地既Four Brothers Chocolate 真係無得頂呀！
連平時唔太鍾意食朱古力既我都超愛，強烈推薦大家要試下。

如果用現金俾錢，埋單之前Like同Share鋪頭嘅Facebook仲有95折添呀！
總括來講，餐廳嘅環境食物同埋服務都好滿意*
價錢都合理，一家會再幫襯

早幾日去尖沙咀行街，行到去尖東諗緊要食咩嘅時候就見到一個廣告牌寫住酒店式日式放題....
價錢仲好抵~ 我同朋友就決定一齊就去試下喇！ 鋪頭既面積好大，座位闊落坐得好舒服~ 店內仲設有俾小朋友玩嘅遊戲室....
岩哂有小朋友既家庭, 好貼心呀！
店內部份食物係自助形式,,,,, 要自己出去攞~
部份就係好似普通放題咁,,,
例如刺身, 壽司, 燒物, 炸物呢D就要自己畫~ 飲品選擇都好多** 除左汽水仲有梅酒,, 啤酒同花茶添~ 我最鍾意食日式小食..... 中華沙律, 螺肉, 芝麻八爪魚, 海蜇等等***
全部都係自助形式, 自己夾~
刺身整體泥講都好新鮮~ 重點係落完單好快就送到, 呢點要俾個LIKE!! 壽司類SIZE細細件岩岩好,,,,, 唔怕食完壽司食唔落其他野~ 芝士燒扇貝~ 上面鋪滿芝士, 仲有拉絲效果架!! 最後整番碗拉麵暖下胃先~ 湯底超濃郁, 又唔會太咸, 咁凍既天氣再加上食完刺身同壽司, 食番碗熱野真係好正呀!!! 食到尾聲突然聽到有搖鈴聲.... 原來有乳豬食呀!!! 大家一窩蜂都排隊去攞** 我都攞左一份試下先,,,, 乳豬熱辣辣, 外皮卜卜脆**
唔會好肥膩**
最後食埋個雪糕就飽哂喇!!
整髒泥講呢個價位o係尖沙咀區真係超抵食....
下次帶埋屋企人再泥幫襯先~

呢間Lo Spazio 已經係第二次泥食喇！
貪佢地方夠晒方便，而且環境好舒服，食物質素又唔錯....
餐牌嘅選擇有好多.... 頭盤、沙律、意粉、海鮮、Burger、甜品等等～ 仲有set menu, 選擇困難症嘅朋友仔都唔使驚！ https://m.facebook.com/miyakoholic/食飯先前先泥兩杯餐前酒。
Airen 
極易入口，甜度適中.... 帶有陣陣果香又唔會過酸或者澀～ 超開胃！ 1/2 Mussels  青口肉嫰, 鮮甜多汁⋯⋯
無渣, 醬汁仲提升左青口本身既鮮甜味,LIKE！!Saltati Gamberi
蝦肉爽實彈牙.... 醬汁帶微辣～ 脆多士點埋醬汁一齊食！ 吸盡鮮蝦精華，真係Perfect Match呀* Amerita Burger 有漢堡扒，焦糖洋蔥同芝士... 漢堡扒好厚身，好重牛味～ 配埋自家製既醬汁超惹味呀～Tiramisu 口感超軟滑，每一啖都食到芝士同忌廉既香味，仲帶有陣陣咖啡酒香添...！
幫襯過兩次，我最鍾意就係呢個Carbonara～ 上次食完，今次都要再嗌呀....
蛋汁香濃Creamy唔會太Rich.....
帶奶香! 煙肉夠咸香，但又無搶去左芝士同蛋香，真係好好食，係必點推介呀！

食過咁多次日式放題.....
呢一間炉端金都可以算係最高質既一間**
好姊妹果然無介紹錯，原來佢先係食家！XD*
位於尖沙咀加拿分道，鬧市中，地點超方便！


8張剔剔紙分別有：刺身、卷物、壽司、小食、天婦羅、串燒、揚物、一品和食.....
款式應有盡有。



睇勻晒所有剔剔紙，都唔見蟹籽沙律。
原來蟹籽沙律係自助形式既.....
鍾意爆多蟹籽又得，鍾意落超多沙律醬又得～
隨自己喜鍾意，對於我呢個「蟹籽沙律迷」泥講，我真係超Buy呢個蟹籽沙律Bar呀！


@@望一望隔離，竟然仲見到有生蠔、青口、凍蝦同埋翡翠螺....
唔講仲以為自己食緊酒店buffet呀！
今日有兩款~
隻隻都好大好肥美....


唔止汽水，就連紅白酒, 日本清酒, 梅酒, 柚子酒都係任飲~
絕對係回本之選呀！


刺身
三文魚、吞拿魚、甜蝦、北寄貝、帶子、油甘魚、松葉蟹鉗,,,,
三文魚、吞拿魚、油甘魚、, 全部都厚切大大件, 肥美新鮮**
帶子甜蝦, 鮮甜美味**


每日仲有唔同款式, 由日本直送既飛機魚....
今晚係伊左目~
口感較一般白身魚軟身，魚香亦較濃


每位仲會送半邊龍蝦，肉質爽實鮮甜！


日本直送一夜干
烤得焦香既花魚, 魚肉絲絲分明, 味道鹹香**
好惹味!!


食左咁多凍野,,,,,
食番個豆腐雜菜鍋中和一下先~


最後食埋個MOVENPICK雪糕...
今餐真係超圓滿呀!!!
而家用銀聯卡埋單仲有8折添**
一定會再ENCORE~

中秋節正日, 諗住同Hubby 去海旁行下,,,,
玩下燈籠~
所以放工後就約左係尖沙咀等, 一齊食個晚餐!!
順便去APPLE望下部IPHONE XS MAX, N年無換電話~
今次真係心思思想換喇***

就o係APPLE隔離既商廈原來都好多野食揀,,,,
最後就揀左我最鍾意既日本野 - 鮨處松戶** 店面唔算好大~ 環境好靜, 坐得好舒服.....
仲有個和室, 如果一大班人泥食, 可以有一個私隱度既空間, 都幾正!!!
鋪頭仲提供存酒服務～
成個櫃都放滿酒樽**
@@八卦一睇，有好多日本人名呀!!!
又泥到嗌野食時間..... menu既選擇都好多~
XD**完全係花多眼亂呀!!
鮨處松戶海鮮沙律 $95 切粒三文魚, 吞拿魚, 油甘魚, 青瓜, 玉子.....
加埋新鮮爽脆既沙律菜, 面頭仲鋪滿脆脆同三文魚籽**
賣相超吸引.....

沙律菜清新爽脆, 刺身新鮮, 仲有脆卜卜既脆脆~
全部一齊放入口, 口感好豐富!!! 雜錦刺身(特上) $560 一共有六款的刺身....
每一片都超切厚~
帶子, 甜蝦清甜鮮味~  油甘魚油滑幼細, 魚味較重**
海膽味道甘甜, 質感細膩~
拖羅入即溶, 真係好正呀!!! 帶子牛油燒 $85 帶子大大隻,,,充滿牛油香~
仲有一小塊檸檬中和油膩感!!! 日式炸雞 $90 外脆內軟~
咬落去超 juicy, 雞肉嫰滑, 讚!!! 牛肉網燒 $140 一上枱就已經被濃濃既肉香吸引~
口感鬆化. 肉味濃郁, 油脂豐富....
加埋特製既醬汁一齊食, 超惹味!!! 食埋個紅豆雪糕,,,, 再落樓下買埋部IPHONE XS MAX~
XD**今個中秋節真係超圓滿呀!!

最近轉左新公司, 仲處於適應階段, 亦都比以前忙左好多~ 少左時間陪Hubby~ 難得一日可以早小小收工, 就去左中環接佢放工*** 順便帶佢去食好西先!!
鋪頭既店面唔算好大～
成間鋪只有大約10張枱....
所以建議大家要泥既話一定要預約呀！

首先上枱既係麵包....
熱辣辣, 口感鬆軟!!
一人兩款麵包, 好快就KO喇**

食完麵包, 就泥到前菜喇!!

西班牙黑毛豬36個月風乾火腿配西瓜發達芝士
平時食開風乾火腿, 都係配哈密瓜既~
而今次廚師就用左西瓜代替蜜瓜....
仲加左D黑醋魚子去扮西瓜核, 真係創意十足呀**
原來風乾火腿同西瓜都一樣咁夾!!
味道絕對唔比密瓜差架**
加上西瓜水份比哈密瓜更多~
食起上泥更加透心涼呀!!!
金柚蟹肉沙律
用炒香左既蟹肉, 配以金柚....
表面淋上蜜糖醬, 同加左蝦籽~
成個感覺好FUSION!!

啖啖既蟹肉, 真係好滿足~
o岩哂鍾意食蟹又怕麻煩既懶人!!!
雜菜湯 非常足料,,,,,,  每一啖都食到蔬菜, 好香香草既味道又唔會過咸。 
香煎劍魚腩配粟米莎莎
店家用左刺身級既劍魚腩....
外煎到金黃色, 入面仲有小小生~
外脆內軟, 更加鮮味, 仲帶有少少辣添!!!

呢個菜都加入左唔少粟米既原素....
除左粟米粒之外, 仲有爆谷~
同埋用粟米粉做成既炸粟米磚**
感覺就好似飲緊粟米湯咁濃粟米味呀!!!
慢煮新西蘭牛柳配香煎鵝肝
牛柳用慢煮既方式烹調....
肉質比一般的就咁煎, 更加軟嫩~
粉紅色既牛柳, 肉味濃郁, 肉汁豐富, !!!
加埋油潤既厚切鵝肝, 真係正**
最後就泥到甜品喇!!
焦糖燴啤梨配雲尼拿雪糕
望落以為淋係面既係焦糖醬.....
估唔到一啖放入口, 又有驚喜喇!!
原來唔係焦糖醬, 係黑醋泥架**
完全無諗過可以將黑醋同雪糕串埋一齊~
但係結果又出奇地夾, 好特別呀***
呢餐飯完全體現出廚師既用心同創意....
相信一定係經歷左好多次既嘗試先至創作到咁特別又咁夾既配搭, 真係要俾個LIKE呀**

7, 8月呢D日子總係特別多人生日既....
今次我就同朋友泥左呢間DOUX度慶生~


柔和既燈光....
俾人感覺好舒服,,,,


XD**根據我目測現場有好多枱都係同朋友慶祝生日架!!!
因為我見到唔小枱面都有生日蛋糕, 又或者甜品插左蠟燭~ 


嗌野食先...
第一眼完全俾甜品既MENU吸引左,,,
每一款都好靚, 好colourful!!!


煙三文魚沙律 $98
中間個塊煙三文魚卷到成朵花咁.....
配埋紅色既士多啤梨, 黃色既車厘茄, 同埋綠色既沙律菜~
色彩繽紛, 賣相好靚!!
三文魚新鮮, 味道咸香，沙律菜新鮮爽脆....
非常開胃**


法國活藍青口香檳忌廉汁意粉 $138
藍青口好鮮甜, 肉嫩無渣~
配埋香檳忌廉汁, 更加提升左藍青口本身既鮮味**
意粉彈牙, 如果份量可以多小小就Perfect喇!!



House Burger $128
超厚身既漢堡扒, 咬落juicy唔乾~
入面仲係粉紅色架,  軟嫰適中!!
肉味都幾濃郁~
而且麵包烤得夠香, 整體都做得唔錯**


Ruby Peach $98
單係外表就已經超呃like喇!!!


原來唔單止樣靚, 仲好有內餡~
切開有流心架!!!
酸酸甜甜咁, 好好食**



原來甜品先係呢一餐既主角呀**

呢幾年台式火鍋店真係愈開愈多，今晚放工係銅鑼灣搵食，見到呢間老鍋好似都唔錯咁，就決定試一試啦! 我同朋友嗌左個$228 o既鴛鴦 美人 x 養生鍋黎試下！貪佢滋補又養顏呀嘛～ 由於個鍋本身有半隻雞同好多配料(千層豆腐, 鮮冬菇同粟米)～所以今次我同朋友只係點左個羊肉片同餃類，丸類已經夠飽，埋單都只係$500到，都算抵食～ 等緊野食既同時自己出去混下醬先.... 不得不讚佢個美人鍋又真係幾足料, 一上個鍋既時候已經聞到好香既藥材味～烏雞既肉質好實正, 又夠香,唔會好似出面啲鋪咁有雪藏味。而養生鍋相對黎講就偏重味，都係美人鍋做得出色啲*** 涮鍋小羊肉片 $88 份量都幾足下, 淨係呢碟肉已經好飽** 食落夠哂羊SO味, 油脂甘香，正呀！ 手工丸拼盤 $108 其中我最鍾意既就係.... 梅菜豬肉丸 - 好彈牙, 食落好似食緊梅菜蒸肉餅咁XD***  好香梅菜味, 下次食既時候要嗌足一碟先得!!
仲有就係黃金鹹蛋豬肉丸~
鹹蛋黃既油香滲哂落豬肉入面, 一啖咬落去, 啲鹹蛋黃咇哂出黎, 真係必試之選!!! 餃類拼盤　$98 無太大驚喜...
下次再泥我都係會叫番美人鍋, 不過一定要叫多幾個朋友去~
多人先可以試多D唔同既野丫嘛!!!!