睇完youtube有人介紹跟住黎食😼平日中午都要排一陣隊，等左10分鐘左右就有得入座，用qr code落完單3分鐘左右已經有得食👍🏻仲有比較少見既豬牛內臟可以揀添！ . ✨五香牛腩、豬紅、牛筋 油麵(重口味汁少辣) ✨重口味汁真係一入口令人眼前一亮，食車仔麵就係要食濃味😆個辣味仲好夾個湯底添；牛腩本身驚會柴，好彩咁岩全部都有少少肥位連住，唔柴之餘仲炆到好入味；豬紅質地幾好唔會散，又唔會太q；牛筋都ok，只係個人口味比較中意食炆到超淋超有膠質果隻 ✨蘿蔔、牛肚、豬脷 米線(滷水汁+腩汁) ✨湯底滷水味香得黎唔會咸，㗳真d仲有d腩汁甜味；蘿蔔超級入味同大舊，好抵食；牛肚唔痴牙，仲好多條添；豬脷就一般，本身以為會有d底味，但食落似係白烚多d，共中一舊仲有碎骨；另外仲想讚吓枱上既辣椒油好香，都幾辣吓 😍無叫多蔥其實都好多蔥，唔似坊間果d幾果幾粒！ . ✨煎釀三寶 ✨一共有七舊，尖椒x2, 茄子x3, 紅腸、綠椒x1，熱辣辣炸起，外皮好香脆，魚肉比例都好高，係略油左少少

作為大角咀街坊，最中意就係發掘吓附近有咩新餐廳，今次去呢間開左半年左右既拾富貴🌟cafe有兩層，地下好多靚靚打卡位🎀樓上就岩幾個人一齊靜靜地傾吓計，或者可以包場成班friend一齊玩🎉老闆老闆娘仲好歡迎寵物添🐶🐱 . Cafe主打係bagel, 牛角包, 意粉，幫襯過幾次，全部都好足料好好食，今次仲有幸食到新menu，就係丹麥酥 . ✨Roasted Beef Danish Sandwich, Paprika Chicken Danish Sandwich ✨丹麥酥好鬆軟酥脆，好濃牛油香，燒牛肉硬身粉少少，同丹麥酥口感成對比，口味咸香，配搭埋蕃茄、火箭菜、洋蔥，我中意🤭Paprika Chicken係雞粒黎，用紅椒粉醃左，都好惹味 以下係之前食過既： ✨All day breakfast ✨好足料好豐富既全日早餐 ✨腐乳煙肉雞蛋意粉 ✨條條意粉都沾滿晒腐乳醬汁😋 飲品方面都有好多選擇！

同狗狗去完附近診所覆診，落緊雨，拿拿林搵間餐廳避吓，行過素年醒起佢係pet friendly，寵物可以坐室外，又有瓦遮頭，就二話不說幫襯🏃🏻‍♂️ . ✨芫荽漢堡配蕃薯條 ✨漢堡扒既上下都係滿滿既芫荽，芫荽控根本無可能唔叫呢個burger食🤣漢堡扒好厚好大塊；蕃薯條甘香香脆 ✨豆腐丼配素餃定食 ✨豆腐丼既醬汁係似酸辣湯既杰身bb辣版本，上面舖左九層塔，食落都幾開胃；素餃有5隻，入面都係蔬菜；成個定食感覺都好light無負擔，仲配有少少漬物同蕨餅做甜品 跟餐飲品方面，記得好耐以前素年既其他分店係會用茶包(熱飲)，而家無左茶包，成日都會飲埋d茶葉落口，如果可以改用茶隔可能客人會飲得比較方便

呢間餐廳喺寵物界都叫有少少名，約左幾位朋友仔黎食下午茶，整體體驗唔算太好，如果唔係打住pet friendly既旗號應該唔會再幫襯 . ✨泰式煙三文魚金桔金柚沙律 ✨份量唔多，配搭帶點奇怪，感覺似係煙三文魚沙律加d炸蒜同泰式醬汁，醬汁味道ok但得幾滴 ✨鮮果窩夫雪糕 ✨缺乏誠意既甜品，來貨窩夫加巢x牌香芋雪糕，價錢盛惠$98！ ✨Virgin Mojito ✨野食都食晒先遲遲上枱既飲品…味道令人極度失望！完全無任何味道，有大量既冰，勉強督一督舊小小既青檸先有少少味，其實就係lime soda (超級淡味版）😟價錢係$68！請問餐廳有無良心？

行開海港城果邊中午唔知食乜好，見呢間烏冬店有個師傅喺到整緊烏冬，中等價位又唔使等位，就試一試。餐廳地面好油，有點跣腳。 . ✨黑豚肉煮烏冬（味噌） ✨用瓦鍋熱辣辣咁上枱，要灘凍少少先好擺入口🙊味噌濃郁，中意食重口味既我食到味都唔會覺得咸，烏冬質地煙靭，有麵粉香🍲配菜既腐皮吸晒湯最好食。黑豚肉份量唔多，過熟，而且幾片肉都疊到痾埋晒一齊，進食比較困難，肉質就同平時打邊爐果隻差唔多。 ✨蝦天婦羅煮烏冬（味噌） ✨蝦天婦羅賣相比較細條，頹頹地，但食落比賣相好

星期六中午想食甜野，行行吓遇見呢間日系餐廳，揀左窗邊位置享受一個悠閑既中午 . ✨Afternoon Tea Set ✨可以從9款甜品中選擇3款 🌰栗子忌廉香燈蛋糕：平時我唔中意食栗子茸，但變成栗子忌廉我卻十分中意，淡淡栗子香氣配上質感綿滑既海綿蛋糕，沾上香橙醬帶來意想不到的驚喜，竟然如此配搭🌰 . 🍓鬆餅三文治配草莓醬：鬆餅烤得香脆，類似餅乾質感，與清甜既草莓醬和忌廉係prefect match🍓 . 🍠焗甜薯布丁：成個布丁帶有焦糖香氣，甜薯配合忌廉一起吃，口感更加柔順 ✨焦糖牛油梳乎厘 配鴛鴦忌廉&檸檬果醬 ✨即叫即做的梳乎厘絕對值得耐心等待，梳乎厘視覺效果一流，膨脹出超過1.5cm的高度，質感細緻，充滿空氣感🫧份量適合二人享用 . 附上既檸檬醬食落比較似柚子醬，比較推薦鴛鴦忌廉，混合左伯爵茶同咖啡，咖啡醬味道突出同好夾梳乎厘 ✨醬油烤雞蘑菇意粉 ✨份量唔算多，雖然外表好深色，但口味其實偏淡，其中最中意已經焦糖化既蘑菇，仲有少少鑊氣添 ✨大吉嶺&英式奶茶 ✨兩款茶茶味偏淡，但似乎餐廳都係行精緻清淡路線，所以係可以理解，邊食甜品邊嘆茶的確係正 雖然價錢唔平，但甜品質素高，偶爾食一次都唔錯😊

喺social media見到係台灣過江龍，咁岩去開銅鑼灣就試吓買一碗返屋企食 . 落單後等左15分鐘都未有，問店員先知佢以為我係堂食單…解釋完係外賣單之後，店員竟然係問我會唔會改做堂食🫠堂食本來都好多人，一心想買外賣既我又點會無拿拿轉堂食呢，搞完一輪再等左7-8分鐘先收到，仲要無膠袋（但有俾餐具） . 返到屋企打開，招牌1號變左招牌3號🥲芋圓同其他配料份量唔多，芋圓質感Q彈但芋頭/蕃薯味欠奉🥺芋泥屬於比較好食既配料，質地軟軟綿綿，偏甜少少 而最唔理想既係珍珠，珍珠已經痴實晒成為一團，但明白到係外賣關係，珍珠既狀態未必及堂食咁好 經過呢次體驗，未必會幫襯下一次了

平時搭巴士都成日見到呢間cafe，想幫襯好耐，今次終於約埋朋友(狗)仔一齊去喇🏃🏻‍♂️最驚喜係menu幾有特色，有異國風情既元素 . ✨墨西哥早餐卷 配 大啡菇 ✨將早餐變成墨西哥卷，配搭埋莎莎醬、牛油果醬、乳酪，原來都無違和感，值得一讚係成個卷包得好實，好多餡之餘又唔會食到周圍都係 ✨泰式紅咖喱烘蛋 配 酸種多士&比得包 ✨咖喱帶有微辣，烘蛋仲係半流心既狀態，將麵包點落咖喱到一齊食好滿足，酸種多士就比較脆身，而個人就比較喜歡比得包鬆軟既口感 飲品方面，有平時比較少見既配搭，亦有季節性飲品，而且都幾有儀式感添 . ✨雪梨桂花咖啡果茶 ✨店員提議焗5分鐘先飲用，附設漏斗計時，有香甜既雪梨桂花味，唔使落糖漿都好夠甜，咖啡果份量唔少但味道唔算突出 ✨Expresso Tonic ✨口味帶酸，係熱天清爽之選

馳名大角咀既Easy Joe🍽️終於搵到機會黎食喇～～記得早一兩日book定位先，否則未必walk in到/要安排當日較夜既時間先有得食架 . ✨炸雞窩夫 ✨非常澎湃既外表🐥炸雞同窩夫各有兩件，炸雞外脆內嫩，十分juicy，調味得宜🐔窩夫質感軟熟，同炸雞既口感成對比，加埋糖漿營造咸甜咸甜既滋味，好滿足😊 ✨和風油醋汁虎蝦橙肉沙律 ✨出街食飯不忘食d蔬菜，呢個沙律幾清新，最喜歡甜甜既橙肉，好refreshing，虎蝦都煎得好香口🦐 ✨炸洋蔥圈配他他醬 ✨光滑既炸皮包住已經熟透軟身既洋蔥🧅他他醬食落有d似三文治醬，味道酸酸地好夾洋蔥圈，完全唔heavy ✨檸檬牛油蜆 ✨四道菜較為失色既一道，湯汁有香濃既檸檬同牛油味，蜆肉彈牙，但海鮮味欠奉，食唔到期望既鮮甜🐚 ✨特濃朱古力（凍） ✨果然係鎮店之寶既凍朱古力🍫朱古力味十分濃郁，質地偏厚，唔會好甜，比較適合早餐/下午茶飲

去完數碼港附近staycation，臨走前揀左商場呢間西餐廳食lunch，唔少人都帶埋狗狗黎食飯，會坐喺餐廳外範圍🍽️ . ✨巴馬火腿 Sourdough Pizza ✨不得不讚pizza批底😋外脆內軟，新鮮熱辣，連批邊都一樣咁好食 ✨炭烤椰菜花 ✨之前喺類似既餐廳食過非常出色既烤椰菜花，抱住期待既心去食，可惜令人失望，似係用水烚熟再烤，overcooked到冧晒🥺成口水汪汪咁 ✨Cold brew tea lemonade (Oolong), Expresso soda ✨兩杯飲品味道唔差，可惜太多冰🧊🥹令到味道淡左，少冰既話應該更加出色