適逢做冬呢啲日子緊係好難訂枱，上open rice 見到呢間有得網上訂枱，咁啱佢又冇位咁就食啦(其實之前都有考慮過搵日黎試) 價錢講真就唔係平，仲要星期五，六日，假期前夕位位再加多$30，如果想其他火鍋配料任食，又要再加多$30，茶芥醬料又要加多$18 諗住食好啲揀左個貴嘅3百幾4百蚊位，星期五要加多$30，成為每位$413 其實都算等得耐，個粥底黎左，再滾埋，佢啲料都未到，第一下黎嘅竟然仲要係配料 講到佢個set，第1 一睇就知唔係新鮮，雖然佢有個魚缸，就咁睇似用冰鮮龍蝦，放落魚缸解凍咁 第2 佢用啲冰座住海鮮，攪到一夾起啲海鮮果陣夾埋啲冰落去個鍋到，感覺好唔衞生 第3 啲沙貝有沙 佢地要做太多客，啲海鮮準備唔切，又保持唔到水準，明知做冬又唔入多啲貨，我見到好多客黎到有啲海鮮已經賣哂 老實講隔離枱又講得啱，你咩都冇，點解我仲要嗌呢個set？俾呢個價錢食啲重複嘅野，仲要加多$30！？俾我真係唔食啦，唔識變通，攪到好多post都係話態度差 總括黎講 唔值囉 都係掛住大圍果間多啲

叫左個日式蟹沙律<個名唔記得左>
朋友食食下食到條韌嘅抆唔斷咬唔爛嘅條狀物體
自己本身做呢行都諗住算啦，但我friend子A宜家唔係麻
佢地都係覺得冇法忍受 終於同左頭先帶我地入去嘅哥哥仔講左，佢好快地攞走左條異物
之後回覆係：因為我地啲椰菜係用機切，其實呢條野係個椰菜頭最硬果個位
我地聽完都O左 咀
我當時諗是但啦由佢啦擺明唔係椰菜頭架啦，我地自己知係咩咪得囉，食唔死嘅
但我的friend子A越諗越火滾，覺得都係接受唔到佢嘅答覆太扯，終於又叫番個哥哥仔過黎話佢知咁嘅答覆唔得，冇可能令人相信係椰菜頭，個哥哥仔就話：你等等
等等等 等左5分鐘 只見啲員工回避我地眼神
<sor我冇望過因為我寫緊食評了>
見狀又叫番哥哥仔過黎問佢：你仲未回覆我喎，你叫我地等等，但都冇過番黎喎
個哥哥仔答：我頭先已經答左你，我唔知你都我答你咩
我地反白眼反到後腦
friend子A：頭先你話係椰菜頭，但條野係透明同抆唔斷架喎，你肯定係椰菜頭？真心？
個哥哥仔好真心咁答：真心
<心諗:真心?你食俾我睇>
到我同佢講：你同我地講話係啲蟹肉嘅衣丫包裝紙丫接受到丫，你話椰菜頭炆左啲囉
個哥哥仔答：咁你想點丫？小姐你想點丫？
黑人問號：?
friend 子C:可唔可以幫我地取消左佢？
之後個哥哥仔話：你等等我搵負責人過黎
之後9秒9走番入去廚房
過左冇耐，竟然有個姐姐拎住2大個椰菜出黎話：我地啲椰菜真係用機切，頭先條野係個椰菜底比較硬嘅呢個位
我本身仲打緊食評，本來諗住由佢唔好係度同佢嘈，聽到佢咁講，都忍唔住要出聲
我話：你宜家即刻切出黎，拎去煮，煮完出黎睇下整唔整得爛
個姐姐都即刻眼都凸埋冇聲出幾秒，但佢依然堅持話係椰菜底
我即刻忍唔住：你攞番條野出黎對比
個姐姐話：都已經掉左 同埋不斷掉左啲垃圾落去搵唔番，同埋都唔係要我去摷啦下麻？
#拿 #呢啲咪好老細囉
🤡🤡🤡🤡🤡🤡🤡🤡🤡
我話：咁你可以叫其他員工去摷番佢出黎架麻，我有影相 ！
<我自己做呢行我都覺得好對啲低級員工唔住>
佢聽到我話我有影到相佢先話幫我地取消換過新嘅
<唔洗換啦一陣加料咪GG>
黎埋最後一度餸個waiter放低左之後鬼食泥咁講左堆野，大概係個沙律已經取消左之類
丫哥哥仔，你講咩呢宜家？宜家你地餐廳食物出問題，唔係我擺落去屈你架，咁堅持係椰菜頭咪理直氣壯啲過黎串番我話已經幫你取消左啦，咁咪得囉
食食下又有個人揸住罐罐頭蟹肉衝出黎
話：我地係用罐頭蟹肉，係唔會有外來包裝紙
<我都冇你咁好氣>
我話：得啦 大家都做呢行，明架啦，周不時都係罐頭蟹肉度搵到呢啲類似膠狀嘅衣
衝出黎果個好似活係自己世界咁再重覆多次：我地啲蟹肉係罐頭嘅，唔會有包裝係入面嘅
仲打開埋個蓋 話唔想我地食得唔開心喎
其實成件事根本笑話
好想知邊個同你講話係椰菜頭先？
你地究竟有冇睇真啲條野係咩黎先扔架？
你出黎答客人話係椰菜頭，你過唔過到自己先？
罐頭都係supplier 交黎嘅，你肯定你廚房冇姐，肯唔肯定到工場果邊冇跌左啲野落罐野度丫？
其實呢間餐廳啲食物係唔差嘅，但啲員工智障左啲囉
上open rice話有個女侍應服務態度差，唔知係咪就係呢個姐姐？
佢唔差丫，俾我叫佢即刻切出黎即刻煮都冇駁番我
<可能佢知根本就知唔係椰菜頭 >😂

話說本身早一晚打去訂枱，咁佢話得20:30先有位，咁ok啦，都預左多人食架啦…
咁今晚我地三個人諗住18:00上去睇下有冇人cancel booking or walkin睇下有冇位啦…點知我去到walkin唔洗等就有位，可能啱啱開dinner 啦🙆
睇左餐牌諗好食咩，但都係要食左隻鴨先，怕做大曬鬼，都…等左我諗都有20分鐘，咁都正常嘅，咁有個唯一的片鴨高手即場揮刀表現，佢完隻鴨仲出煙嘅，正明係新鮮出爐啦下話！BTW我地食左2個鐘不停咁見到個片鴨高手推住兩隻鴨出黎片，唔知一晚洗唔洗片30隻🙈真係辛苦哂🙇
m....之前已經上黎睇過啲人話啲摩摩唔得，認真，真心覺得個摩摩太厚同未熟，另外一包就爆開……
OTOH 又有人話啲青瓜同啲京蔥切得太大條，絕對認同丫，基本上一塊摩摩只容得下兩塊鴨，一條京蔥，一條青瓜，如果我中意食多京蔥少青瓜嘅話，佢呢個size絕對唔得囉…
值得一讚嘅係，佢地隻鴨唔太多膏，但又夠大隻，個片係入口即溶果隻！正！👍重點係唔多膏！！
我地另外加左$50要左個生菜包二食，由於見到高手都片得幾深，咁所以基本上係個鴨鬆度都幾難搵到啲鴨肉🙈食落口淨係食到菜蒲，窄菜同粉絲👀
由於個摩摩太頂胃嘅關係我地最後都冇嗌到其他野食😫
最後都係要食個甜品完場嘅，本身想嗌哂香蕉拔絲同高力豆沙，但個伙記話高力豆沙一嗌嗌10粒😱問我地食唔食得哂？其實佢地有冇諗過三個人嘅家庭人地係幾想食呢個高力豆沙，點解唔做半份俾人丫先生？？？？
最後我去淨係嗌左香蕉拔絲完場算…
總結，之前見到有post係咁彈，其實冇佢講得咁差，我未去過北京食過正宗嘅片皮鴨，但我相信鹿鳴春咁耐歷史，應該都跟足傳統嘅做法嘅…出面其他鋪頭其實好多都已經改變到迎合番現代香港人嘅口味架啦…

話說，本人已經幫襯左好多次！基本上次次都要兩串魚肉燒賣，你地知道嗎！佢未轉手未轉鋪果陣啲魚肉燒賣可以話係我食過最好食！但自從轉左鋪轉左手之後，質素完全唔店囉！先講個老闆同老闆娘，我見住佢咬住口煙準備啲食材，啲員工又唔會主動問人要乜！重點係！啲燒賣變哂！！我幫襯左佢幾次，好似食緊舊吞得落肚嘅軟膠咁，之後諗住遲下再幫襯點知都係果隻款，仲要有幾粒係超級"腥"我都係食得魚嘅人，但果粒野真係腥到一個點，簡直令人作嘔！ 好啦呢兩日因為本人夜收工，咁地鐵一出得好少鋪頭，同埋又想食熱野，咁咪又走去幫襯，唉…都係咁腥L到....... 真心呼籲大家唔好試佢啲魚肉燒賣，變哂啦！！

今日去銅鑼行街，開openrice睇下有咩好野食，加上呢排想食西餐，見到burgeroom，就決定同家姐黎食，我揀左最普通嘅牛肉漢堡，加$22配薯條同drink，普通burger冇cheese,但可以揀貴少少價錢有cheese,啲汁我覺得稀左小小，扲起個burger就滴哂出黎，牛肉漢堡扒好好味，有牛嘅味道！薯條好粗好脆，野飲种都算多。整體都ok