minimind73 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2023-06-09
一心諗住嚟食晚飯,落order搵個位坐低,等左四個字都未出嘢食,諗住沙律同湯都可以畀住先掛?點知望廚房見啲員工好忙嘅pack外賣,心諗唔係以為我地外賣呀? 點知真係😒 點會default個客係外賣…落單都無話外賣,員工亦無問…等左勁耐點知要拎走,仲諗住食完叫埋甜品,咁無計啦咪返屋企食… 點知外賣份量勁少…我叫黑松露帶子意粉,帶子細粒過一蚊銀仲要劏半,洋蔥多過意粉,杯鮮檸愛玉微甜走冰,淡到好似茶記啲一片檸水咁…. 男友叫燒春雞,等緊個陣見隔離叫左好似都大份,外賣打開變雞仔… 其實外賣個啲客又坐晒啲檯到等,真係有人堂食都唔知坐邊,真係堂食嘅又畀員工外賣送走…好差嘅晚飯體驗,無下次! 評分: 味道 2 環境 3 服務 1 衛生 1 抵食 2
2018-10-14
尋晚去呢間食,上菜極慢,點完菜到追佢上菜到上到菜足足廿五分鐘,當時只有一半場嘅客,我得兩個人,點兩個菜,都咁慢...見到隔離早過我哋好多到都未上菜... 仲要啲菜質素真係麻麻...鮑魚雞煲啲鮑魚韌到練牙力咁韌,碟炒雙蚌細碟得可憐... 另一檯走咗,成半句鐘到我哋走都未有人執檯...而又唔係真係好缺人手㗎喎,啲阿姐喺度行嚟行去,仲得閒撩隔離檯嗰BB玩都唔執檯(定係嗰陣九點幾無下輪就唔使執?)。 最後仲要收多我哋錢,酸菜無嚟又收我酸菜錢,張卡碌咗唔做void單但畀返現金$12我哋,但係酸菜加一嘅錢就係計返,用咗九折卡,張單係有減咗廿幾蚊呀,但總數其實無減到...因為事後先發現就無去追返..... 呢間煌府同the one嗰間爭得遠,寧願去遠啲食... 評分: 味道 1 環境 3 服務 1 衛生 2 抵食 1
2014-12-22
繼上次試過之後, 呢排番風又有少少掛住d小籠包, 於是今晚翻兜涮得棧! 做緊promotion醉雞煲同肥牛有特價! 今日夠晒人數就叫夠一隻! 每碟有五片, 都算厚切,幾新鮮, 不過無Wasabi提供 今晚點左三款肉, 三隻都超正! 肉味好夠,而且厚薄適中非常快就灼得熟! 一流 呢個真係必食! 我翻兜都係為左佢! 凍冰冰食呢個熱辣辣嘅小籠包仲正! 岩岩滾起真係要小心辣嘴~ 入面個湯汁真係好好味~~~ 仲啖啖鮮味餡料, 皮夠薄,食小籠包梗係要咁樣食! 仲有好多餸已經顧住食無影到相! 墨魚滑啦、豬潤啦、芋頭啦、芝心丸啦、桂花蚌啦、鳳城水餃啦… … 真係正到不得了! 最後埋單千令二千蚊, 雖然唔算最平但係真係物有所值! 特別係佢嘅肉類同海鮮類! 樣樣新鮮~ 仲有佢個男經理超好人,我都有少少鍾意左佢XD
評分: 味道 4 環境 3 服務 1 衛生 3 抵食 3
2014-12-16
Green Monday, 今日唔想食生冷野, 放棄左西餐, 結果係openrice搵到常悅, 就去試試。 我地兩口子都幾鍾意叫餸食飯, 食中式野都岩數, 點左個木瓜湯, 芋塊拼炸蝦, 東坡肉, 兩碗白飯, 凍豆漿。 個湯幾好味,足料, 有合掌瓜、雪耳、等等。 個芋塊炸蝦好味 炸蝦雖然係素蝦但口感像真度好高! 點埋個甜酸醬好開胃! 不過個東坡肉就有少少失望, 舊肉做得好好, 肉質幾似,層肥膏都好真, 仲唔使擔心食太多會油膩 但個醬汁就唔得喇, 東坡肉個醬汁唔係應該係甜架咩? 呢個醬咁咸既? 豆漿似係自己做, 至少唔係工廠貨 整體黎講都係滿意既, 仲有好多款餸菜揀, 可以再黎~
評分: 味道 3 環境 3 服務 3 衛生 3 抵食 3
2014-12-16
冬天搵野食對我地兩個黎講都幾難, 又想食得多, 但係又怕太凍消化力唔好, 今日係尖沙咀行行下, 就去左呢間豚王。 之前都有食過呢間, 上次食左芝士濃湯, 勁膩勁油食完個胃唔係咁舒服 今次乖乖地嗌左原味普通濃度, 再加腩肉試下。 唔太油唔太膩, 少少肥膩感覺岩岩好, 湯底幾香, 碗麵份量唔算大, 女仔食岩岩好, 男仔就要「替玉」加麵底喇! 個腩肉肥膏位都算多, 下次都係食脊肉。
評分: 味道 3 環境 3 服務 4 衛生 4 抵食 3
|