係元朗住咗6年，食魚蛋牛丸粉，雲吞牛腩麵，都係食幾家如深仔記，嘉麗園，潮龍園幾間，依間銀河正常係唔會去試，因中招太多次。 早幾日因為要去銀河旁買東西，又有點肚餓，就入去叫咗碗牛丸米粉。結果，錯了，D牛丸真唔錯，下次試清楚其他再介紹。

今天帶了前女友及太太(同一個人)吃午餐，訂了久違了的西班牙朋友(Amigo)。 多年不見，風采依然。2人各點了4個courses. 主菜未上，面包已食到飽。多士好一般，法包好好食，正式外脆內軟有溫度。 頭盤要咗淡咖哩海鮮pancake 同蘋果雞沙律。OK啦。雞有好香烤木味。pancake不過不失。 牛尾濃湯好多料，但有d酸咗dd。個忌廉湯同樣好多料，好得。2個湯都暖住上枱，傳統高級餐廳做法。 主菜要咗牛柳。肉就幾嫰，但可能就價錢關係，比較普通，但廚師好，要 medium rare 唔會well done你。反而配菜好好食。 甜品，黑森林好好食，味濃得嚟唔甜，配咖啡。生果壽司都ok. 幾粒朱古力用凍碟上。有心思。 有d嘢差d，咖啡奶冇暖過就上枱。多士面包同法包差太遠。 整體同以前食好似差咗D，冇咁fine dining，但感覺多咗份休閒感。 以390一位計，點都好過食d花園扒。

昨天放假，由元朗出灣仔諗住買盒柚皮加燒鴨食，因為平時係唔會有機會買到。

晴天真係有霹靂，去到問，坐館婆婆話依果時候冇柚皮，問要等幾耐，婆婆話要中秋後，以為冇，係等個幾鐘，結果……

山長水遠，要鴨脾行街，喱牛腩堂食，冇柚皮，一樣好滿足

同大人晚膳，見萬芳冰室，一派老字號門面，諗住唔食得都睇得，入去就包了間房(冰室有2間獨立房間)

冇鮑魚，冇海班，冇走地雞，冇D貴夾唔等洗的菜式，有的是好傳統好old school的茶餐廳餐單。

叫了2個蕃茄焗飯，一個係蕃茄蔬菜焗飯，一個係蕃茄豬扒焗飯。

飯係炒底，蕃茄蔬菜焗 蔬菜有好幾種菰，有西蘭花，主角鮮蕃茄。豬扒飯就2大塊豬及蕃茄。

2個飯都冇乜花巧，但從個非一般的新鮮蕃茄汁中，完全感受到冰室對飲食的執著。

有機會一定會返來試下紅汁以外的白汁。

朋友帶路，攞住支50年舊裝黑牌，來到此名不經傳的橫街小餐廳。雖然早打電話留位，但因小店只有幾張枱，所以要到隔壁酒吧先來一round.

朋友發板, 先來黃酒醃生螄蚶, 好得. 黃酒完全帶出螄蚶鹹鮮. 試了一口黃酒, 唔係十幾蚊煮餸用酒.  一啖黑牌一隻螄蚶, 味道完全冇衝突.

其他菜有沙白黃酒雞, 馬友煎肉餅, 蒸蝦, 班腩煲, 金銀蛋時菜, 椒鹽鮮魷.

椒鹽鮮魷, 魷魚真係鮮魷, 脆漿涷左都脆, 冇淋. 最得係魷魚厚度切得好, 唔太厚, 令件鮮魷同椒鹽D味好平衡.有HEART之作.

朋友識老闆, 自己走入廚房炒碟雞蛋. 一試,因係清炒, D蛋香好明顯, 問大廚, 佢話D蛋來自農場, 比一般雞蛋貴20-30%.

最後埋單6百幾, 味道雖然唔算超級無敵, 但用料, 用心, 收費, 搭的士去食都抵.

見BONDI overall評論都幾正，早幾日訂位今晚食飯。

訂咗2位7點，645到，十幾張枱得2張有人，共6位。自己帶了酒，叫待應開，50蚊開瓶費，OK啦。

叫咗2個entree，肉眼同比目，轉餐加4X, 有湯有咖啡或 tiramisu。叫多凍肉盤。

麵包先到，熱，軟，香，加油加醋，正。湯熱，算得上好飲，凍肉盤跟住，有2大片Parma ham, 幾片salami，幾片lyoner，幾條菜，78大洋，可以.....不試。

肉眼好快到，味唔錯，肉普通，叫6－7成，我應該賺咗D，有8成幾，件牛有渣，正價要2百幾，相信佢D牛唔太靚，似吉之島減價貨貨式。

比目就要多等近十五分鐘，係件肉眼消失前到。比目煎得好，件頭有番咁上下，皮脆肉軟，有juice, 冇overcook, 好過肉眼多多聲。

但如果叫得自己做fine dining, 2個main courses冇可能分開到，更唔可能係15分鐘的分別。最後要了2杯mocha，幾好，好過星巴克。

因有weekday 8折優惠，冇加一，埋單500左右，包括2個餐，一個凍肉，開瓶費等，以街方標準，算是抵食，但如果當係抵食高級餐廳，BONDI重有好多進步空間，包括食物服務等。

最後，千其唔好信餐廳個網頁餐牌，好多都係冇，侍應話因為個個星期個餐單會唔同，咁個網有乜春用？

周初公司佐敦"春零"，同幾個同事懷舊一下，去咗冇去廿年的意大利餐廳午膳，6個人叫咗5個牛扒餐，1個焗豬扒飯。

面包先上，牛油唔係一盒盒果D，係放碟上，刨出來的牛油花，面包熱,牛油凍，幾好。

個紅湯就一般，酸咗D，椰林閣好過佢。

牛扒跟飯上，有2舊菜，塊扒有手掌咁多，汁味普通啦，牛扒叫做有D牛味，起碼冇俾大量梳打粉整死。

凍啡都一般，冇驚喜。

乜都普普通通，寫嚟做乜，喂，45蚊尖咀食牛扒，坐得舒服，招呼唔差，有包有湯有主菜有嘢飲有招呼有冷氣，尖沙咀街市食碗牛腩粉加支可樂都40啦，Tivoli 食得舒適，超值。

同岳母飲茶, 豉油街陶源一向都係幾好選擇, 食物中上, 收費合理, 地方環境都不錯. 以為最差係"屎乜通"信號唔得.

上星期日飲中午茶, 8個人, 坐張大枱, 舒舒服服, 燒腩仔先到, 五層肉, 加D芥辣, 水準永遠都保持高水平.
見點大量點心,想叫定辣椒醬, 可以襯熱點來食.

叫左個女部長/侍應/小二, 話要2碟辣椒醬, (其實叫個女部長/侍應/小二都叫左5-6分鐘先有人應下你), 話清楚係要辣椒醬, 唔係辣椒油, 結果來了豆瓣醬.

可能交待唔清楚, 再同佢講, 我想要辣椒醬, 係醬, 橙色果D, 結果再來了芥辣...

已經有小小火, 但都忍得住, 再同佢講, 我想要辣椒醬, 係醬, 橙色果D, 點蘿蔔榚果D, 跟住佢就話, 醬就得ED, 蘿蔔榚冇特別醬, 唔要就拿走, 挑, 乜服務態度????

唔到30秒, 碟煎蘿蔔榚到左, 重有埋橙色辣椒醬, 即刻叫佢返來回, 佢話果D叫余均益, 大姐, 余均益係牌子, 如果我叫李錦記, 你醬油, 蝦醬, 蠔油, 幾十隻產品, 俾D乜我, 再講, 又話蘿蔔榚冇特別醬, 一係豆瓣醬, 一係芥辣, 重要同我玩語言偽術....

其實D食物真係唔差, 但D(係, 我係針對人)服務真係.

評分, 10分啦, 食物10分, 服務0分....

坤記剛開業時食過一次，叫了事頭婆推介雲呑麵，當時麵到時想試下個湯，覺得味道清淡（無味），唔會燙傷咀（唔熱），再試試D麵，彈牙無份，諗住可能新開張，所以準備不足，但亦因冇乜好感，所以冇再幫親。

早幾日想食過下午茶，又想食水餃麵，結果再試坤記，看看其真正實力⋯⋯

叫了個牛根水餃麵同五花茶，五花茶先到，好濃好香好足料，收6蚊，平過亦好過涼茶鋪，超值。五分鐘後，個牛腩水餃麺到，點解唔係牛根？睇下餐牌，好似冇話有牛根，但點解寫單阿姐唔出聲？

是但啦，先試湯，夠熱，可能有腩汁關係，好淸甜，同D麵好爽，麺比第一次食好好多，差不多有劉森記水準。牛腩都算OK，唔會死實或燘到好似D洗碗布咁，juicy，幾好。水餃就有大把進步空間，一冇味，二水餃尾應該好大力咁㩒實，冇D好鬆軟D感覺，亦可能雪得太耐，同件死屍一樣，硬晒。

有機會我會再去要杯五花茶，再搭小巴去深水埗食牛根水餃麵