每隔一排就會同老友去食PIZZA,因為好鍾意食 星期日, 訓到點幾兩點, call朋友去pizza hut食 呢度經常幫襯,我哋仲係會員有九折！ 佢呢個月生日仲有張五十元coupons 員工服務態度好，環境乾淨企理！ 我地叫咗幾樣嘢,大部份都幾好！ 最先上枱的是跟餐的凱撒沙律！ 細細碟有沙律菜，兩件多士粒和一些車打芝士碎。 首先覺得菜夠新鮮， 沙律醬的味道頗咸， 多士粒口感頗脆,仲好香口。 醬燒豬仔骨味道還好。 可以切到五六塊 青口 煲, 啲青口肉很細隻 湯汁味道太淡 附上的麵包粒其實都用不上 因為點湯是沒味的。 跟住上枱的是Pizza 最好食就係一出爐即食！ 千島海鮮薄餅 海鮮有、吞拿魚、菠蘿、青椒、紅椒 而且食薄餅我最鐘意就係有菠蘿，又清新又爽甜， 海鮮以魷魚、蝦仁、為主，仲落左好多千島醬汁， 酸酸甜甜大人老細都岩食。 呢個pizza真係不得了。 食完野叫杯特飲, 呢餐用咗coupons所以好平 食完野吹下水悠悠閒閒過一個下午。 餐廳是日客人不多！ 坐成個多小時先埋單！

印象中上一次黎翠林園 已經差唔多係三年前既事！ 初四到親戚拜年再度探訪。 這間茶記保留老舊的裝潢和陳設！ 是好典型港式老餐廳的樣子！ 今日去親戚之前想食個早餐 十點半, 唔算好多人有卡位坐下 自己一個人點個早餐食啦... 豬扒蛋公仔麵加熱奶茶都叫抵食$32 5分鐘全部都嚟哂，講份量都算多架！ 豬扒唔會韌，厚度適中。 最喜歡豬扒邊位那陣脂方。 煎蛋雖然得一隻... 大家都見到隻荷包蛋煎得幾咁靚... 麵係褔字麵。傳統茶記風味。 奶茶都算香滑⋯⋯ 唔會太苦澀。最喜歡就是它用瓦杯裝。 茶餐廳是香港傳統飲食文化。 我對於這種老式冰室有一份親切感⋯⋯ 就算宜家再開既冰室都無左 以前既懐舊味道！ 如果我要再來既理由 都係為左佢地懷舊味道而不是食物!!

兩條友偷走外出下午茶 一個搵位一個排隊 kfc既茶餐相信好多朋友都唔會陌生， 想講既係o係呢個百物黱貴既社會 可以用$24食到一餐唔錯既茶餐 算係好難得。 4款茶餐我最愛S3餐呢款.... 葡撻熱辣辣甜甜地幾滋味..... 尤其炸雞件外皮異常香酥脆 單是吃外皮都是種享受 撥開炸雞皮 ，腿骨肉大又嫩 還流出雞汁 配上肉質 本身就有點辣的香料味 簡直一流 炸雞粒外脆內嫩，調味剛剛好 今期加九元仲多件原價十三元 的脆香雞塊，仲成塊雞扒咁大 一樣咁滋味無窮 仲有熱咖啡夠香濃 缺點就是經常排隊買食物 閒閒地都十多二十分鐘

九點入到去，心諗： 唔係伏野呀嘛，入面只係坐左一成人 九成抬係吉冇人坐，心唸都吾慌好食 我對食物都唔係好嚴格既要求， 一入到去坐的位 聽到後面員工就嘈黎嘈去！ 聲音很大，當住客人面前嘈架... 整晚用粗口代替言語！ 好在無帶小孩來 仲有衛生都唔係咁好，匙羹唔乾淨。 明明未到十點已經舉手落單！ 個個當睇唔到！ （望到你當你透明）在你身邊走過 玩失蹤，搵極無人 硬拖到十點二十分 先有個人嚟話你知Last Order 你話人多我算！但當時得四枱人！ 五個人對四枱人！咩事呀？！ 計埋我地先有四枱客。 仲好意思正正十一點提示我地走 過多兩分鐘再趕..駛吾駛咁小家！！！ 本來食物唔錯！ 二人坐四人卡位總算舒服..... 不過食物更好都假！ 未見過服務咁差既！

是日與家人到辣蟹莊 三人點了: 蝦餃皮有點厚，蝦肉爽口，但沒有鮮味，可能特價$16.8 以前也吃過另外辣蟹莊的蝦餃，好好吃 仲成日推介比朋友 燒賣傳統的豬肉燒賣，用上八成以上的瘦肉，味道普通不過 鳳爪排骨飯用舊式的蒸籠，再放入瓦碗蒸有點懷舊味道， 排骨肉味鮮味都有，有2隻鳳爪，米飯蒸得乾身，好吃的。 綿花雞上抬上來大大件，雞肉、魚肚，用南瓜片放底，吃得飽肚。 糯米飯蒸到深patpat 況且成個碗蒸 放在枱面太熱難囉上手 尚有幾款小點亦是普遍離不開基本味道 三人坐張細圓枱！ 之後仲要有一個阿叔搭枱 囉住份頭條日報，我有我地傾計 佢有佢睇報紙 在這類街坊式酒樓用餐，已放棄了甚麼好招呼，食物談不上好吃， 價錢說不上便宜也不貴得去邊， 想吃蝦餃還是到有保證的酒樓出品較好。

早就聽聞深仔記麺家的大名！ 是香港數一數二的雲吞麺世家。 估吾到在觀塘平民區也開了門。 星期五下午1點左右時間 我一個人等了10分鐘才有位... 被安排坐在典型的卡位 和其他三個食客搭臺..... 全程要自己抱住背包。 唉！時不時讓入面客人行出 及新客人進入 見到有鮑汁鳳爪 於是點了鮑汁鳳爪麵和一碟芥蘭！ 飲品亦少不免 可能是太多柯打之下 服務員來不及馬上在櫃面送到. 麵條浸得太久第一口吃下去。 麵條已經失去彈性， 第二口再喝湯，仍舊嚐得出有大地魚的鮮香，不錯，但不至於比優質。 鮑汁炆鳳爪，一來鮑汁唔入味。 唔知係咩汁，鳳爪炆得唔淋！ 硬硬地唔好咬 單點的油菜更遜色！ 芥蘭雖說爽口但很油

這幾天腸胃不太舒服！ 呢排食得太多肉類， 記得這商場二樓有間素食店價錢便宜，便即管去試下。 入到去找位坐下。 環境相當憂雅，坐位舒適 待應好快來招呼 叫了一個套餐 南瓜湯加了些藜麥！健康選擇，味道略淡 有兩款熱食小菜 炒芥蘭一般，多少少蒜會好一點！但素囗水雞就熱辣辣的，但是味道太甜，都ok 因為腸胃不太好，只吃了兩碟 同一碗擔擔麵吃不下了。 雖然麵味芝麻醬味濃厚 一個套餐包括兩款小菜一湯一麵 連一杯黑糖薑茶$47 也算是抵食的 倘若午餐時間會貴三十元

路過被招牌吸引 好多粉麵由二十二元起！ 入去找個位坐低，太多選擇 都研究咗一陣 最後決定叫咗一碗崩沙腩河，一碟腐乳通菜 第一次食呢隻崩沙爽腩，好正， 真係好爽， 腩肉又淋又有牛肉汁。 仲要係瘦的啱哂我怕肥的人 河粉唔似嗰啲淋patpat ， 係好有河粉質感，好爽又滑， 葱料好似有西芹香味，加埋足料清湯，飲起嚟好清香！ 唔好睇佢好似細細碗，好足料又多河。 好多款選擇每碗只係$20至$35咋！ 間舖細細間，好企理！ 服務態度幾好！咁正！邊度搵？！

呢間餐廳雖說很大 午餐時間經常都爆 十二點半門口排長龍 好彩同朋友早左到, 完全唔使等都有位了, 坐左一陣都已經幾多人了 午餐通常五款 懐舊四寶飯及燒腊雙拼飯 例牌日日都有 今日我地點了燒腊雙拼飯 先來例湯及飲品 燒肉切雞飯 - 燒腊的份量真的不是講笑， 份量多到差點見不到飯， 燒肉的沙皮十分香脆 而且燒肉的肥肉平均 肉味及鹹鮮味真的一流， 至於切雞雞味濃郁嫩滑， 食吾到雪藏真係雞有雞味 燒肉有燒肉味， 跟飯再加一個例湯及飲品 在尖沙咀$50真的超值。

今日同同事出街做野 經過這店樓下，大家都有排冇幫襯 就上去食，說起泰食物！ 我最耳熟能詳的莫非 海南雞飯及泰式豬肶飯了。 自不然就揀了這兩份午餐 大家通常想像豬脾會是燒豬脾！ 怎料這裡原來卻是好像 我們炆牛腩的炆豬脾 望落油光閃閃！ 味道濃郁得來卻不油膩！ 充滿膠質 很好下飯的一道菜呢﹗ 海南雞慶幸今天全部都是用 去骨雞腿排的部分！ 煮的皮滑肉嫩，恰到好處。 雞肉單吃就很清甜。 不過配上酸汁醬後更加美味可口 雞油飯亦是十分香口，粒粒乾爽 呢間泰國餐廳嘅主廚喺 幾位泰國人煮 每次去食都必叫碟海南雞。 佢嘅汁係經泰國人調， 食唔倒辣嘅都覺得好香，忍唔住點！ 而且最難得，係價錢好底， 一份午餐連飲品$40... 仲要有湯附送，一個字（正）