串カツ専門店 (銅鑼灣)

喜歡晚上來小酎一杯的我
去居酒屋吃飯喝酒談天真的太適合!
銅鑼灣的 #串カツ専門店 就是一間非常不錯的居酒屋!
先來一杯水果Frozen Beer $68,

我選了蜜柑口味,
啤酒上有著雪糕般的冰凍泡沫,
真係非常打卡able
味道甜甜的, 女生會好喜歡呢~

手拌壽司定食 $168
一個set有齊晒沙律、漬物、味噌湯、烏冬,
以及一碗鏗魚手拌壽司飯!!
份量超級多呢~
最喜歡壽司飯帶有紫蘇葉的味道~~
刺身盛盒五點 $320
有三文魚、吞拿魚、立魚、赤蝦及油甘魚~
款款都好新鮮好大份!
3、4人聚餐點一盤來很OK!佢地炸串好出名~~
點了幾款,
日本雞蛋豬肉卷 ($38/串)
日本秋葵蝦 ($22/串)
五花肉 ($22/串)
見到炸得金黃色好吸引日本雞蛋豬肉卷用了流心蛋,
仲有蛋液流下, 超正!
秋葵蝦好特別, 沒有秋葵的粘滑感, 反而蝦膠好彈牙!
五花肉入口香脆, 好正!
明太子芝士玉子燒 $98
外邊是滑蛋 包著明太子、芝士,
一切開仲有流心拉絲, 熱食超正!!天婦羅炸蝦卷壽司 $128
炸蝦卷做得好香脆,
配埋壽司飯、沙律醬, 好好食!今餐吃得好滿足~
居酒屋環境好氣氛好!
見menu仲有好多日本美食,
下次再約朋友來試下先~~


@mrskan_net

After You Dessert Café (灣仔)

泰國人氣甜品店 After You

9月初剛剛在灣仔利東街新開左旗艦店!!
佢地既鎮店之選, 刨冰是港人遊泰必食!!
今次唔使去泰國都食到喇~~

由於係假日下午peak hour,
我地由拎飛到入店大約都要50mins,
建議大家可以一去到先取飛,
再周圍行下街, 利東街咁岩有中秋燈籠
記得去打打卡

我地一共點了3個甜品:
泰式奶茶刨冰
芒果糯米飯吐司
朱古力士多啤梨班戟泰茶是自家品牌配方, 茶味香醇馥郁, 甜度適中,
頂層有忌廉奶醬及杏仁片, 而刨冰內層則有仙草啫喱粒及多士粒!!
口感豐富, 超級好食!!

 蜜糖吐司重牛油香, 仲好香脆添,
芒果糯米飯又多料, 原來同蜜糖吐司個味好match!呢個相比之下有D被比下去
但其實個pancake煎得好好食, 好香好軟好有蛋味,
所以呢個最岩小朋友食XD
成份差不多比我仔食晒XDD

下次去開灣仔又多個地方食野~~

Alchemy ORIGIN (鰂魚涌)

Espresso Alchemy終於回歸太古坊啦~~
新店「Alchemy ORIGIN」係佢既第五分店,
比較特別既係除左一系列精品咖啡同手沖咖啡,
仲多左東南亞Fusion菜及生酮甜品!!
係太古坊返工既我又多左一個飯堂了~~Alchemy ORIGIN
今次開係新入伙既太古坊二座地下,
地舖又大又舒服, 紅磚色做主調,
加入不少綠植襯托, 走沙漠風格,
跟咖啡又出奇地夾!
欣賞完裝潢

就看看食品吧~
掃code點餐, 不用等太久就上菜
速度快, 食品也是熱呼呼的~Shop Exclusive: Expresso Tonic
平時常飲flat white, americano 見到呢間有多款店舖限定,
當然要試下啦!
Expresso Tonic氣泡綿密 又帶有咖啡香
感覺相當清爽
好岩炎熱天氣時飲!脆炸魚堡配自家製蛋黃醬
令人驚訝的超大份量
炸魚脆卜卜又啖啖肉
配合蛋黃醬、多款沙律菜、厚切蕃茄...... so yummy!
大推!!!厚切意大利煙肉卡邦尼意粉醬汁濃厚, 意粉比平時既粗身D, 軟硬適中
整體味道好好~~自家製咖啡胡桃蛋糕
係用自家coffee blend來製作, 好有Alchemy味道!!

得閒落黎嘆杯咖啡
真心唔錯~~!! 會再來!!

龍亭 (佐敦)

隱蔽於街角的日式鐵板燒!
今次同老公一齊去試下呢間都好多好評既日式鐵板燒,
師傅會依當日有咩靚食材而決定菜式, 即燒即食.

入門級廚師發辦只係$588起,
就可以試到沙律、鐵板海鮮2品、鐵板肉類、炒飯、甜品,
都幾親民, 要記得book定位先好去!沙律配上意大利黑醋、柚子醬汁, 好清新好開胃
魚子醬温泉蛋, 蛋香濃郁, 有埋魚子醬好矜貴呢~
鐵板海鮮2品 - 當日有幾款可選,
我就選了白鱔+鮑魚, 
白鱔燒得好脆口, 肉質又好彈牙, 真心覺得好好食!
鮑魚就用左師傅特調汁煮, 好香好鮮.
旁邊既係蝶豆花泡沫, 可以提鲜, 擺盤都好有心思喔!老公果份係東星斑+帆立貝,
魚肉鮮嫩, 同白鱔好唔同~ 
帆立貝加了牛油, 又幾香口!未來main之前
我地仲點了一杯麒麟啤酒,
吃鐵板燒就是要點啤酒喔!之後我地既main都選了牛肉,
今日既係澳洲牛柳,
師傅邊燒邊將牛柳切粒, 變成一口牛, 方便入口!
碟上有竹炭鹽、wasabi、蒜片、櫻桃蘿蔔,
可隨個人喜好配搭!
牛肉好軟腍, 好有牛肉味, 
要大讚師傅手藝好, 燒得剛剛好呢~龍蝦豆腐麵豉湯
今日剛巧有返到龍蝦, 
所以師傅將龍蝦殼放入麵豉湯一同熬煮,
好香好好飲!鮮蝦黃金炒飯
粒粒分明, 即炒即食!最後, 到甜品上場
檸檬雪葩配柚子皮
清新既檸檬味同柚子皮好鬼夾
可以一解鐵板燒的熱氣
以呢個作結非常之完美!

Wheatfield X 羅宋湯專門店 (太古)

呢間主打俄式羅宋湯! 好好食架!
係附近返工都間唔時過來食~ 今次收工收晏左, 直接去食啦, 晚上少好多人唔使等位 (明明lunch次次都要等好耐XD). 
佢既羅宋湯好出名架~ 有牛腩羅宋湯同豬脾肉羅宋湯, 另外仲有紅菜頭湯, 俄式清雞湯, 可配上海麵、意粉、螺絲粉、日式拉麵、烏冬等等~
自由配搭~
晚市來食, 原來仲有二人套餐, 都好優惠呀!

我地點左:
牛腩羅宋湯 配 螺絲粉
咸牛脷脆豬仔包 配 豬脾肉羅宋湯
小食拼盤
兩杯飲品牛腩羅宋湯
有大量番茄、椰菜、蘿蔔、青椒等材料,
羅宋湯質地濃稠帶微辣, 好惹味!
而牛腩都炆到香濃軟腍, 好好食!
我自己中意配螺絲粉, 因為可以掛多D羅宋湯一齊食~
咸牛脷脆豬仔包
咸牛脷出使食多數要加錢,
呢度反而一樣價, 咁又幾抵食, 哈哈!
豬仔包超香脆!! 
邊食邊點湯, 好正~
豬仔包配既豬脾肉羅宋湯
仲好足料, 兩大片豬脾肉, 好好食~~小食拼盤 
都唔hea架,
有蝦多士、炸雞翼、薯仔沙律,
新鮮即炸, 好熱好好食!

飲埋兩杯凍飲,
好飽, 好滿足~ 性價比好高!!