幾好食都無用, 態度十分差!!!!!

麵麵店 (佐敦)

同事們想叫下午茶, 想起呢間麵麵店既碗仔翅, 上次食過都幾好味,佢分幾種, 其中一個係足料碗仔翅, 入面真係足料d, 唔會淨係得水. 所以今次想返頭. 由於上次唔係我落單, 所以同事話聽電話個阿姐無禮貌, 我都不以為然.... 今次我終於深深的感受到了!!!

我喺落單時間順便問埋總數, 好讓預備零錢, 誰知阿姐話: 我依家計唔到架喎, 你咁想知就轉頭打黎囉!

10分鐘後我打去, 阿姐同頭先一樣咁唔好態度, 講左個價錢3xx; 其實態度唔好我都唔係好理, 但個總數同我自己計到既差幾十蚊, 所以我就問吓佢, 誰知佢勁大聲話: 你有無個價錢表架??唔知頭唔知路! 我答: 我手上係2014價目表喎. 然後佢話, 我d單入左, 睇唔到對唔到喎, 你咁想知就轉頭打黎啦!

如是者, 我又過一陣打比佢, 同佢每個項目對, 原來佢落錯單, (或者我照住讀都讀錯啦), ANYWAY, 佢叫我轉頭打去, 話我搞到佢要計多次囉!!!

一陣之後佢打比我, 佢講個數又錯!!! 唉, 想點呀?? 佢仲要態度好惡劣, 好似我唔啱咁, 我幫襯你, 仲要我受氣? 哈! 真係好笑!!!!!!!!

最後終於計啱, 我想講, 張單張其中既格式如下:

[營養沙律精選]
附送豆漿或紫貝天葵或山渣冰
鮮果沙律盒........................27元
鮮果沙律餐 配芝士法包........38元

我認為係鮮果沙律盒附送豆漿=27元
誰知唔係, 阿姐話鮮果沙律餐 配芝士法包........38元先至附送飲品, 我有疑問, 我話咁張單張係寫喺鮮果沙律盒上面既, 阿姐話: 你要咁諗我都無辦法囉, 唔係就唔係, 你覺得貴咪唔好叫呢個囉!!!

好野!! 你以為得你一間有碗仔翅咩? 
態度咁差, 幾好食都無用 !!!!!