今日專登同好友出街，提起想食日式放題，我地即日訂位。晚上6:00是比較便宜的，但full了，所以6:30無所謂啦，這是最貴的時段，位位$178加一 。我們坐了在出面哦，是很多枱也是坐出面嫁朋友已食過, 覺得它的三文魚新鮮，我覺得都不錯啦。第一碟上來刺身擺得好靚好花心思，即刻胃口大開，刺身好新鮮，仲無限量任食，有貴價帶子，鮑魚片，甜蝦，燒物熱呼呼上來好好味，最抵死個牛油粟米，用鐵板上，見到D牛油仲粟米粒上溶緊，好過隱，全程服務好好、環境企理干浄，抵贊，有食放題會第一時間去Sasimi： 我們一坐底就點了好多，三文魚，甜蛋，帶子，炸物：又係一開始就點了 天婦羅蝦，天婦羅蕃薯，大塊豬排 ，墨魚餅，飲品：任飲，好多罐裝汽水。煮物：一見清酒煮蜆，一定要試！好清，食得出酒味，基本材料是滿分的。雖然我吃過更好味的，但很喜歡這裡的酒味夠重！其他：其實吃了很多很多，所以雖然要付它的最高消費$178 + 10%，因為是假期又是晚市時段）但個人覺得翻到本。看看我們寫的單，只有2人，究竟我們能全都吃光光嗎？＜這是我自己也有回想的。所以我覺得可以體諒。刺身很新鮮,三文魚厚切,但系唔夠肥,甜蝦,鮑片,帶子都好好,八爪魚,北極貝普通 沙律也很很新鮮,炸物唔會好厚粉,推介蝦,番薯同芋頭,軟壳蟹,墨魚餅一般 串焼款式很少,鷄軟骨很好,鷄肉串食落似麥樂鷄 壽司做得很好,全部都細細件,飯同配料比例剛好,推介鰻魚同花之戀人,仲有雪之戀人同櫻之戀人,雪之戀人系太卷上面加隻蝦,櫻之戀人就系飯出面圍住鮑片,再加d粉紅色既野，幾靚...。吃不夠，可以再落單，我們第３次下單叫sasimi時已經知道，寫10件就好了，因為寫20件都應該只會來10件吧，哈哈。我們是有２小時的，由6:30至8:30，但8:00時waitress催旁邊的枱時，順便催埋我地，嘛，反正也吃飽飽，要還枱就還吧。她幫我們補了單。其實朋友說它的糖心蛋麻麻地，但又係因為我吃過好味的，都想試試這裡的糖心蛋，結果？朋友，你係得既…真係一隻好普通中間未煮熟透的蛋only。唯一燒牛利,波蘿好食。嗯，這晚是吃得開心的，waiter/waitress的服務都交足功課，上菜算是快的，而荃新廣場的漁屋的裝潢很有居酒屋feel，當晚較夜時間經過如心廣場也看到它的分店，如心那邊比較大，但裝潢較一般，沒有feel。很喜歡在居酒屋吃[清酒煮蜆]的感到哦）搞笑的是，去到如心廣場漁屋，又見到同一個經理，我們即刻行開左，因為真的好想大笑。

出面排晒長龍，我地去的時候要等成十幾個位，見到裡面地方大到坐滿人。之前就聽過話太興燒味好食，今晚就即管試一試。終於到我地一行四個人，入到見到人山人海咁，待應又忙過不停咁。睇一睇餐牌，花多眼亂咁。最後已經有所決定，點一個燒味拼盤、雜菜煲、粟米班塊、蒸魚再加$19變套餐就可以有一個白飯配熱飲，當然我地都有轉冰震奶茶飲。更加有一盅湯，第一盅就$38，第二盅之係的都係$28，仲要係有材料份量十足的，我地一人一盅。非常豐富，成枱都係，開得餐啦！在燒味黎講，肉質都惼向瘦，如果係叉燒黎講，就比較一般，其他的都OK；雜菜煲方面，一大煲的，食食下，仲可以飲下D湯，都唔錯既；粟米班塊普普通通的一道菜；蒸魚就非常得！因為本身自己喜歡吃魚，又夠大條，好夠肉，又甜，加分！至於盅湯都還可以，夠火侯，夠味，食唔到有味精。整體黎講，我地都好滿意，好有家常便飯感覺，好親切。睇見週圍都係一家大小的，成個環境熱鬧，開開心心，大家可以黎感受一下。

放工的時候，上堂之前，搵間坐低食野，食完野先再去上堂，行下行下，其實果度有好幾間都係食米線，但其中見到一間係特別多人的，於是抱住羊群心態去決定試呢間。餐單上面只係有米線、紅薯粉等等。睇左一陣，就揀左酸辣米線，加腩肉，少辣，因為仲係下午茶的時候，可以加多3蚊要杯豆漿。先試一試湯底，係好好飲，濃烈的湯底，將整個麵提高另一個昇華。除左腩肉之外，碗麵都有其他配料：炸菜、芽菜、腐竹、韭菜，豬肉碎......等等，口感不會單調。酸酸辣辣的味道，就是我最喜歡這種味道，而且配上湯的野味，成碗麵好夾，口感又好豐富，非常開胃去食碗麵。又夠大碗，好飽，湯都唔放過！只售三十蚊都唔洗，又化算又抵食！

放左工，又等上堂之際，就搵下附近坐低食晚餐。經過幾間先至見到有一間翠華，心諗地方大，坐得舒服d食野，呢到有兩層，我上左二樓，睇到好多食都好想食，待應又介紹我食精選晚餐，都未好啱，因為覺得有點貴。尋覓一輪，就睇到點餐簿有咖哩豬扒飯，見到價錢又平，就決定食。等左好快，一眼被好大塊的豬扒吸引，size大過隻碟，之係好快手將塊豬扒切開黎食，切切下，又見到唔只一塊，有成兩塊咁多，又有大大舊的薯仔，加上用咖哩汁浸到滿一滿，真係好誇張，只可以用咁樣黎形容，驚喜萬分，突然覺得自己好似中左獎咁，好似一分錢二分貨。豬扒厚肉得黎又唔實，咬落去煙靭，肉質重，自己本身好鍾意撈汁食飯，食到最後，所以d "好傑身"咖哩汁就已經無得剩啦。雖然好飽，但因為太好味的關係，將兩塊又大又厚的豬扒話咁快食晒落肚，其實我認為佢餐單上面寫明 "咖哩特厚豬扒飯"就最適切啦！唔知係咪間間的翠華整出黎都係咁既呢，好有興趣再去第二度試。順帶一提，想係度讚一讚其中一位待應，我全程坐低都被佢注意住，事關佢份人好主動，同好細心；很察覺留意周圍環境，我份餐係無點到飲品，但佢主動遞杯水俾我；隔離有位小朋友病左去食野的時候，佢會氹個位小朋友；同同事又有禮貌唔該前唔該後。藉這裡表揚一下佢，大家有機會去開個度食野，可以留意到佢對工作個份熱誠頗大。