週日好多地方都無提供brunch buffee等大家享受一個既豐富又悠閒既下午
今日去左尖東一間意大利餐廳食Sunday Brunch Semi Buffet
十二點左右去到都唔係好多人，好鍾意呢種人少少既感覺，裝作去左歐洲享受寧靜既環境，香港唔容易搵到。又可以望住個海一邊食一邊扮下有海浪聲同海風，都幾唔錯啦呢個Sunday Brunch Semi Buffet當然係頭盤任食啦，好既係佢有free flow橙汁飲，不過我就點左free flow紅酒，加左98蚊，但都有意大利酒，都幾唔錯呀，仲有個型仔意大利男人做背景，真係幾似去左外地頭盤!!

Ham類幾豐富，應該有既都有，Salami, parma ham, choppa ham都有，加埋蜜瓜！正呀！沙律有好多唔同既菜同醬可以選擇，蔬菜都新鮮，要明白呢個是好重要的！海鮮方面，出人意表地海鮮同刺身都有鮮味，唔會有雪味或者咩味都無既情況，尤其個龍蝦！我相信鍾意食既人可以食到好多！而大家都愛吃的蠔呢，可能有點失望，金屬同海水味較重，蠔味就差左少少，Buffet係咁上下啦好啦! 黎到個Main，叫左個比目魚！竟然黎到個main先黎失望......魚身鬆散，無乜魚味之餘有少少雪味
真係一個敗筆......叫pasta都無咁嬲..........完左個main仲有個甜品拼盤同啡茶甜品方面普通，Expresso就係Lavassa

總括而言前奏一流，可以中間有一敗筆成為美中不足
不過500蚊smei buffet brunch可算是中上之算，如果去酒店都未必有咁既質素同一定無free flow red wine啦。好難講抵定唔抵......只能夠講係閒唔時俾自己享受下都無壞既

聽過好多朋友都黎過呢間係官塘既川菜館，雖然住呢一區不過今次係第一次黎食。
兩個人黎叫左個二人餐包一湯兩餸兩杯八寶茶，難得黎到梗係叫多個餸試下啦
因為怕所有野都太辣所以無叫到酸辣湯而叫左個雜錦湯

雜錦湯無乜特別都係肉片火腿同小棠菜等滾出黎，普通之餘無乜味道口水雞本來有點期待，但係食落無乜辣味又無麻味，酸味又太重，造得不太平衡，再其次係碟雞好似係將頭頭尾尾拼埋，雞頸連近胸既部份，雞翼連鎚同雞肋既小部份。我唔係想投訴只不過可能係我唔好彩啦回鍋肉比較好少少，終於有點兒辣味不過稍為咸左少少獅子球算係味道最佳既一個菜，味道不會太濃獅子球又算鬆身最後八寶茶就真係唔錯，有種可以消膩既感覺，茶係由八種材料泡成，想知就自己去試下啦=P總括之言，雖然呢間小店都有少少名氣，又有返咁上下歷史，但食落真係覺得麻麻地…… 如果小店唔做好佢既品質，儲落黎既名氣歷史都會有一日用完。之前無食過無得對比佢係唔好食左定係本身就係咁既質素。
不過再有機會去都可以再試下佢其他菜啦，始終都仲有好多菜未食過

山林道出名多野食架啦，今日同埋三五知己去左一間新新地既餐廳食飯
間餐廳叫做hillywood，環境一叟西餐廳不過causal少少，岩哂朋友去食飯飲野
一黎梗係叫下D小食食下先啦
小食叫左芝士煙肉薯條、炸雞、雞翼同埋蝦多士話雖呢類型小食都好難整到好好多，但小店好處就係一定係整完熱辣辣咁上菜，其實就已經好好味，值得一讚既係個炸雞連同店主調既汁，食落真係好好味！

食完小食就黎主食啦
主食叫左個清酒煮大蛤、海膽意粉、意大利飯同埋卡邦尼意粉

清酒煮大蛤出人意表，蛤夠新鮮好有鮮味，清酒清清地唔會搶左味道，果然係餐廳既推介而意粉方面海膽意粉夠足料，唔怕食落無海膽味，呢樣已經值得一讚，而卡邦尼意粉既汁較得岩岩好，唔怕太稀，有時真係好怕卡邦尼意粉煮得好水……意大利飯做得夠creamy，飯身唔會做得太更太軟整體黎講做物質數做得幾好！但食飯份量唔係好大份，人少少四至六人share都可以，如果再多人就要叫雙份。不足之處係餐牌食物種類不多，相信我地都叫左七成既食飯，不過小店都不可能做太多花款，好易食物唔新鮮而影響質素。最後都係食左唔駛二百蚊一個人，都算抵食！

都唔係第一次食裕一品
由長沙灣食到宜家都算多左好多分店
而呢間分店都唔係第一次食，本來都仲可以，但今日完完全全令我失望
叫左個小辣墨丸米，個店員話都幾辣，我話OK，因為裕一品都算係比其他麻辣米線店辣既失望既係...湯辣係夠辣但只有辣而已，湯底毫無味道......而且麻辣一點也不麻...可惜
而呢個三十一蚊既墨丸米得3粒墨丸......仲要係低質素，唔好食之餘仲要唔抵......想點?

好難得有一間餐廳可以令我食唔完就埋單走......去食真係要等一等諗一諗

雖然中學係勝利道附近但其實相對就少係呢邊食飯
不過都知呢條街不嬲多野食
今日黎到勝利小廚，經常都見到多人食，今日終於試下

係門口見到佢掛左咁多海南雞，相信一定係招牌啦
梗係叫返個試試海南雞去左骨，咩部份都有D，幾好，唔怕只係食胸或者食骨
可惜都無咩雞味，無辦法，香港食雞係咁，但肉質方面尚可，都唔算好肥
飯方面係油飯，但比較乾身，普通
反而個雞汁調較得幾好，唔算辣得黎又夠香

跟餐有野飲/湯，跟左個湯都唔差，唔覺有味精，或者唔係好多啦

整體可以，可能開始真係好食，宜家反之普通
走既時候見佢有豬髀，好似幾好食，下次再試!

聽左好耐，成日話要排好耐，今日兩點幾去到唔駛排有得食
內裏都幾狹窄，坐左係Bar檯，如果有多幾個大隻佬都唔知點坐得落
坐係Bar檯幾好，可以見到個廚房做緊乜
望下個Menu，都幾多選擇
之前講過都幾鍾意食加左魚既拉麵，咁今日都試下食魚豚拉麵原來佢用個清湯底再加其他濃縮左既汁
而佢個魚豚湯底就加左D鰹魚粉
味道方面就梗係無咁出色架啦，始終都唔係煲出黎既湯底
而叉燒同飛方面醃得幾入味，唔錯
麵底係幼麵底，硬度適中，都幾好

老牌香港拉麵店都唔係差，可能下次食返佢個元祖豬骨可能會好D

去完GYM落返APM搵下野食，3點有時真係幾難搵食
幾間都已經收爐，行到牛太本陣其實佢都收收地，不過都可以做埋我地先~ 幾好=D

入到去三個人一人叫個SET牛肩肉 - 唔算好薄身，所以燒完都可以有肉汁，大前題唔可以太熟啦，醃得幾好唔怕太咸。牛肩肉身較有咬口牛三食(牛舌/牛腹/牛肩肉) - 牛舌都係食厚的好，因為除左有牛舌既香味外，仲可以有埋口感! 牛腹比較軟身，但肉味就會比牛肩肉少，但係係唔同既感覺!石頭飯 - 唔試唔覺佢既石頭飯都幾好味，唔怕好似韓式果D要用佢D辣醬調味，佢呢個已經調好左，味道都唔錯

整體黎講都幾唔錯，雖然就黎收爐都做埋我地先，呢樣已經加左D分
雖然呢D連鎖店今日係果個服務員明天可能已經唔係，不過呢份態度希望可以大家都學習到
當然顧客都要有應有既態度，客唔係大哂既~

係旺角做完D野想搵野食下
就近近地搵間野食下啦
一望就望到羽壽司，照去啦唔諗啦
其實佢既位置就幾方便但上去個門口其實唔係好正
上到去又唔係易搵，所以都無咩人坐係度
是但點左D野食下啦忘記左咩手卷...飯太軟身，平平無奇柚子牛仔骨 - 好油......肉好韌三文魚刺身 - 最可以接受亦都最難唔好食

好少俾喊喊，不過香港就係會有呢D餐廳，唔明白點解佢仲可以生存
相反係日本食飯真係可以唔駛諗，去咩餐廳都好都唔怕唔好食，對自己既要求好高
唔好想彈自己本地人，不過呢個文化應該要學習一下，自己食得落先食得落人

TC2其實成日都黎! 因為識個老細所以經常都黎支持! 同埋最緊要D野好食=D
如果有返一定數量既人，6個以上都會俾個budget老細叫佢幫我諗
嘿嘿成日都要麻煩佢，唯有請佢飲返多D酒補返
唔好講咁多，去相!呢個係未見過既菜式，用鴨胸包桃煙三文魚包蟹柳
估唔到都係一個幾唔錯又簡單既配搭! 又可以偷師  =P鴨胸沙律 - TC2既沙律不嬲都有水準，可能因為人流多，菜夠新鮮個sause又好味蕃茄周打海鮮湯 - 好足料!! 仲好飽肚!千島酥皮Pizza + 台灣腸仔片 - 佢個千島酥皮Pizza又係好特別，用酥皮當Pizza餅底再加上千島既味道中和左佢肥膩既感覺。而個台灣腸仔片佢入貨入得好好，唔會太咸而一片片又好易食燒汁茄子牛肉 - 又一新野!! 茄子燒得好香好好味，牛肉又唔怕太老!重頭戲羊架 - 呢度既羊架好好味!!! 加上係寶雲蘇!! 可惜既係凍左少少!!最好既係佢焗得恰到好處!

整體黎講都好正，環境又好又方便
Gathering食飯之選

今日晚上係尖咀搵食
唔訂位真係好難搵
所以去下大商場撞下運氣
結果一去新羅寶就話搭檯就有，咁就無所謂啦，香港人都習慣左架啦
入到去原來係一間房一張大檯一人坐一邊，都幾唔錯呀

黎到食韓國野梗係點左呢期最熱門既豬腩肉啦! 仲有傳統既石頭飯! 除此之外仲叫左其他既野食!頭盤小碟 - 幾普通烤多春魚 - 呢個食韓國野都幾少叫，食落咸咸地之餘又幾好咬口，用黎送酒應該幾好石頭飯 - 餐牌佢話係素食但入邊有肉@@ 雖然我唔係素食者但如果係食左就中招...豬腩肉，魷魚，雞肉 - 豬腩肉無咩味...失望，可能都係急凍豬，都唔會有咩味
雞同魷魚有醃果，好D，但無咩特別豬頸肉 - 都係...無肉味帶子 - 急凍帶子@@燒烤方面全程有人幫燒，幾好唔駛自己黎岩哂懶人
對我黎講，自己或人地燒我自己都無咩所謂

最後...兩個字總括: 失望
食韓國野理論上都好standard，黎貨同點處理先係最重要，無心既話真係唔會有好野食
食韓國野我都係揀返小店，真真正正韓國人主理既店!!