今次去試下已經開咗兩三年嘅吳留手，原來佢真係冇留到手，連價錢平平嘅午餐一樣整得咁靚，食村一樣咁新鲜。 其實係北帝街可以企得穩又咁高質，真係好小數。長話短說，食評如下: 和風芝士雞扒飯 芝士好香充滿芝士味，正呀~ 雞扒，老老實實，一般般，皮未香脆，白肉未有汁，仲有進步空間。 白米及配菜，幾好唔錯。 賣相非常靚，手功高。 加錢三切三文魚及三文魚壽司 做功一流，三文魚肉質鮮嫩，肥美可口，彈力十足，超級美味。 切角三文魚飯 切角三文魚非常多，加上蟹芓及靚白米，非常合配，一試難忘。 自我奇想 吳留手嘅魚生壽司绝對是高級貨，如做午市及晚市嘅omakase，必定大受歡迎。 如果定食有牛扒，咁愛吃牛嘅人仕就有福了。

重口味(土瓜灣店） 呢間店舖真係由舊鋪食到去新鋪，此店已在北帝街好多年，真係每個月都最少來一次，風味及味道絕對可跟內地比拼，風味十足。 秘制羊腩煲(小鍋) $188 天氣咁凍，－定係諗起羊腩煲，它是冬天必備的補品。羊腩件件帶皮帶骨，尺寸均勻，肉質鬆化，加上秘製醬汁，鮮冬菇，炸枝竹，馬蹄，甘蔗等等，細火滾住已聞到甘蔗汁香，喝－口熱湯，滿口香甜味，－試難忘。 水煮魚頭(中辣)$138 暖胃之選，水煮系列，魚頭脆香煎炸，用麻辣湯煮，絕對是內地風味，加上魚肉鮮甜，美味可口，魚肉鬆化濃郁。愛魚人任必選系列之一！ 香辣炒雞$108 這是一款下酒菜，與啤酒一併進食，可與朋友𣈱談世界，餸菜味道會更加升華。雞粒先經滾油泡，雞皮表層鬆脆，再加香葉及麻辣味，非常惹味，層次感真的不錯 毛血旺$138 毛血旺是另一種川菜，也是水煑系列其中一種，這菜鮮香麻味四溢，口感豐富，鍋內有多種食材，配菜繁多，包含大量膳食纖維，健康食材。 麻辣小龍蝦(中辣)$168 這餸擁有開胃鮮甜味，海鮮味十足，可沉醉與大海之中，麻辣湯底濃郁，超香麻辣味，必定要中辣才能嘗到深層次的麻辣味，小龍蝦隻隻蝦膏橫溢，蝦殼已充分入味，每隻都超鮮甜，真是不錯。 支裝烏龍茶$15 當食得太多麻辣餸菜，必須配－支冰凍烏，－口喝下，即時解辣，令身體舒服曬～

成都老碼頭火鍋 醬料及水果$25位 自助吧，可以自助添加醬料，也有飯後果可以自由進食！例如：西瓜，味道淡淡地，肉質爽口。 鴛鴦鍋$158 可任選兩種鍋底，如果其中一款選擇花膠雞(半隻)，就要另外加錢。雞肉鮮嫩，肉質嫩滑，尺寸不太大，BB雞。雞湯味濃，清淡而有雞味，飲完湯後，職員會為你添加大湯，等你可以繼續食火鍋。 花膠雞$50 成都風味(俗名紅油)，小辣$0，味道淸淡，辣度足夠。 生啤 Hoegaarden$68 大杯，夠氣，酒泡成黃金比例，好飲。 極品鵝腸$88 一條條放在格上，可慢慢一條一條放落鍋裹，只需要10鈔，腸肉爽口，帶重鵝味，好食。 爽脆牛黃喉$48 有約10粒，味道爽口，肉質鮮嫩，味道清淡。 滑溜溜鸭血$36 尺寸大塊，鴨血鮮甜，肉質扎實，滑雪雪。 澳洲雪花肥牛$82 牛味濃郁，肉質嫩滑，味道可口，加點醬油更鮮味。 耗兒魚$46 耗兒魚通常叫做扒皮魚、馬面魚，也是火鍋中的鮮魚片，在內地非常流行食這種魚，原因是小魚骨，味鮮甜，肉質嫩滑似香港食的泥鯭魚，但魚味道不同。 手工西洋菜餃$38 小巧功父，皮薄肉嫩，肉質鮮甜，加上內藏西洋菜，味道更鮮甜。 萵筍條$38 新鮮蔬菜，肉質爽脆，味道淸淡，菜味香濃。 推介指數：7.5/10

金鶴 金鶴，雞白湯拉麵$98 湯底極濃（已經唔係最濃果碗），雞味極重。細看餐牌才知道，原來這碗湯底是用白雞熬製六小時而成，怪不得，湯可以這麼濃，濃度似足平時飲的白菌湯一樣啊。 炸牛蒡，一條條好長嘅鬚放在湯碗上，好特別。味道香脆可口，濃濃的牛蒡味，如放進湯內，變成好有咬口，可慢慢咀嚼。 豬肉片，薄薄兩片一點也不肥膩。 日本低溫雞胸肉，厚厚實實的兩片，雞味爽滑，肉質鮮嫩。 辛辣拉麵$88 辛味不太重，清湯口味。拉麵包括兩片豬肉片，兩塊厚切低溫雞胸肉，新鮮露旬二條，小秀珍菇。 浦燒活鰻魚(1串)$68 鰻魚原條來港，餐廳師傅親手去骨，再放爐內慢慢燒焗。鰻魚皮燒得非常香脆，鰻魚肉鮮甜美味，這鰻魚串燒絕對是此店的皇牌！ 日本明太子雞翼(2隻)$48 日本來港，雞翼可一口大吃，沒有骨頭，翼內有満満的明太子，這令到雞翼不油膩之餘，更加味道鮮味。 Ruri 瑠璃(藍)手工啤酒$48 手工啤酒，口味簡單清爽，加上一點點的蜜糖香，還有清甜的麥芽味及男人要的苦澀味，此啤也很出色啊！ 推介指數：8/10

十二味 前菜，酸辣萵筍 萵筍又鮮甜，又爽口，好味。 飄香水煮魚$238 鍋裏已有配菜，例如芽葉，青瓜，芹菜同粉條。 麻香味濃，鮮魚片冇魚骨，魚片肉爽滑，魚肉帶魚片，口感一流。辣度可選大中小辣，不過辣度經過改良後，我覺得中辣即是內地的小辣啊。 人見人愛酸菜魚配粉條$246 酸菜魚湯底，又帶酸又帶甜又帶辣，口感特別，味道會出現幾種層次。鮮魚就不用再多說了，非常鮮甜同香滑。 經典香辣鍋$38另加自選配菜 (最少5種） 萵筍$28 豆皮$28 寬粉$28 金針菇$28 嫩牛肉$52 乾鍋比起濕鍋更加香，炒完辣度會更大！特別係寛粉，香辣味同肉味全都吸收了，非常之香辣。 川式口水雞$68 雞味重，雞骨帶香濃雞味，餸飯一流。 日本Suntory啤酒$58 日本啤酒，酒花味濃，可以係香港飮到，真係有幸福感覺！ 推介指數：9/10

觀塘區是一個老舊區、有好多隱世高手隱藏於此、老店也有不少！但要揾、也需要花一點功夫才能找到啊！海潮食堂也是老店之一、門面是沒有任何照牌的！它的照牌其實安裝於後面的停車場内、我估應該係冇人會從那裏進入的！哈哈哈~~ 今次冇試出名嘅冰啡樂~~試咗新出嘅冰啡忌廉$24！飲後、咖啡味會再重一點、冇比強力嘅可樂蓋住！好飲、正啊！ 蔥花烘底蛋治$27！麵包烘得好脆口、蛋滑而不老、加上蔥花香味、幾適合口味又帶有新鮮感。正啊！ 以上做餐收費$41！ 推介指數：10/10

渝味曉宇 雙拼鴛鴦鍋。$38/位 山珍菌湯鍋 拼 重慶辣大紅鍋 山珍茵湯鍋，裏面有猴頭姑，茶樹姑，冬姑，秀珍菇。多種菇類在鍋內，有啲係一片片，有啲係一粒粒，有啲係一條條，湯帶重菇味，又香又甜。 重慶辣大紅鍋，極似內地麻辣鍋，享獨有重慶口味，辣度對香港人來講，都算幾辣下！但辣度對重慶人來講只是中小辣到，不過我食呢個鍋已充滿汗水了。 大骨滋補鍋 偷睇旁邊，全鍋都是白豬骨汁，好似好正咁！下次要試下。 鮮黃喉$59 新鮮爽口，只需煮約兩分鐘，口感極正，帶鮮牛甜味。 稻田毛肚$62 即是牛百葉，又係煮約兩分鐘，清甜爽口，牛味不錯。 麻辣牛肉$42 即是牛肉預先醃製辣粉，使你未食已能感受到辣味，下鍋兩三分鐘，辣粉已散在湯內。初以為牛肉不太辣，但辣汁已進入肉內，辣味倍增，入口嫩滑，牛味不錯。 牛心椗$32 應該係牛心上面的血管，非常爽口，口感似黃喉，但味道更加濃烈，好特別好正。 田園菜籃$42 籃內有唐生菜，皇帝菜，油麥菜，娃娃菜，金菇等等，蔬菜新鮮美味。 現炸豆皮$32 非常脆口，重豆香味，是鬆脆可口的食品。 曉宇苕粉$29 煮三四分鐘，煙煙韌韌，粉條吸入濃湯，進口時美味之極。 功夫萵筍片$22 萵筍脆硬，下湯後變鬆軟，再吸入辣湯，爽脆清甜，筍味不錯。 鮮腐竹$19 柔軟清甜，豆味極佳，尚成品質，極佳之選。 自製羅漢果$58/渣，解辣之選，羅漢果味重，不甜解渴。 自製洛神花茶$18/杯，解辣首選，酸酸甜甜，非常解渴解辣。 推介指數：9.5/10

Fuhn 生牛肉河粉 $68及生牛肉牛腩金邊粉 $75 生牛肉，薄切，生牛片上碗，需放進湯內煮熟，煮熟後牛肉汁溶入湯內，美味可口。 牛腩，厚切，大細適中，肉質軟滑，牛味重，口感爽滑。 河粉，不是平時的寛濶河粉，是幼幼的一絲絲的河粉，入口容易，米味不錯，口感爽滑。 金邊粉，粉幼身，量多不錯，爽口滑流，夠飽肚。 越式春卷 ＄28/3 pcs 必食之選，極度鬆脆，入口即溶，味道鮮甜。 牛油果軟殻蟹沙律 $128 牛油果，質地軟軟，味甜。 沙律醬，帶一點點辛辣味。 沙律菜，新鮮爽口。 軟殻蟹，鮮炸香脆，食落口卜卜聲。 酸红蘿蔔，味道小小酸，非常開胃。 越式滴漏咖啡 $36 越南口味，咖啡粉在面，咖啡慢慢滴下，直至滿8成杯，加上全透明咖啡杯，成件事非常美麗。漏杯攞開後，香濃的咖啡味直撲鼻𥚃，咖啡味極之香！煉奶已預先放在杯裏，搞一搞就飲得，好專業的越式餐廳。 推介指數：8.5/10

清真 兒時已經係九龍城嘅餐館！名氣非常之大，呀姐落單極快又準！！如發現任何錯單，她們立即檢討，搵出錯誤即時改正，效率極快！ 美味牛肉餅，皮薄香脆，仲極多牛肉汁！非常美味！放進口時，不能心急，因為到桌時極之熱，小心燙傷咀唇啊~~~ 白菜豆腐湯，清甜可口，鮮魚湯底，淨係飲湯都值回票價！加上白菜香甜又爽脆，豆腐香滑， 好正！ 蔥油餅，皮薄脆口， 口感似chips，蔥油味又香又濃！一客兩塊，好飽肚呢~~~ 推介指數：9.5/10

金寳泰國菜 此店已屹立九龍城多年，應該九十年代已經有，真係細細過都嚟過呢度食！泰國菜比較出名也是九龍城極紅食店之一，越南菜就最記得火車頭牛河～～～Yummy! T19 - 冬蔭功湯（細）$70 - 大頭蝦，蝦肉彈牙又新鮮。 - 湯，味香濃又滑，比起泰國地道餐廳更出色。 - 配料，香菇味甜，肉質爽口， T39B - 鹽燒鰂魚 （須時45分鐘) $170 - 主菜，魚大條，原條香燒，到桌時燒烤味已芬芳撲鼻！食落口，魚肉鮮甜，魚油四散，加上小小粗鹽，味道更一進！ T97A - 泰式炒A菜 $50 - A菜即是油麥菜，菜身尺寸剛剛好，不太長又不太幼，容易入口！菜又新鮮又爽口！ V1 - 生牛肉河 $52 - 湯味濃，加小小香草及檸檬汁，越南口味就出曬嚟！ - 生牛肉，比一般餐廳厚一點，增加不少口感，牛肉味顯得更加濃烈，好味！ - 河粉，又滑又彈口，合到好處！ 最後！買單時，發現原來唔使加一㗎喎，咁就抵上加抵食啦！ 推介指數：9/10