skyummy 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2024-01-14
觀塘區平日晚市都不算旺 無意中試左呢間新開台灣食店 性價比高,食物有質素, 有台灣人主理,而且環境寬敞 拍拖/一班人來聚餐都適合 滷味拼盤$49有咁多款小食,而且每款都食得出係用心餚製~ 蘿蔔質感特別,外淋內脆,第一次食到呢種口感 豬耳&牛筋非常入味,豬耳係厚切,質感好過外面普遍鋪頭煮法 牛肉麵湯底濃郁,適合重口味人士 蝦餅飯都很不錯,飯用了珍珠米,蝦餅新鮮炸起,大大舊&肉質好扎實 台式飲料正常發揮 如果唔知食乜/一大班人會再encore呢間 推介美食: 滷味拼盤
評分: 味道 5 環境 5 服務 5 衛生 5 抵食 5
2023-11-12
畢業慶功宴小聚餐揀左呢間喺OpenRice太子頗多正評嘅日式小店 當晚點左魚生、鍋物、燒物&飲料 魚生都好肥美新鮮,美中不足係三文魚刺身有細骨 鍋物食材如圖,種類豐富亦好新鮮,擺盤亦算有誠意 燒物等熱盤都係水準之上 然而侍應嘅服務態度好差,冇禮貌&安全意識 我地一行4人,因為有人要OT遲到, 準時嘅人唔敢點魚生住(怕變壞是常識吧?) 所以開頭落單只係點左個鍋物 侍應落完單就開始微言, 交頭接耳講點解呢枱點食物點咁少 非常唔尊重客人&冇禮貌 後來我哋點到成枱野,多到冇位擺 而我哋嘅座位正正係樓枱上落位,通道非常狹窄 基本上其他食客稍有不慎就會打翻我哋嘅熱鍋 但侍應喺一開頭我哋落單冇考量過安全問題幫我地換位 入嚟食飯除左受氣,仲要搵命搏 最後埋單時侍應話卡機壞左唔收信用卡 同行友人終於忍唔住爆佢 一開頭覺得我哋食唔起 宜家點左成枱野埋單又話唔收卡 香港正值飲食業寒冬期 我哋都想留港消費撐小店 但咁嘅服務態度,就算食材幾好, 性價比有幾高,我都唔會再比機會 自求多福 評分: 味道 4 環境 2 服務 1 衛生 4 抵食 3
2023-11-11
Weekend 9點先入座食晚餐 一坐低侍應們已經溫提9:30 last order 冇問題,嗱嗱臨點餐 目標好明確:酸菜魚&酸甜菜式(咕嚕肉/糖醋排骨)掙扎左陣揀左後者 落完單冇耐侍應們再溫提餐廳收10點 坐到9:45要離場走人 Ummm…野食都未到就要講幾點走人 同埋我地都諗住快食快走, 冇諗過阻人收工, 呢間野「先小人」嘅服務態度都幾特別 如果覺得我哋會阻你哋收工, 一開始拒絕我哋入座會比較好, 無謂互相折磨。 唯一優點,上餐好快,唔使10分鐘已經有酸菜魚 然後9:15侍應又再溫提要last order, 今次仲問使唔使+$1要咕嚕肉 What?!咁抵嘅優惠竟然唔係入座時講 喺人哋點哂餐先講,仲要係我本來想食嘅菜式 做客嘅真係心裏不是味兒 最後見既然$1都加左嚟試下 講番啲菜式 酸菜魚作為招徠嘅招牌菜真係好普通 湯底唔夠濃郁,寬粉量亦都好少 辣味唔豐富,係預想到嘅普通酸菜魚味道 一啲都唔驚艷~ 唔怪之得咁多人北上搵食, $1都唔喺香港洗… 其他兩道酸甜菜都係普普通通小炒一碟 $1嘅咕嚕肉唔應該有要求 但$99嘅糖醋骨係同$1咕嚕肉幾呼一樣味 埋單時有同侍應反映$1菜式優惠嘅事 佢哋話assume 客人睇到門口出面嘅易拉架優惠先入嚟食 (嘩,原來入餐廳食嘢前要熟悉間餐廳有咩優惠!) 佢last order 好心先再提下我地 仲講左句「唔好意思囉」冇喺入座果時講 真係多謝你咁好心, 9點入座阻住你哋收工做客嘅真係罪該萬死
評分: 味道 1 環境 2 服務 1 衛生 2
2020-12-06
無意中入咗呢間大街旁嘅素食cafe食brunch 出乎意料之外嘅好味 🥣紅菜頭餐湯:真材實料紅菜頭打成,清甜清新 🍴沙嗲牛肉串+他他:沙嗲汁香濃惹味,素牛粒口感媲美真牛似,他他用料配搭清新開胃 🍴墨西哥夾餅:夾餅用料豐富&新鮮,汁料特別,賣相精緻吸引 ☕️薰衣草咖啡:陶笛大師親手調製嘅薰衣草咖啡,賣相華麗精緻,入口薰衣草味一試難忘 Overall所有菜式都用料新鮮豐富,而且fresh made,造成多層次味道,完全感受到老闆&老闆娘嚴選素食食材嘅執著,對烹調嘅認真,大讚! 小侍應亦乖巧有禮~ 大推想寧靜悠閒係南丫島享受素食美味嘅朋友!
評分: 味道 5 環境 5 服務 5 衛生 5 抵食 4
2019-02-02
想幫朋友仔慶生~~~ 見老二花廳環境懷舊特別, 又可以係甜品碟度寫字, 所以book枱夾定cafe負責人製造呢個小小生日驚喜 黑松露海蝦意大利飯🦐 黑松露味濃郁,飯中配菜也很豐富(洋蔥,三色椒,菇類),味道不錯 忌廉黑松露醬薯條 忌廉黑松露醬味道酸酸地幾得意,薯條炸得剛好,上面仲有一peg黑松露,大廚好重手! 🥤飲品點了熱情果紅茶&朱古力奶昔,味道也不錯 甜品是重頭戲——溶岩朱古力蛋糕配雪糕 朱古力brownie濃厚朱古力味,而且熱上; 配雪糕&鮮忌廉,冷熱口感,味道調和。 最欣賞負責人幫手係碟上寫字&配合我地劇本, 令我地可以成功製造小驚喜,100分嘅用心服務 會再帶朋友上來坐花廳 推介美食: 溶岩朱古力蛋糕
評分: 味道 4 環境 5 服務 5 衛生 4 抵食 5
|