係 YouTube 睇到金屋麵包既故事，就好想去支持一下，同試下佢既麵包係咪真係唔同。
店面冇特別裝修過，保留舊有麵包店色彩，價錢一點都唔貴，仲可以用個平字黎形容，真係非常之好。另外麵包款式非常多感覺驚喜。
一次過買了5個麵包，諗著返屋企食同做早餐，點知一食就停唔到口，麵包非常有口感，絕對唔係果D連鎖式麵包店甘食空氣。令我食完一個又一個，真係未試過甘鐘意食麵包。
為左以後可以食甘高質素既麵包，一有時間就一定要去支持佢地繼續整優質麵包。

懷舊既冰室真係寥寥可數
今日有機會黎試下
麻婆豆腐飯走肉+凍奶茶 $43
炸菜，粟米，豆腐簡單材料以成既素麻婆豆腐雖然有點過辣，但依然好味
杯凍奶茶仲精彩，如果有十大好飲凍奶茶中，依杯應該會係頭３名內。

一間充滿熱情，投入工作既小店。
炸菜牛肉午飯+凍奶茶 $46
價錢唔稱得上平，但價錢合理。用料十足，牛肉非常多，一般用嘅牛冧肉，口感似牛頸脊，口感同肉味都重。
有家的味道，繼續支持小店！
午飯餐只係星期一至五先有得食咋！

叉燒包，奶皇包，菜肉包，蓮蓉包，豆沙包，最鍾意食邊款包？我細細過就好鍾意食-麻蓉包。但宜家已經好難係酒樓找到。在友人報料下得知依度有得食，立即過黎會一會佢。

當然麻蓉包係今日既主角，第一時間點了佢。等左20分鐘，期待已久的麻蓉包終出現。二話不說就撕開包底既紙，一口咬開，睇睇啲麻蓉咩樣先，估唔到竟然同細過時見過既麻蓉包差唔多樣。皮薄餡多，味道濃郁，口感實在，令人回味。

單單一個好食既麻蓉包已經令我計劃下次再黎。

年初二，本黎開心聚餐，但去錯了用餐地點，食到一肚氣。

點了4個粉麵，等左10分後，黎左2碗咖哩牛腩河，但其中1碗內有毛髮，要求更換。之後再等左20分鐘後，先有侍應過黎講冇晒河粉要轉其他麵低，再等多10分鐘先有得食。足足等左40分鐘先有得食，侍應態度惡劣，店內運作非常混亂。

經過1次之後，不會有下次。

有選擇困難症的我，二話不說就點了"肉骨茶"。
全因我沖著"bat kut teh" 以來。
它的表現絕對冇令我失望
湯底熱辣辣，藥材味一點都不濃，比起濃濃的藥材味反而來得更好。
排骨都有成4大件，相當理想既份量。
油條依然脆身，如果再多點油條就會更美好。
更落本地配上新鮮辣椒伴豉油。

有期望地再次光顧，等待人數多，差不多半小時後入坐，點了5款東東。
尚點涼菜（青瓜，烤夫，素鵝，燻魚），小龍包，薺菜松茸炒年糕，黑木耳露及豆沙鍋餅。尚點涼菜
青瓜：爽口，道濃。
烤夫：味淡，有點失色。
素鵝：以菇為主，可以更脆。
燻魚：全晚最好食的一道菜，非常脆口，味道偏甜。小龍包
皮薄多湯汁，味道尚可，如果多點點肉味會更好。薺菜松茸炒年糕
全晚最差的一道菜，松茸只有死咸味，相反年糕就淡某某。
我估佢地想用松茸帶起成碟年糕既味，不過非常可惜，松茸同年糕絕左交，傾唔麻各自各既味。豆沙鍋餅
非常失望既甜品，豆沙鍋餅係上海店既主打甜品，應該冇死啦，就可能主打係關係，尚點既豆沙鍋餅係一早炸定，有客要再返炸，搞到粉皮油淋淋又唔脆，再者真係得粉冇左應有既蛋香味。
黑木耳露
比起上次較漿口及甜
都係鐘意上次(第一次)的食物，試過第一次之後有期望再來，就因為有期望，所以今次就失望。

星期日打算食個豐富早餐，就到這裡試一試，首先光顧，應該會係最後一次。
食物賣相吸引，可惜是成碟都係油，以$68的價錢來說有點過份的感覺，而食物質素方面亦不合理，點的吉列豬扒不是即製的貨色，只是用上平價的現成雪藏貨色。

牛下清拆過後，我只會到北記或八記回味一番。但近日心血來潮好想回味何興記的牛什麵，於是上網尋找，可惜是他們亦隨著牛下而結業。但意外地找到興記，就讀栢德的我經常到興記，食物的味道我已經遺忘了，但是懷舊的裝修擺設，露天茶坐環境，隔入生活中的味道仍然在腦海中浮現。
今日來到興記已經面目全非，點了一個特餐，沙爹牛肉麵，火腿奄列餐包，奶茶。
沙爹牛肉麵 - 味道不算太突出，牛肉淋身易咬口
火腿奄列餐包 - 蛋味香濃，餐包軟熟
奶茶 - 味道較為淡口，茶味奶味不足
對於我來講食物的味道不是首要，而是我仍然能感受到他們最真貴的人情味。

下午三時..不用等位..牛丸粗麵作午餐..
不用三分鐘已經放在枱上..
牛丸非常出色..
爽口彈牙..新鮮牛肉味道..
與市面上的機製牛丸有莫大分別..
可稱一絕..
可惜粗麵只屬一般..
欠缺口感..
價錢合理..可再光臨..