lauping 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2018-01-18
呢個食堂本來已經好神秘,係附近上班族先會識去搵食,入面的食肆選擇都算多種類,而車仔麵亦係附近少有的。 自從一次見人攞住一碗好有份量嘅麵行過,加上當日比較肚餓,所以就揀咗呢個米線,埋到去老闆會問辣菜分開定放埋一齊,心諗放埋一齊先食到原有嘅味道,一答放埋一齊嘅時候,老闆就給予一個識色嘅眼神作回應。 秘製豬扒米線 豬扒唔乾、又唔會無晒肉味,但又唔會誇到有肉汁,正常水準 米線份量足,有咬口唔會淋 主角秘製辣菜,唔會淨係辣,帶點麻、甜、爽,再加上大量(係大量)中芹,成件事簡直完美。 如果唔食辣、愛走青同怕油,就試其他 推介美食: 阿一秘製豬扒米線
評分: 味道 5 環境 5 服務 5 衛生 5 抵食 5
2017-04-05
對上一次試咗$69嘅晚餐,佢個扒餐都水準唔錯,牛扒冇用野「乸」過,今次專程嚟試T骨扒,果然唔錯,先係足料羅宋湯加埋蒜蓉包,胃口細啲都即刻食飽,再嚟14安士T骨扒真係冇得頂,剛好七成熟,黑椒汁剛剛好唔太辣又夠香,薯條脆,唔覺唔覺成份食晒,再飲杯凍檸茶,已經好滿足,點知侍應姐姐要唔要食腐竹雞蛋糖水,當然唔會拒絕,食落好似屋企自家糖水好味。 香港已經好少有咁好咁有人情味的餐廳,難怪在坐都係街坊為主,個個同事老闆都有朋友講,好似屋企食家常便飯,排隊都冇計,所以如果要幫襯真係要揀啱時間。 推介美食: 腐竹雞蛋糖水
評分: 味道 5 環境 5 服務 5 衛生 4 抵食 5
2017-04-03 弘 CHIRASHI (灣仔)
睇過食評,見朋友亦試過,又見可以用OpenRice 訂位,所以就去試下,星期日怕多人,提前12:30用餐,去到得一枱客,諗住可能太早,隨意叫咗個松葉蟹同淺草海鮮丼,先講造型,係幾吸引,相機先食,睇到都覺得好食,但真係食落去又唔係咁特別,同真係有啲難度,要先夾起晒啲魚生,先可以慢慢食飯,某程度有啲難搞,本身啲魚生比較一般,唔好太大期望,難怪隔離枱位女士食咗一半就走人。 個蟹飯就真係得個樣,燒蟹蓋食唔出蟹味,淡得緊要,下層啲飯同樣淡口,蟹肉的醋亦未能帶出蟹味,整體來說期望過高,跟風去影相還可以。 另外,就係單手侍應,有位男侍應全程見佢左手插袋,唔知係咪造型,上菜、加茶、落單都係單手,除咗同女侍應玩,希望佢注意一下安全,始終飲食業都有好多熱嘅嘢。
評分: 味道 3 環境 3 服務 3 衛生 4 抵食 3
2015-03-13
今日食晏時間特登早啲去見識下,坐低見餐牌有鋪頭名「苡喬餐廳」唔太特別,英文名「EQ」就令人印象加深。 餐牌清楚到一睇就明有咩食,符合晒商品說明條例。 試咗腸仔肉醬意粉、咖哩雞扒烏冬同肉丸天使麵,先講餐湯羅宋湯,估唔到好足料,飲(食)完飽咗一半,烏冬先上,睇落無咩特別,有咖哩味,但雞扒就比附近餐廳大件,煎得好香;跟住肉丸天使麵,無諗過會有沙律菜同蕃薯片伴碟,成件事高貴咗,肉丸食落味唔濃有別一般餐廳,天使麵份量足,但略為'淋'咗啲;肉醬意粉出場,可能焗所以耐啲,同樣有律菜同蕃薯片伴碟,但重點係芝士,芝士同肉醬比列剛好,唔漏又唔會搶咗肉醬味,意粉仲唔係茶餐廳式發脹意粉,感覺好意式,係三款中最好食的,但肉醬好似加咗少少少少汁咁;最後飲凍檸賓超足料,飲到尾都唔好淡咗。 總括嚟講係值得一試 題外話/補充資料: 始終新店,總有甩漏,但見店員都有禮。
評分: 味道 5 環境 4 服務 5 衛生 5 抵食 4
|