judybbpig 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2012-01-12
裡面得3個位, 都俾人坐晒, 我同友人只好叫了外賣拎去K11搵個地方坐低食. 叫左一個人氣既Creme Brulee, 一個Chocolate Blueberry Dome, 每個$40. 先講Creame Brelee, 面頭d糖俾佢燒到好脆, 不過剛剛燒起脆都好正常, 值得賺既地方在於佢裡面d燉蛋, 真係好Creamy, 好滑, 而且唔會太甜, 唔怪得佢人氣咁高!! 只係$40真係貴左d, 偶爾食下當獎勵下自己都還可以.. Chocolate Blueberry 冇乜特別, 我覺得甜左d, 裡面機乎冇Blueberry 果肉, 呢樣令我幾失望... 如果多番d果肉, 有番d酸味去balance 番d甜味, 我相信會好食好多! 呢個都賣$40, 我寧願食多個Creme Brulee 好過.....
評分: 味道 3 環境 3 服務 4 衛生 4 抵食 4
2012-01-02
第一次到呢間分店食野,感覺上比中環那間嘈一些,不過都幾大,入去幾深,環境算ok,只係比想像中嘈。食物方面,叫左費倫天奴pizza同牛肉意大利寛麵,我一向唔欣賞意大利寛麵,所以只係覺得ok,但係奇哥哥勁鐘意,話好好味,尤其是個蕃茄肉醬,佢話第二道未食過咁好味喎!反而我好喜歡個pizza,幾有特色呀!pizza面竟然有一隻焗熟左既太陽蛋,你話幾得意呢!好可愛呀!而且又有其他材料如菠菜,白芝士,蕃茄,橄欖等,配合得好好味,我未試食有菠菜既pizza,原來係唔錯架!個皮就脆得黎唔太乾,茄醬份量剛剛好,唔會整淋個皮,總之個pizza好好味啦!
評分: 味道 4 環境 4 服務 4 衛生 4 抵食 4
2011-12-31
打開menu,可選擇3至5(好似最多是5道菜)道菜,我和媽媽都選了5道菜(我記得我們選的是全餐,呵呵…吃飽後真的有點覺得我倆的胃實在大得嚇人。)餐湯會有專人在你面前煮,前菜的鵝肝實在好吃得十分難忘!那入口即溶及鵝肝特有的甘香,媽媽咪啊!吃完鵝肝會有數粒朱古力包著薄荷雪糕的小吃給你清清味蕾,之後的主菜我要了鴨胸,媽媽要了牛柳,甜品我問他們可否轉為那裏頗有名的拿破崙,他們說沒有問題。坦白講,拿破崙我是覺得好吃,但不至於會令我難忘。此頓午餐由小女子破費!媽媽,真的很貴啊!
評分: 味道 3 環境 3 服務 4 衛生 4 抵食 4
2011-12-30
前兩日同友人食午餐,見三十元唔加一就試下 小弟食左麻醬水餃担担麵,友人形容麵係壽桃牌,但我認為它比這牌子的還要『林』。水餃汁是比較少、重肉味,不是我喜歡的那種口味。 麻醬幾好食,味道好香,唯一可以雞蛋中挑骨頭的是它如果更濃會仲好食。 三十元,份量一般,相信男孩子未必夠,飲品就好大杯。 至於環境就一定要俾滿分,好古色古香,坐得舒服。只是服務生的人數比較少,友人同我都覺得他們好辛苦。少人,但服務都算令人滿意,不過不失。
評分: 味道 3 環境 3 服務 4 衛生 4 抵食 4
2011-12-29
雖然cova貴為老字號,但係食物方面絕對唔守舊,耐不耐就有全新菜單,差唔多次次去都有新驚喜。 今次個人認為最值得推介既係fresh turbot filet,好鮮味,肉質軟滑但係又一d都唔林。而frog leg既risotto亦都唔錯,飯粒之間好黏,不過入口後每一粒都可以清楚區別到,恰到好處。十分抵讚﹗
評分: 味道 3 環境 3 服務 3 衛生 3 抵食 3
|