同朋友行左成晚，都好肚餓，經過見到呢間鋪裝修唔係好出彩，反而有啲興趣試下。 入到去，唔知老闆定普通員工，態度好好，會同我地打招呼，點餐嘅時候都會細心推薦嘅。 但係我地入去嘅時候都算夜了，10點幾，所以我同朋友一開始想叫嘅Lamb Pide羊肉長角Pizza同beef Roll都無左😭😭😭😭😭。 朋友係老闆（？）嘅推薦下叫左個Chicken Shxxi Roll(唔記得點串) 係同對普通Roll唔同在用嘅香料，好似，當時無認真咁聽🤦🏿‍♀️ 我就未食過長角Pizza，基於想試新野嘅諗法下叫左唯一仲serve到長角Pizza嘅Cheese Pide，係純芝士口味，無肉無菜嘅。 朋友嘅Roll上先，算係香嘅，朋友坐對面我係冇拎起啲Roll嘅情況下都已經聞到雞嘅香味，但係朋友只係用叉撩左一下，啲料已經散左出黎，當我揭開張錫紙嘅時候已經唔係熱辣辣嘅，唔似啱啱整好嘅Roll，只係溫熱咁。 薄皮嘅Roll我本人偏中意嘅，但朋友中要厚皮，入面嘅雞肉我地兩個都覺得個香料落得幾足同入味😋😋😋，同時間都算係嫩嘅，不過就真係切得好碎，朋友話個醬都不錯添，但係因為朋友係上環食過另一間，價錢同食物質素都比較好，相比之下，整體而言呢間嘅Roll就唔太值8x嘅價錢。 另外Cheese Pide，一上台嘅時候係好香芝士味，但係太約2-3分鐘香味就無哂，而個Cheese Pide都唔似menu圖咁，啲芝士有咁多，只係薄薄一層，都要唔係熔左嘅林身質地，而係已經乾哂嘅硬身，薄皮厚而硬，入口乾，每食一塊要飲兩啖水，似係supermarket買嘅芝士餅，仲有陣雪藏味，最後同朋友係要用台面嘅鹽同胡椒粉吊味先食(本住唔浪費嘅精神) 一餐完左，埋單$180左右，同朋友嘅感覺都係食唔飽，食物質素唔似係新鮮整嘅，cheese Pide 近百，但食落似係$3、40嘅前菜小食，好少少嘅chicken Roll都唔值$85，當然可能係我地太夜去🤔🤔，不過我地之後都仲有其他入黎，唔似係就山鋪🤭🤭。 如果下次日抖經過可能會再試下今次想試嘅Lamb Pide嘅，但都真係要好得閒先會再考慮😅😅

平時一直都話東涌係美食沙漠，除左因爲自己自己係原居民，好多野已經食到厭之餘，仲因爲東涌食店嘅種類真係頗少。 上星期晚同男朋友為左挽Pokemon Go而去左好少去嘅昂坪站後面嘅達東路公園（好似係呢個名），夜晚嘅公園係幾舒服嘅，挽完Game之後就入左美談用餐。 以前美談呢個鋪位係一間BBQ Bar，小妹少時都試過到訪，但係主要感覺都係貴，幾大同埋好黑。呢家美談接左手之後個感覺唔同左，一樣係好大，但係就覺得舒服左好多。除左係因為光猛左，入面用嘅燈具都令人覺得幾有質感。店鋪有燒肉專用枱同埋普通用餐嘅木枱，但係可能係因為面績係幾大，樓底又高，所以就算隔離枱係食緊爆肉都唔會覺得有味，都唔會搞成身都係肉味。 一坐底，就有4碟小菜，辣薯仔好好食，好入味但係唔算好辣，小妹基本上完全唔食得辣咁濟，但係都覺得好好食。泡菜係中意嘅口味，好爽脆，辣度比薯仔高少少，但係會想一路食嘅辣味。冷菜都好食，入味，少少鹹，重麻油味，送飯正。甜豆幾得意，有少少硬，但甜甜地。 小妹好中意食韓式炒粉絲嘅，但佢嘅粉絲就麻麻，味道都好食嘅，但係就無平時食嘅咁乾身，佢係有汁嘅而比平時食嘅Lim笠。 另外係韓式拌飯，份量大，而且多料，拌完之後小妹食左幾啖未落韓式辣醬嘅飯，好食，未落辣已經好香，但又清爽，落左醬之後更香。跟飯嘅湯好清淡，完全無出面嘅咁多油同味精，飲入喉好順。 最後係男朋友叫嘅海鮮湯面，更大份量，但係係湯好滿，面上面有大大隻青口，小妹本身唔中意食青口，所以覺得麻麻，男朋友就覺得還ok，不過湯底濃度啱啱好，而且中意食面嘅男朋友表示面嘅質地好好食，幾得意，軟硬適中，仲有啲彈牙。 只係價錢對學生而言有啲高價，不過用餐體驗算係不錯，間唔中黎一次係不錯嘅。希望可以繼續捱落去，下次去試埋個烤肉。 Btw,鋪頭應該係由同村街市入面韓式食店東大門店主所開嘅，因為男朋友認得個男老闆係東大門老闆嘅爸爸，而東大門食物質素不嬲不錯，所以應該水準有保持到。

今年8月16日係我人生第一次HIGH TEA，VIVI帶左我去食旺角帝京嘅LION ROCK，因為已經係一星期前訂左位，所以去到基本上唔洗等就入到去。
一入到去就覺得個場地幾令，又大裝修又令，而且仲有面落地玻璃，可以睇到出面鐵路嘅景色，都幾寫意。
其實係訂位果陣我地就已經睇中左個"黑松露鑽石TEA SET"，睇食評同相都已經流哂口水，所以一到就已經即落ORDER。小妹第一次見到TEA SET架，興奮到癲左係咁影，搞到VIVI要係咁避待鏡頭。TEA SET第一層係鹹食～小妹個人覺得上面呢個漢堡同個樣類似沙律三文治係呢層最好食。
個漢堡係雞排，小妹最中意食雞排，佢呢塊排嫩得黎好JUCIY，仲要係一口SIZE，好方便食。
而個"三文治"就清清淡淡，帶小小鹹味，唔會太清淡無味，用黎清清個口啱啱好。　呢兩款就冇咩特別，個"帶子"調味唔錯。TEA SET第二層係細件嘅甜品，全部都好令，但係入口就冇驚喜啦。TEA SET嘅第三層係大件啲嘅甜品╴有我最中意嘅CREME BRULEE呀～～～CREME BRULEE係一個細杯仔，都幾得意，可以捧住黎食＾田＾
佢口感好滑，蛋香味同雲呢拿味濃郁得黎平衡得好好，面果層焦糖都燒得啱啱好，食完唔夠喉，小妹仲搶埋VIVI果杯黎食⋯＾W＾"另外有仲有杯奶定椰汁嘅布甸，入口冇特別，連個味都唔係咁突出。

其實個餐係有餐飲跟嘅，青檸或西瓜梳打水，小妹飲左一啖梳打水就心諗以後都唔會再叫，
梳打水對小妹黎講只係有汽、那喉又有小小西瓜味嘅藥水，所以小妹食到口乾都只係狂飲水。
個TEA SET大約＄5XX，兩人份量，又食得真係好飽，小妹食完好似食完晏就咁FU，而且第一層同第三層對小妹泉講係帶啲驚喜嘅，所以小妹覺得都算大件夾抵食。

之前見到有人介紹過
已經係電話cap定screen
等有機會出去尖東個邊就去試下

約左另外2個好朋友行街
決定帶佢地去試下
因為我地無book位
所以早少少去睇下有無walk-in
一去到 嘩 間舖好細
得4張細枱 每張最多坐3個人

點餐紙寫滿佢既"術語"
完全唔會可以由個菜名知道佢係咩壽司
老闆好好人 慢慢同我地解釋最後叫左3樣野
8爪魚沙律
同埋2份壽司
(個名奇怪到唔記得左)

沙律係新鮮即製
同埋夾雜左d薯片碎
2個口感夾埋幾得易

下面個份壽司
係鰻魚+芝士+薯片
聽到都覺得肥
但真係幾好味

上面個份係炸既壽司
完全估佢唔到
連埋沙律醬食
感覺上無禁熱氣

如果想去既
建議大家打去訂位
因為真係好細

年幾前已經食過一次
個陣覺得幾特別
始終旺角好少cake shop
大概$3x一件cake
今次因為朗豪坊又有Hello Kitty展
經過100 bites見到有crossover Little Twin Star既Tea set
就走左去排隊 諗住試下等一陣
最後等左15分鐘到就有位
d枱擺密左 同埋好多人 無左一種chill既感覺

叫左一個waffle set同cupcake set
(crossover期間只可以叫set 野飲指定4選1)cupcake
10分我會俾4分
佢只係一個雲呢拿cupcake
再加一個有Kiki樣既牌
有少少失望

waffle
10分我會俾6分
係新鮮係熱既
如果可以硬少少同脆d就perfect啦!

service
唔知點解搵晒d嬸嬸黎serve
唔似以前有d後生少少既

希望crossover過後會正常返啦