益新美食館(銅鑼灣)

今晚二人突登由cwb 搭的士走到這間位置都幾僻的中菜館, 一嘗好多食家都讚好的西檸雞。

環境其實幾寬敞, 客人不算多, 我們兩入被安排坐一張夠坐六人的檯, 舒適地嘆了半壺香片才來點菜。

可惜只得兩人, 未能試盡想試的東西, 最後只能精選了以下三味:

西檸雞
這味菜係著遍茶記夜晚套餐經常出現的菜色之一, 有時一個人食飯去茶記叫, 貪其煎炸香口野通常都不會差得去那裡... 普遍出來的結果都係檸檬味奇重, 蓋過任何僅存的雞味。但這次就真正嘗到好味的西檸雞的味道... 檸檬味恰到好處, 醒胃得來又沒有過重, 雞亦無用上大量的粉來煎, 皮薄得來脆, 肉質仍然嫩滑... 絕對係必試的菜色。

大良炒鮮奶
已經好耐未食過這味菜了... 奶炒得像蛋白一樣滑, 而最緊要係奶味同蟹味的比重剛剛好, 加一點醋, 入口的質感軟棉棉, 鮮奶的微香跟蟹肉的鮮味起了奇妙的化學作用...

葡汁焗雞粒飯
事前已有朋友說這一味相當出色, 結果亦沒有令我們失望, 葡汁非常香, 加上本身這裡高質素的雞肉, 一吃就是兩三碗。 份量亦相當多, 可足夠 3 人用... 最後我們當然吃不下, 要打包回去。

好開心又找到一間好質素的中菜館.. 已約好一班朋友下次拉隊光臨, 試埋其他食家推介的菜色。

Duke's Burger(中環)

Was in soho that day and couldn't find a place to eat. We then got attracted by the exterior of this restaurant and decided to give it a try.

Well, the interior looks appealing. It's a small closey place, with around 6 or 7 tables only and sofa seats on the sides. You'd definitely think that it's a bar if you know nothing about this place.

The menu is very simple - all about burgers. $168 a set and it includes a burger, a soup and a drink. You can pick your 3 toppings from the list, but requires a premium for toppings like foie gras. I ended up ordering a chicken burger and my friend a beef burger.

My burger arrived first and it came with fries and some veggie. The fries was rather disappointing as it wasn't hot enough. The burger did smell great and the chicken breast was tender and juicy. It was in fact pretty well done.

While I was enjoying my own chicken burger, she was still waiting for her beef burger. It never came. We finally asked the manager and he said the order's missed! How on earth could that happen when you guys had already served her the drink? And for god's sake, there wasn't anyone else in the restaurant. They were just serving one table!

We were understandably pissed. I finished up myburger quickly and we left .

It was disappointing. It merits a crying-face.

Caffé Vergnano 1882(中環)

睇完戲找個地方醫肚... 朋友說這裡的pizza 不錯, 而突然又想嘆一杯coffee, 所以就選擇了這家 1882. 座位一直從店內伸延到幾十尺以外的商場走廊, 坐在柔軟的皮sofa 上看著男男女女拿著一袋二袋 Christmas Shopping 的戰利品, 感覺有趣。

我們order 了一個 Set dinner 加一個 pasta with Buffalo Mozzarella。 想不到一家coffee shop 會有這樣的set dinner 供應 - 白酒煮蜆 + 忌廉雜菜湯 + Vegetarian Pizza + House White Wine 一杯。 心想質素應該不會高得去那裡之際, 白酒煮蜆便首先給了我們一個驚喜。 蜆除了多及份量足之外, 亦非常生鮮, 再配合濃濃的酒香, 真的一試便不能停手。 這個set dinner 價錢 $168, 但這一味頭盤已至少值回$100 以上, 因為這道菜絕對比許多其他地方好。

接著來的雜菜湯繼續keep 住高水準, 忌廉濃但不膩, 恰到好處... 再加上十足材料.. 真的沒想到會在coffee shop 嚐到此等質素的湯。

不知道是不是期望調高了, 反而跟著的pasta 及pizza 就來得普通。 Pasta 的芝士確實是十分之香, 但Pasta 本身就略嫌硬身了少許, 如果可以再淋一點, 效果應該會更好。 Pizza 的批就真的很簿, 亦做得十分之脆, 但可能本身不是太好全 veggie 的東西, 所以只覺普通而已。

最後來的 一杯 cappacuino 又是一個驚...但沒有喜, 因為反而是這個最差.. 第一口已經不夠熱... 最後只草草渴了幾口...

我想我會再來的... 只希望他們可以keep 住食物的水準之餘, coffee 不要再令我失望便好了。

明串燒(銅鑼灣)

早前同兩位朋友特地到這裡試試這間新串燒店。一打開menu, 感覺似曾相識，因為實在跟南蠻亭十分相似，就連次序都好像一樣。記得曾有一個食評說這裡的師傅是從南蠻亭過來，　可能是真的。

我們叫了大量串燒，有鵝肝雞翼、白膳、牛利、栗米、飯團、雞軟骨、蠔、羊扒等等。我不打算逐樣評了，因為總括來說味道是頗佳的，但又沒有什麼驚喜可言... 沒有一樣是真正令我十分回味的。這不知是不是與這裡新潮的裝潢有關，我就是吃得不夠投入。環境佈置無疑是感覺高檔，但好像沒有了日本味道．．．　整晚就像是在一家西餐廳吃日本菜似的。

另外，我想是因為趕著開幕，所以酒牌還未辦好。天啊，吃日本串燒怎能酒?!
害得我要走到鄰近超市買了兩大罐 Asahi 頂檔.... 可想而知今次串燒之行真是大打節扣。

明串燒... 最需要的是一款能令人再三回味，繼而再次光臨的一道好菜色。

WaterMark(中環)

本來想與友人試下它樓上的Pier 7 , 但原來Pier 7 係無正式晚餐供應的... 所以就去左Watermark. 其實都知道 Watermark 應該唔會平得去邊, 但一場黎到 , 就豪一次啦。

佢個入口派頭就十足, 唔知仲以為係Art Gallery 的入口。 走過長長的走廊, 沿路有柔和的燈光襯托住...絕對能製造出高級浪漫的氣氛。

Menu 內的 items 不算多, 但反而 wine list 就十分專業, 有多款酒供選擇, 由數百元到數萬元一支的酒都有。

頭盤是 crab cake... 如圖所示份量一點也不多.. 盛惠差不多$150, 但質素是高的。 皮薄之餘, 最緊要是蟹肉新鮮, 與食一隻新鮮蟹沒有分別。

主菜有兩道: Rabbit Loin 及 Goose Leg. Goose leg 食落其實同德國豬手的口感差不多, 但肉質較淋.. 幾香口的。伴碟的 Garlic Potatoes 同樣好味。 Rabbit loin 以菜卷形式上, 質感與雞肉相似,但味道較濃, 十分香。 聽說兔肉屬於高蛋白質、低脂肪、少膽固醇的肉類, 對身體有益, 但真的很少機會吃到。

今回我們沒有叫酒, 只order 了一支Sparkling water 同一杯Carrot Juice. 果汁絕對百分百新鮮, 只係支水就略貴, 要$60 。

來這裡用餐, 我估可能有一半價錢是給了外面 180 度的維港景觀。是夜用餐時, 剛好遇上 8時在維港上演的 laser show, 感覺確實是上佳的... 這個海港 亦實在是太美了。

滾得棧(深井)

友人住在深井, 推薦此家火鍋店, 所以山長水遠由港島到來一試。
一行 5 人, 被安排坐在二樓, 環境尚算不俗, 除了LCD TV 接收不佳, 充滿雪花。

湯底是海底椰豬骨, 來是十分香, 帶著濃烈的椰子味, good.

火鍋料分別有:
肥牛 - 特大其實也不是太大, 質素可以, 但不如友人事前所說的那麼特出
鴕鳥肉 - 比我預其中好, 因為之前在很多地方試過的大都很韌 , 但這裡的反而很鬆軟
豬面青 - 豬面肉, 好味, 有點似豬頸肉, 但切得更薄
象拔蚌丸 - 從未試過, 反而有驚喜
其他均為普通料...

另外叫了兩碟熟食 , 其中的花膠油條值得推介, 送啤酒最岩

唯一要批評的是那個waitress 落力 hard sell 炒蟹... 友人最後都屈服... 稍後才知要 $360. ..

嵐川日本串燒(西環)

因為朋友介紹的關係, 今晚我們一行四人到了這間位於堅尼地城一條內街的日本串燒店。它的門面不什起眼, 但內裡的裝潢頗地道。

我嘗試憑記憶列舉我們品嚐過的燒物 -

鵝肝 - 味道很不錯, 燒得剛剛好, 有入口即溶的感覺
牛利 - 還可以, 但對我來說還跟南蠻亭的有一段距離
白鱔 - 如上
蠔 - 蠔不是連殼燒, 是一串串淨肉燒, 每串兩件, 蠔味濃郁, 要試
黑豚肉 - 燒得很香口, 但略嫌肥了點
栗米 - 很大條, 分成3 節3 入享用仍覺足夠有餘。 牛油份量剛好, 所以亦覺美味
Angus Beef - 厚切, 燒得恰到好處, 這個亦是我下遍再來時必會再叫

其他還有一些燒菜, 如蔥及蒜頭... 但味道沒有什麼特別...

雖然如說到食日本串燒我還是會首推南蠻亭, 但我想以堅尼地城區來說這應該是屬於高水準了。

悅鮨(天后)

首次與一位朋友來到此日店, 一進內都知道價錢是走中上路線。其實本身今晚沒有太大興趣食魚生壽司, 所以事先已問他這裡有沒有具質素的熱食, 他說有 - 吉列炸豬扒, 講真都有點難以置信.... 心想: 好, 睇下點

因此, 我們只叫熱食。 見到餐牌上有一個自選5 款熱食的"套餐" ($300), 就點了以下 -

吞拿魚蓉 - 率先送上, 魚蓉新鮮, 再與一隻小生雞蛋攪均, 搽上紫菜上, 真是頭盤好選擇。

清酒煮蜆 - 蜆肉很多, 伴著淡淡的清酒香, 份外好吃.... 我朋友就連餘下的清酒也渴乾....

味僧焗蠔 - 全名不大記得清楚, 但也是一味很好的菜色.. 蠔肉在充滿香味的味僧槳內, 十分香口, 如果有碗飯就.... 真係...

牛肉鍋 - 十分足料, 牛肉入口十分爽, 湯內的豆腐及菜因為本身的湯味濃郁, 所以亦十分入味

炸豬扒 - 來來預計份量不會太多, 但竟然是原塊上, 皮沒有用過多炸粉, 薄薄的但非常脆口, 肉質亦鬆軟, 味道當然十分好

他們這個"自選餐" 有差不多20 種選擇, 經此一試後我想我將會再回來再試試自選其他

鍾菜(銅鑼灣)

夜晚上到 times sqare 間間都爆, 竟然呢間就有位。 見未試過試下啦... 裝修看似高檔, 當然價錢都嘗試走高檔。 一碟普通小菜都差不多$100..

見了所謂招牌菜的石瑠雞... 原來結果係只有數塊石磂做伴碟, 幾失望。
其他的菜色亦無什特別, 只係d 菜色包裝就唔太岩我, 明明是中菜, 但碟就用西式碟, 伴碟亦很西式... 我只覺得不鄰不類....

唯一可讚係賽螃蟹, d 蛋好滑, 賣相亦求突破..

仲有, 叫茶亦要小心, 因為一到位佢就會俾張新茶推介比你, 要$30一壺, 但原來係可以叫返普通茶的..... 呢招我就唔受啦

Frog Face Fish(中環)

又係朋友生日, 有個friend 揀左位於LKf 附近既呢間餐廳, 感覺係high-class, 入面既客都係外國人為多。

睇個餐廳名都知係主打seafood, 一坐低急不及待order 左青口同clam, 質素好好, 夠生鮮, d 汁亦好好味。

佢既main course 價錢都屬high-end, 平均都要二百尾一個, 叫左個black cod, 味道算唔錯, 但份量超少, 同一塊漢堡扒差唔多大, 絕對唔夠, 所以略為失望。

中間夾了個crab cake 同smoke salmon, 份量都係不多, 但味道值得一讚。

總括黎講呢間野有special occasion 的話可以一去, 但要食飽的話就要叫多幾樣野先得

阿甘蝦餐廳(山頂)

今晚心血來潮想去山頂行下, 所以上openrice搵搵而家山頂有d咩新餐廳開左, 然後俾呢間既名吸引左, 再睇下食評, 決定試一試... 無揀錯!

首先個view 一流, 可以飽覽維港夜景, 但略嫌我地坐個間房太光, 氣氛差了。

講返食, 叫了個clam chowder, garlic bread, seafood bucket and shrimp scambi. 總括黎講係very good.. 尤其係個garlic bread, 真係好耐無食過d咁好味既...

主打係蝦, 而佢既質素亦無令人失望, 就算炸左都仍有蝦味。每樣既份量都算幾多, 兩個人食到好飽, 最後$500埋單。

仲有樣野, 佢地每張檯都有兩個類似車牌既牌, 一邊寫Run Forrest Run, 另一邊Stop Forreset Run! 一坐低就話比我地聽呢個係用黎叫waiter 既.. 需要時, 出示Stop 個面就會有人埋黎serve 你... 幾有趣

南亭(中環)

因為一個friend 就黎生日, 所以同幾個朋友一齊黎左呢度食串燒同佢\慶祝。一黎就叫左不同既串燒, 包括雞翼, 牛利, 栗米, 羊鞍, 仲有白膳, 炒青菜等。今次係我第一次黎, 佢\食物既質素令我喜出望外, 樣樣野水準都十分高, 尤其係羊同埋白膳。

我地仲試左三隻酒咁多, 唔記得左叫咩名但最好飲既係粉藍色樽既sake, 味濃但易入口, 一流!

然後唔多夠我地仲加左d 飯團, 有三文魚, 魚子, 曼魚味, 講真d 味對我黎講就差唔多, 但都十分之好味

最後甜品要左雪糕..選擇無, 因為只有coffee 味, 有待改善, 但味道就比我想像中好。

埋單每人差唔多$500, 雖然貴但咁既質素我覺得絕對okay..係好滿足既一餐\!