藍藍MICHELLE 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2016-02-26
生日本來想食另一間名氣火鍋 點知超full book唔到位就轉食老坑 爭d都book唔到 呢間野 知道左好耐 但係一直都無機會試 估唔到佢咁光猛 地方咁大咁乾淨 服務態度都唔錯tim 一場黎到梗係叫最出名既蕃茄蟹湯底 雖然叫左細蟹 但係都好多肉 七個人都夠晒分!蟹又鮮甜! 椰菜餃 粒粒飽滿 最緊要皮薄 手切牛 林得黎仲有咬口 有牛肉味 份量好多 不過已經比羊肉比下去 筒蠔超肥美!!又鮮甜~ 仲試左新野 豬腳筋 好多膠質好滑 口感不錯 個個朋友都讚不絕口 午餐肉都是厚切的! 有機會一定會最來!
評分: 味道 5 環境 4 服務 4 衛生 4 抵食 4
2016-02-26
一心為部隊鍋而黎 點知令人失望 無料到既?連茄汁豆都無既部隊鍋 只有少少菜 芝士 豆腐 腸同午餐肉 更加唔好諗住有年糕 唯一好既係有埋麵比你 然後芝士泡菜炒飯 圍邊既唔係芝士 只係薄薄既蛋邊 比張相呃左tim 睇賣相好似幾好 情人節整個心形 食落就...無咩味... 而且泡菜都無條 唔怪得之情人節都唔洗等位 全部侍應都係大嬸 佢地係幾勤力態度幾好既 不過大大聲用鄉下話溝通就好似嘈交咁 無晒食韓國野既氣氛 就算裝修似都無用 唔知點解有九折 當免左加一~
評分: 味道 3 環境 3 服務 5 衛生 4 抵食 2
2015-07-29
悠閒地享受生活 首先就係唔洗等到天荒地老 如果等位又凍/熱/係雨中攪到自己咁辛苦 同埋唔會限時限刻趕人走 人都燥晒底 咩胃口都無 雖然遠在大埔 但係呢度先有真正既悠閒 伴碟薯條脆囗但唔熱氣,如果茄汁比多d會更好 芝士洋蔥煙肉焗薯皮,好香口又無over cook 連個皮都好好食,不過唔好expect有好多薯肉 有d沙津菜伴碟,幾fresh 黑松露香,三文魚都有六七塊 汁既份量都岩岩好 如果粉硬身d會更好 外形似dazzling cafe果隻,夠熱夠乾身,外脆內軟 賣相精美又足料,我地3個人分剛剛好 整體黎講可以同dazzling比美! 音樂柔和 誠意推介
評分: 味道 4 環境 5 服務 5 衛生 5 抵食 3
|