相約中同吃飯，當然揀返中心點嘅尖沙咀啦
揀咗人氣高企嘅泰菜店
是晚我比他早一點到，近門口位置非常合適打卡，座位是榻榻米，好有特色大概踏入七點打後，餐廳已滿座了
幸好我有預先訂座我覺得吃泰菜，有幾款是必點的
生蝦、咖哩和通菜（不過今次叫咗沙律） 燒牛肉沙律
燒牛肉份量都多, 而且是厚切, 不過就有點韌和有筋, 其實咬落去係Juicy的, 有點可惜
而沙律汁是酸酸甜甜, 不過我覺得可以落多一點
中同話生紫洋蔥好好味, 帶點辛甜味另外起openrice見到好多人都推介的:
蛋炒咖哩軟殼蟹配薄餅, 白飯轉薄餅 (+$18)
平時泰菜嘅咖哩大多都是配豬牛雞, 蛋炒咖哩是第一次吃喔
碟底有好多滑蛋咖哩, 仲有2隻大嘅軟殼蟹, 咖哩是帶甜的那種, 
基本上我覺得唔辣, 所以唔吃得辣嘅朋友仔都真係可以試下呢道菜咖哩又唔會稀淋淋, 無論配白飯或薄餅真係會不知不覺地吃多咗
仲有仲有,  咖哩上面仲落咗好多蟹肉, 超正泰式生蝦刺身
真係唔使多講, 食泰菜真係要點的菜式
用冰底墊著以保新鮮, 食刺身最怕唔新鮮和有菌, 當晚我地食完都無事, 放心蝦身不大不小, 肉質有彈性, 蘸埋泰式青汁真係好惹味!烤豬頸肉
呢碟真心推介, 豬頸肉好Q彈, 帶少許肥膏又連住肉, 咬下去有點爆汁感覺平時食泰菜, 至多都係飲下泰象啤, 都是啤酒 呢度有提供Cocktail, 大部份Cocktail以泰國地方名而命名
我對紫色情有獨鍾, 呢杯叫Pattaya (芭堤雅) 起menu上睇已經好吸引 真身仲靚仔過menu, 原來佢係一手一腳自己將紫色嘅蝶豆花汁倒入含tequila 和椰奶入面，仲附上一句爆炸糖，勁可愛 由深紫變淺紫，果種漸變色超靚 最初想keep 住呢隻咁靚嘅漸變紫而無攪拌過 一飲個底有濃濃嘅酒精，所以最後都攪均成杯變淺紫色 另外，佢本身杯邊都黏咗啲爆炸糖， 食過就知一定係「新鮮」時都好玩 邊飲邊有啪啪聲，非常過癮！

旺角真係有好多購物行街地方, 行到攰, 都想搵間cafe坐下歇歇腳
起 Moko 和花園街中間的洗衣街，有間cafe每次搭車經過都會令我望幾眼，
加上有養狗啲關係，都會留意返有邊啲餐廳可以帶狗狗去
Tuned coffee 竟然是旺角鬧市中嘅寵物友善餐廳，不過是晚無帶豬仔嚟，先和男友探探路先Cafe可算是麻雀雖小，五臟俱全
除咗主打供應唔同款式嘅咖啡外, 食物種類以cafe嚟講都唔算少呀~望了一輪menu後, 決定揀咗以下食物, 想講....全部都唔過$100, 好抵食!
日式燒雞腰果仁沙律 $75
意想不到重量cup嘅 big bowl salad, 仲要真材實料, 又有擺盤, 色彩繽紛
入面除咗有唔少嘅日式燒雞肉和腰果外 (廚師細心將其切開小件, 我喜歡咁多過一整塊) 仲有大大粒又juicy嘅車厘茄, 好fresh嘅青瓜, 和在外邊很少用來配沙律的紅薑漬 (原來又幾match, 撈埋d沙律菜一齊食, 酸酸甜甜好開胃), 而沙律醬是用上鮮黃色的蜜糖芥末 (不刺鼻的), 望落整個salad bowl都好colorful, 好開心
香炸鹹蛋黃單骨雞翼 $68
新鮮熱辣, 單骨嚟講都唔細隻, 每隻都炸到香酥脆口, 但雞肉依然嫩滑的, 每隻都黏上鹹蛋黃, 喜愛熱氣炸物的朋友仔, 不容錯過!
松露忌廉大啡菇貓耳朵 $95
似乎是signature dish, 我見很多食客檯上都點咗呢份, 超香濃creamy嘅醬汁, 將大啡菇切片, 和松露是好朋友喔
貓耳朵煮得軟硬適中, 窩形更可以黏多一點醬汁, 煙韌軟糯, 難怪咁多人都點啦~飲品點咗 熱情果Ade, 比咗半個新鮮熱情果, 夏天飲好舒服
凍開心果latte, 漸變嘅綠色好有層次, 每啖都有好濃嘅開心果味, 仲食到開心果仁碎
呢杯都係signature, 我見好多人都有點, 不過佢地點嘅係熱飲, 望到仲有拉花添坐坐傾傾...男友話想點多份輕甜品, 佢又想食少少甜, 但又唔想食蛋糕之類嘅甜 (好矛盾)
最後揀咗含輕盈d嘅蜜糖嘅藍莓芝士酸種脆多士, 
芝士似係用咗茅屋芝士, 芝士味唔重又唔咸, 廚師非常大方, 芝士落得好重手,
原來蜜糖配呢款芝士又幾合, 藍莓大粒唔酸, 仲加咗少少合桃碎, 多重口感
脆多士蘸蜜糖都好好食, 食完都唔覺得膩

之前住九龍城時食過佢嘅芋泥奶凍吐司(限量)好好食....成日都心念念想再吃
今晚食自己, 所以有時間特意走來買外賣回家吃
舖頭正正是對住九意龍城廣場, 出面就有去九龍塘嘅小巴站, 好方便因為中午食咗好多甜野, 所以想點份咸嘅吐司, 同埋都可以試下新野
所以點咗芋泥肉鬆吐司ORDER咗3樣野, 因為唔知幾時先有機會再嚟
等待時間都係10分鐘內, 都快
芋泥肉鬆吐司, 望落都肥厚同好多肉鬆呀
芋圓大滿足, 有自家製嘅手作芋泥, 三色芋圓同仙草, 真係一次過滿足哂幾個願望
青檸蜂蜜特飲, 好想飲D解渴嘅凍飲, 咸咸酸酸甜甜, 真係好解渴, 又大杯....d酸甜咸度係啱啱好, 
拎到手後我都chur咗1/3第一次試佢地嘅芋圓, 比我想像中大碗, 連芋圓都好大粒, 
一碗入面大約有12-13粒, 好多料, 好crazy呀!
除咗大粒芋圓外, 仲有好大舊仙草和芋泥, 好彩最後男友返嚟留比佢宵夜佢嘅芋泥入面間中會食到很微細嘅芋頭粒, 微甜, 好滑 湯底係香芋汁, 都有芋頭粒在內, 而且仲帶點椰味芋買係平時食開的大一倍, 真係好飽肚, 仲要我食咗吐司先食芋圓 唔知係咪大粒咗D, 感覺唔夠煙韌, 但又不會是全粒是粉囤的不良口感 佢嘅吐司都依然好味, 睇得出係好多餡, 唔係淨係中間架
肉鬆+微甜嘅香滑芋泥, 咸咸甜甜很滋味 食到好入都有滿滿嘅餡, 而且吐司是烘培過, 所以味道更香
我想即食會有微脆的口感 (因為我外賣回家, 隔了一小時後才吃)
吐司真係超推介

朋友起外國返嚟，時間只夾到佢飛果個晚上
所以揀咗樓下就有機場快線嘅圓方食飯
食啲特別嘅菜就啱哂，因為香港咩菜式都有
我想佢地起英國都唔會成日食到韓燒望哂openrice, 呢間自己都未試過，一於預早訂位
餐廳內環境唔錯，入邊都有好大空間，座位都非常多侍應安排了卡座給我們（其實卡座是可坐六人）
我們坐得非常舒服
先來幾份前菜，食韓國菜的特色，好開心呢
前菜除了基本的泡菜、芽菜和菠菜外，還有醃魷魚和魚片等，主菜未來都可以吃住先見到好多人都點呢份韓牛大蔥卷, 朋友都想試
呢份肉仲會包埋一份泡菜炒飯, 正
韓牛卷好靚, 粉嫩嘅肉色, 清晰見到的雪花紋, 內裡包著鮮嫩嘅大蔥
事前"立"過下食評, 如果燒肉的話, 會有專人服侍的, 唔使客人自己落手落腳
同埋想講, 我最怕的油煙味幾乎是零
看著侍應將粉嫩的韓牛烤到啡色, 差點口水都流出來一份共14件的韓牛卷, 我們3人SHARE都覺得好飽
可能油脂較重, 所以每人SHARE食幾件就剛好, 同埋幸好中間有大蔥, 整體無咁膩
由於韓牛卷沒加任何調味, 所以另附上一小碟黑椒海鹽香油的調味對應客人口味
而我就不加任何調味, 因喜歡吃原味道
侍應地下手勢將韓牛卷烤熟，留了一兩卷用作炒飯，炒飯同時加入泡菜，所以好惹味及夠味

由於炒飯有點辣，其中一位朋友不太吃得辣
所以點了一份鮑魚釜飯
相比下，釜飯味道清淡好多，當中加入南瓜、香菇及西蘭花，而鮑魚也是韓國人常用的食材
釜飯附上韓式辣醬，愛味濃的朋友仔可以混埋一起吃
另一道不得不介紹的前菜海膽豆腐
鮮橙色的海膽豆腐，
最初沒太大期望，切一小片再夾上韓式紫菜及青瓜絲
嘩….海膽味好出喎，意外意外
短點只是有點細份🤪

有機會嚟嘅朋友要試呢個豆腐喔

昨晚和朋友們團拜後，瞓到自然醒，再外出找吃
想起成日經過但又未有機會試的Flames, 每次經過都好想起門口打卡, 原來佢有幾間分店的
內裡嘅空間感好大, 門口都有幾張檯可以飲下咖啡/hh時chill下的位置Weekend menu都幾多選擇, 有沙律, 肉類, 意粉, Pizza, 價錢已包基本飲品
我地點咗一份沙律, 一份豬, 再加個黑松露薯條Seared Scallop Salad擺盤勁靚
雖然望落好似份量唔多, 但帶子其實都幾大粒, 煎到表面微焦, 是半生熟的狀況, 沒有Over-cooked
沙律sauce係微酸嘅醋汁, 好開胃Truffle Fries 
本身餐廳有2款薯條, 一款係雞味, 其實都想試, 但最後都揀返自己最愛的松露味
上檯時勁香濃薯條味, 松露唔係混入醬汁中, 而家係混入炸粗薯條度, 所以每條薯條都有松露味道
份量都唔少呀, 好想不浪費, 但最後我地都食唔哂Crispy Pork Belly
唔記得曾經喺邊度食過，記得是好東西
於是點了一份
Flames 嘅每道菜擺盤真係唔錯
簡單得來，望落乾淨整齊
是原條的脆豬腩肉，配上少許爽脆的紫椰菜（唔會苦澀的）表皮香脆，切開是膏肉分明，是半肥瘦，不油膩的
其實內裏都Juicy
不過我自己就覺得如果再配送醬汁就會無咁乾
最後我都請侍應比咗啲芥末醬蘸著吃，都唔錯
而且佢哋冇額外收費或拒絕，nice 原來佢哋週末全日happy hour是半價，好抵
有時想飲兩杯，可以約朋友嚟呢度chill 下

早起NATA開業時已嚟幫襯過
最近突然諗起佢，再睇返原來佢哋Menu已經改咗，仲聯乘Cobber 一齊合作平日嘅夜晚都幾多人
我鍾意呢度空間咁都夠大，又有梳化位呢度嘅Menu已經冇咗任食薯條, 不過就多咗其他選擇
Main都未睇, 就同男友講定我要食一份甜品 - pancake!!!呢度嘅扒類都會有小蠟燭烘著, 唔會食到尾凍哂明太子忌廉大蝦意粉
好Creamy好鐘意, 每條意粉都黏咗明太子忌廉醬 意粉口感不硬不軟
大蝦有6-7隻, 仲要爽口彈牙的美國1855安格斯牛肉眼 (五成熟)
廚師已將肉眼切成一片片, 客人無需操心
還有2個醬汁和海鹽及烤蒜片跟隨著, 由於多數吃原味, 所以沒多留意是甚麼醬汁, 一個似是洋蔥汁(啡色), 一個應該是香草汁吧(綠色)靚牛是無需蘸上任何調味, 這份肉眼脂肪量算少, 紅得來不會流出血水, juicy有少少咬口
吃到呢度, 我都要暫停自己, 因為order咗份pancake, 要留肚呢~
開心果忌廉士多啤梨梳乎里班戟 
仲好有新年氣氛, 旁邊有個福字朱古力牌
開心果忌廉醬超多, 一切開就好似瀑布咁, 同埋勁香濃嘅開心果味, 又唔會太甜
梳乎里班戟好鬆軟, 郁一郁就有好動感
最近也是士多啤梨的季節, 所以士多啤梨都唔會酸, 好清甜
紅+綠好match!甜品是會令人開心和放鬆心情嘅良藥, 雖然晚餐吃到飽, 但甜品真係有另一個胃

新年期間食太多中餐, 週日起身就想食西餐
於是提議來呢度食，之前食過晚餐都唔錯
見佢週末有brunch set, 又唔算貴
同埋真係人多, 唔係早10分鐘, 應該都要等位添呀呢張係等隔離檯食完先影到個環境咋我地分別叫咗一人一份SET再加一份小食: 炸黑松露蘑菇球最初以為入面是原粒蘑菇, 原來係同黑松露一齊blend成
入面好Creamy且黑松露味濃呢度落完order後, 上菜都唔會等好耐, 
男友的主菜 M4+牛胸腹扒 (medium)伴薯條
賣相都唔錯, 生熟度都適中, 不過男友切了一小片給我試, 咁啱就有少少韌, 唔似菲力牛扒咁稔身
但牛肉味都濃我那份油封鴨腿, 是法國常見菜式
因為知道一定會很稔, 我個人較懶, 又唔想食春雞有骨的食物, 所以點鴨腿就一定無錯的用刀一拮落去, 骨肉分離, 雖然是稔, 但都食到一絲絲嘅鴨肉, 而且一D都唔鞋 墊底用了黑松露薯蓉, 又係勁香濃, 再加了微甜嘅紅酒汁, 都幾特別 一場嚟到，想食埋甜品先走 叫咗份「香蕉船」，童年回憶， 不過呢個係法國變奏版 有生果有雪糕又有脆皮，一次過滿足晒幾個願望 兩個人share 都覺得大份 不過甜品對女生嚟講，有另一個位容納的 雪糕球是雲呢拿和士多啤梨味 士多啤梨味那個很出色，一啲都唔假 香蕉份量都多，而且是新鮮的👍🏻 到離開時都仲係咁多人

是日立春！
預訂了The One 19樓的Harlan’s吃semi lunch buffet慶祝下
(在搜尋的同時發現原來午餐一點都不昂貴,晚餐就另說了)不過可惜最近天氣不似預期，最初想起佢個露天位置打下卡，點知大霧到連對面的大廈也看不見還好的是Harlan’s以落地大玻璃設計
所以都有大量日光打照著，彩光度非常好

Semi Lunch Buffet 時間由中午12時至下午4時 (L.O.: 3PM)
時間也長，而且每位只是$298，超級抵！
如果在星期一至四更買三送一，非常超值先揀一款主菜, 然後馬上出去buffet corner揀野食嚕
新鮮沙律菜有3款, 混合沙律3-4款, harlan's出名的餐前包, 甜品7-8款, 巴馬火腿蜜瓜, 自家製肝醬多士等等, 以semi-buffet嚟講, 種類算係咁混合沙律和甜品我眼見在refill時會轉換款式, 無咁悶行了一round，各樣也拿了少許
沙律我配咗蘋果意大利香醋醬, 酸酸甜甜好開胃, 仲拎咗好多我最喜愛嘅芝麻葉, 好新鮮
哈蜜瓜都好甜, 巴馬火腿又唔會過咸, 好match
另外有款以泰式調味嘅鴨胸芋絲沙律都好出色, 推介
不過自家製肝醬多士，件多士就比較硬, 肝醬就正常發揮
慢食了第一round後, 我唔敢吃過多, 因為仲要留肚吃主菜和甜品主菜我揀咗: 香煎比目魚配小米飯比目魚啖啖肉, 外皮是煎到半脆, 面頭仲加了點牛油果醬和檸檬汁之類的, 
魚質嫩得嚟唔會散亂又無骨, 好啱我呢d又鐘意食魚但又怕骨的人 配了小米沙律, 成個主菜都很健康!而男友主菜是加了$100的美國頂級西冷牛扒 (Medium) 高級餐廳係唔同, 上菜的擺盤都特別精緻, 粉嫩色的牛肉, 配上鮮橙色的甜南瓜茸, 即時添上色彩感。廚師預先平均切好三大件
我試了一少口, 牛扒很稔嫩, 就算唔點醬汁, 吃原汁原味已很出色其實主菜的份量本人覺得剛好, 因為還有甜品嘛 本人一向對朱古力都不是首選，所以感覺朱古力甜品是較甜 幾款甜品全都吃下去， 個人最喜歡的是酸味味的檸檬撻和布甸 布甸細滑奶味濃 檸檬撻是比較酸，但撻皮一齊食，就中和了 其後我仲見到有人拎Maracons, 可見甜唔種類都會在refill 時轉換 Semi buffet 是包含茶啡等基本飲品 Iced latte 是加了$20 熱檸茶也是原壺上的，可以慢慢傾慢慢飲，放假就是hea 和chill

男友起疫情期間, 為咗方便買咗車車代步
呢幾年成日都撩我去camping, 但是我係一個怕蚊蟲嘅人, 同埋家有老犬, 所以從未實行過!
其實市區都可以"偽camping"! 仲要地方乾淨, 比佢一嘗camping嘅慾望啦 地點起觀塘超近我地, 老人家去得遠都累
我地揀門口位置, 男友又可以望住車車
因為呢隻老野孤獨慣, 見到人狗都會鬧一餐, 所以呢張檯就啱哂佢
其實餐廳最入嘅室外位置都有幾張寵物共享嘅檯, 當然最好預約咗先啦
我地係星期日中午嚟, 唔算人多同車多, 雖然對住馬路, 但都唔覺係食緊塵, 坐得好舒服添
姐姐仲好好人, 本想比張凳同埋寵物尿墊我地, 不過老野坐返自己車車唔比佢搞事好了 叫咗幾樣野扮去camping先, 飲品緊係唔少得:
好雙乳的莓莓 & iced latte 其實係藍莓+士多啤梨沙冰, 勁解渴, 面頭2粒係士多啤梨乾, 包保唔會酸到開眼 煙鴨肉忌廉芝士雜菜沙律配柚子醋 有肉有菜, 好平衡健康, 酸味味的柚子醋好開胃,又唔會過酸
大大粒忌廉芝士好滿足, 無羊奶芝士咁酥 兩日一夜豪華豚
肉食男友一定要食肉, 所以點咗呢份大件夾抵食嘅豪華豚
賣相唔錯, 仲有炒薯角, 煙肉粟米芯卷和烤蕃茄on side, 真係勁大份呀! 豬扒好大份, 肉稔, 本身都有點調味 但佢附上嘅醬汁帶少少辣, 都好惹味喔
無論配肉或菜都好好食!! 因為食肉男食咗大部份肉, 我仲未夠喉, 就食返d女士最愛嘅甜品
阿華田脆脆奶蓋瀑布蛋榚
其實瀑布甜品我都係第一次食咋, 自己將膠片褪開, 見住d阿華田流落嚟, 好有視覺效果, 打卡又一流
阿華田味重, 可惜蛋榚太多cream同埋可以減甜一點 老人家雖然樣呆, 但有餐廳可以人寵共享, 主人同奴才都非常開心
真心: 雖然是室外, 但覺得地方都好乾淨
呢度仲有獨立洗手間, 真係好過野外camping ar而室內環保都非常有feel 成架露營車變湊成獨立房間咁, 開party又唔怕嘈住其他客人, 好正!

一向都很喜歡PHI的的souffle pancake
最近比我知道佢開咗間新分店, 仲要起好近我嘅九龍東Megabox
以bear bear為餐廳主題, 大人細路見到都會覺得好fancy近門口果排座位是半開放式, 
每卡都放咗隻巨大熊公仔起度, 就好似陪伴住你用餐咁
原來呢間都係pet friendly餐廳嚟架, 聽到另一台客人問先知, 咁下次我可以帶埋阿b嚟Megabox呢間分店嘅menu都有d唔同, 部份菜式加入咗bear bear元素同聖誕氣氛
我地點咗以下幾份食物, souffle pancake就緊係唔少得啦每張檯上都有可愛小熊架, 真係好啱嚟打卡 (老闆真係好識做生意 XD) 芥末蟹肉青蘋果沙律碗
青蘋果和蟹肉都是淺色的, 2者混合成一個白色雪餅般, 柔軟中帶點青蘋果的清爽口感,
而芥末味不特出, 所以不擔心會吃到攻鼻
下面用了幾款沙律菜墊底, 用了酸醋汁作調味
碟邊有2片金黃牛油味很濃的多士, 超級正! 將蟹肉放上面一齊食, 無咁單調 龍蝦扁意粉
唔好睇佢平平無奇, 一上檯已經聞到好濃嘅龍蝦汁味
醬汁都用上龍蝦汁, 仲有好多龍蝦肉, 唔使拆殼, 食得特別滋味!
不過是日嘅扁意粉稍為淋咗少少, 但又唔係淋到入口即溶果種感覺, 只是個人較喜歡有點咬口感
整體食完唔會口渴, 係適中嘅味道飲品今次試下加了godiva朱古力酒嘅咖啡 (冰)
放工後總想飲少少酒relax, 太夜飲濃啡又怕瞓唔著, 呢杯就正好啱我口味
少少甜, 酒精都唔會太濃, 有點像mocha飯後甜品點少得我最愛嘅梳乎厘, 每次食到都覺得好幸福
又試下未試過的口味先: 經典英式伯爵茶梳乎厘
PHI係我嘅世一梳乎厘, 擺盆又精美, 味道又好食
同樣每份都有3件蛋香味濃嘅souffle pancake, 面頭就淋上微甜嘅伯爵茶醬, 唔算好杰身嘅呢份梳乎厘仲有3粒厥餅和1粒瑪德蓮蛋糕, 自家製伯爵茶忌廉和1小球雪榚 , 真係超滿足~
不過瑪德蓮蛋糕就有點乾涸, 同埋厥餅硬咗少少, 所以扣咗1粒星

但佢嘅梳乎厘真心好食嘅