今晚和新加坡的朋友食飯, 她們很想試大排檔.
但尖沙咀睇完幻彩詠香江都好晏, 尖咀四圍都無可能搵到大排檔
好在記得呢頭有間妹記, 就帶佢地一試.
轉左舖之後都無黎過, 去到門口見有人要等位,
不過侍應話如果搭枱唔駛等, 咁就搭枱吧!

入內睇到個裝橫, 本人就覺得求其左d.
係用d香港景點當牆紙囉.
但新加坡友人話裝修很有香港味道, 我都明白外地人認為呢d係特色.

因為兩位朋友係女仔, 三個人食唔多,
於是叫一個雞煲, 咸魚香炒通菜, 紅燒豆付.

雞煲 - 好香, 有點辣, 送飯一流.咸魚香炒通菜 - 奇怪! 食唔到咸魚味, 淨係覺得好油紅燒豆付 - 不過不失本來想叫鬼馬油炸鬼, 但友人話新加坡都有得食!
竟然! 我真大鄉里

我本人就覺得有點可惜, 妹記確實完全失去大排檔風味,
想當年街市個陣, 風涼水冷, d野又好食又夠火候.
而且呢度好嘈, 好難傾計.
不過對我兩個新加坡朋友黎講, 野食好唔好唔重要,
最重要係可以一齊食餐飯見個面.
佢地最後係個港式街景既牆紙前影左張相,
睇黎佢地真係覺得呢度好有特色.
喜歡就好!

今月出公司雙糧, Department 亞頭請食飯!
一致舉手去火鍋, 亞頭話有間唔錯. 於是浩浩蕩蕩來到銅鑼灣.
上到樓面到門面裝橫不錯, 內裡格局也有四正.
經理見我地咁多人, 俾房我地.
亞頭二話不說, 落兩個湯底: 豬骨和麻辣(小辣)
然後我地係張紙見有咩配料幾乎都點了, 皆因亞頭埋單嘛!

亞頭仲好豪氣, 點了象拔蚌刺身同埋桶蠔俾我地.
見經理拍心口話象拔蚌好新鮮, 一試果然, 仲好爽口,
無論淨係咁食定火鍋灼熟都非常好食.
桶蠔好大隻好肥, 食落無沙, 仲啖啖肉, 好有蠔味, 唔錯!

食完貴野就食火鍋必吃的肥牛, 雪花好平均, 勺一陣就食得, 食落很重牛味.
另一個我最喜歡的, 就是墨魚滑.
話說之前外出火鍋食過臭腥味的墨魚滑, 真係怕怕.
今次見同事食完讚好才敢試.果真無錯, 新鮮又彈牙!
最後要翻兜叫多碟.
我地仲叫左:
鴕鳥肉 - 很滑
珊湖蚌 - 爽脆
豬潤 - 都ok滑
雞子 - 同事話好鮮(我唔食架!)
粟米 - 粒粒都好大粒, 好甜
芝士牛丸 - 推介一試, 幾特別, 好味
蟹子包 - 好多蟹子, 好過癮
芝士腸 - 餐牌寫明是金妹牌! good!
還有炸響鈴, 雲吞, 一堆丸類...... 其實都真係叫左好多野食.

今晚我是主攻麻辣湯, 這個湯真的很讚, 在外面吃麻辣火鍋很多,
但通常是只辣不麻, 但這個是很中度, 麻而辣, 剛剛好.
豬骨湯都好濃味, 仲有少少胡椒味, 暖胃.
我個女同事仲特登裝左一碗淨飲同食豬骨
經理搭訕話個湯落足料煲十幾個鐘, 先咁濃味. 不得了!

今餐食得開心, 當然因為有人請,
但亦因為野食夠新鮮好味, 又可以舒舒服服咁成班同事飲下啤酒食下野.
呢度d侍應都好友善, 有傾有講, 家陣好少遇到咁好服務.

可惜既係, 由於亞頭係度, 唔好意思咁張揚影相放上黎.
不過我會翻轉頭再食, 下次帶屋企人黎, 再影過.

晚上和同事FAREWELL後意猶未盡, 決定食糖水,
同事力推"甜姨姨", 於是行去天后拜會一下.
店內坐無虛席, 唯有等等, 五分鐘後有位, 算快.
店內裝橫不及門面的精緻, 似入了舊區街坊老舖一樣,
和鄰枱的空間很少, 免不了有踫撞.看餐牌已知此店想打親切牌, 侍應們確實又很有禮貌.
因尚未消化晚餐, 我點了一杯香濃豆腐杯.
飲落口感是好"杰"的豆漿, 但味道不太甜, 但不算好飲. 不過飲完我更飽
同事叫了一份豬排包.
糖水店食豬排包? 恕我大鄉里, 未聽聞.
看賣相是餐包夾豬肉, 但非常多汁, 很香蜜糖味,
雖然飽也切了一細件試食, 好好食! 豬扒肉夠腍, 面包外脆內軟!
此位甜姨姨確實有兩度! 讚!

最近心煩氣燥, 朋友特意買來一包外表可愛的鳥結糖給我.
單看包裝已心情愉快, 嚐了一口, 很想咖啡味, 甜度剛好,
而且有米通在裡面, 煙韌得來又脆脆的, 很過癮.一口氣吃了三粒, 實在停不了!

傳聞是沒有錯, 此餐廳出名的不是食物, 而是時間.
等左一陣就有位, 入到去有如上戰場, 侍應說話都特別急和快.
我在無法詳細考慮的情況下, 點了常餐.
落單後不消兩分鐘, 全部上齊! 好強勁的速度!
不過, 當然如此快餐, 味道麻麻.
多士肯定是一早整定的, 不熱都算, 還是不脆, 似食油浸方包.
炒蛋OK, 蛋很滑!
意粉也算合格, 只是份量很少, 我個人不夠吃.
侍應仍舊是以強勁速度, 很快收走了我吃完的杯杯碟碟.
本來想叫多一份蛋治, 但感覺他們很想趕我走, 還是轉移陣地.
食物雖然是一般, 但見識到充滿香港人特色的茶餐廳, 滿足.

難得可以和媽子午餐, 於是去客家好棧飲茶, 兩個人, 三籠點心.
此茶樓水準一向中等, 我本人至愛燒賣, 大大粒蝦很爽口, 吃得開懷!
鳳爪就一般, 咸了點, 不太出色.
媽子今天點了一樣平時少吃的糯米飯, 想搞搞新意思.
上枱時見用一個盅盛著, 用湯匙一淘, 嚇呆了, 盅底的糯米飯全部是油浸的.最後, 我們唯有隔一輪油, 勉強吃了幾口...

放假實在很HEA, 不過晚飯一定不可以HEA!
媽子說懶得煮飯, 想落街打邊爐, 兩個人難道要去酒樓嗎?
最後帶她來吉野家. 大鄉里媽子首次知道吉野家有牛肉飯之外, 還可以火鍋.
孩兒不孝, 以後多點帶媽子見識下世界.

我們一人一鍋, 一清湯一番茄湯.
媽子見小小鍋內竟然有如此多配料, 非常高興.
但她似乎不太喜歡芝麻醬, 唯有益我.
我喜歡來吉野家火鍋多於外面的任食火鍋, 至少牛肉是有保證的!
而家吉野家是加湯, 外面的火鍋是加清...水!
我本人認為最聰明的食法, 就是煮到最尾, 湯最濃的時候, 落白飯入鍋煮一會,
白飯完全吸收了湯的精華, 棒!

常常和朋友來吃,貪他平和任飲可以打躉.
今天朋友生日,我們還買蛋糕去吃.當然要付切餅費,不過無所謂
我們一行七人,等位較難,差不多等了45MINS,附近又沒有甚麼商店,唯有買雜誌消磨時間.
今晚的食物都是叫PIZZA,雞翼,意粉,田螺
我很喜歡雞翼,我們一共叫了四碟,哈!
田螺也很不錯,不過很多油,要隔油才敢放入口...
PIZZA和意粉很一般
BUT我們今次試了墨魚汁意粉,賣相很粘,黑麻麻的很不開胃
但味道卻不錯,很香蒜味,但略嫌份量太少,不夠喉.....

天氣轉涼仍不減興緻, 一於來個透心涼的幻彩明珠!
一個人吃糖水有點毒, 但我愛即興.
幸而適逢閒日, 毋須等太久.
其實來松記從來不會吃普通糖水,
聽到隔邊的亞姐吃著馬蹄露, 勁彈松記不外如是,
暗笑: 唔識食!
我愛幻彩明珠加花奶, 香滑, 水果算甜.
不過冷氣若可調低一點, 會更享受.
真心講一句, 松記確實沒以往的好吃,
這也是香港眾多出名食店的敗處...