見到700幾個好味諗住無死啦，點知果然係我太天真🤦🏻‍♀️2個人lunch食$500都算，打卡able既餐廳貴d都正常，人地比心機擺盤都值得回報，但真係得個靚字完全唔值呢個價！

我地叫左個虎蝦金邊粉，有兩隻蝦都算大隻，不過霉嘅🤮。。。成碟嘢濕淋淋，完全係茄汁燴金邊粉咁，無甜味，豆腐乾又唔切絲，d炒蛋又勁大舊，蛋還蛋，麵還麵，餸還餸咁，唔講真係唔知自己食緊泰式炒金邊粉。。。😐
然後仲有個蒜蓉炒椰菜，又係濕淋淋嘅，仲要一粒蒜都見唔到，淨係得面頭嘅炸蒜碎，可能我見識少，真係未食過有汁無蒜嘅蒜蓉炒菜。據聞大陸好興用豉油炒菜，又係炒到濕淋淋咁，老老實實你講明係fusion大陸街邊菜我會冇咁嬲。。。 跟住係香料牛肉咖喱，d牛肉唔知有冇沙嗲牛麵咁多，成碗都係蔬菜，fine，我唔太食肉菜多都啱我。其實個味都唔錯👌🏻，香料重到一個點，絕對對得住個菜名，我可以接受嘅，不過我男朋友話食到好苦，不過個人口味可能有差別啦。個咖喱偏杰身，送飯應該幾好，不過我唔食飯，所以叫咗油酥薄餅，講真，成餐最正常就係佢，好食嘅。😋 嘢飲我叫咗冬陰「公」梳打，點解要括住個公呢？因為公係泰文係蝦咁解，我真係一心諗住試伏先叫，點知係我諗多咗🙈，原來只係呢間泰式餐廳濫用咗冬陰功3個字。不過老實講，味道ok嘅，辣辣地甜甜地，完全無冬蔭味，你當自己飲緊梳打version嘅bloody mary咁都幾得意嘅，同埋都叫打卡able。
btw，好彩我男朋友叫咗可樂，最後可以浪下個口。 結論係，請我都唔會再嚟，始終我食飯真係想食嘅。不過個人口味嘅嘢真係好個人，只係如果想食好食又會比呢個價錢，其實有好多選擇。

呢間舖真係好過份！ 點解d野食可以咁好食？？！！ 點解可以有咁多種類既特色咖啡但咁平？？！！ 點解我晚飯時間7:30去食可以坐唔滿？？！！ 點解d員工可以咁有禮貌？？！！ 點解淨係收現金無卡機要同我講唔好意思？？！！ 係咪痴線架！！ 係鹿鞍山呢個沙漠有呢個質素應該要上市啦！仲要係一間有良心嘅餐廳！😭 人泥！！快d去食爆佢！！ 講返嘢食先～話說我哋一行三人叫咗一份鹹蛋黃單骨雞翼、一份韓式炸雞併窩夫、一個巴馬火腿三重芝士pizza、同埋一個熔岩芝士原條鰻魚飯配蝦串，一人一杯嘢飲，但嘢飲同Pizza唔記得影相😢 個單骨雞翼超驚喜，雖然係炸又鹹蛋黃但係又唔會好膩，一開始就上呢一個真係一陣風就冇晒，因為實在太好食，但係我哋都忍住唔encore😂唔想眼闊肚窄😅 之後上個韓式炸雞，又係一個新驚喜，炸雞唔錯，我鍾意嗰醬比較偏甜，初初以為併窩夫又咸又甜會好怪，但完全唔會，個窩夫係比較硬實嘅類型，但其實脆脆地又好好食😋 之後嚟咗個Pizza同鰻魚飯，個Pizza好脆好薄，巴馬火腿份量正常，呢個配搭我覺得有少少偏鹹，但如果係比較鍾意重口嘅人應該覺得啱啱好。個芝士鰻魚飯勁飽肚！我唔記得嗌小飯⋯⋯最後個飯係食唔晒嘅😅如果女仔叫記得嗌小飯🙂不過條鰻魚比較多細骨，食嗰時要小心啲。但整體兩個主食都唔錯，個人推介pizza！👍🏻 我哋其中一個人叫咗特色咖啡山度士，聽佢講係超好飲而且好抵！我唔太識，但下次我都會叫啲特色咖啡嚟試吓😉

最近NTP真係開左好多新餐廳，咁話晒係沙田友就緊係要遂一試晒佢啦！ 話說早係Mimila岩岩開個陣就已經想試下，不過略略參考過食評之後決定都係等一排先 原因係我相信每間新開張既餐廳都要d時間適應先可以穩定返個水準 OK，唔講廢話，講返野食！ 今次同細妹2個放工諗住shopping，所以快快趣食個麵就OK！本來想去食台灣麵既，不過唔想等…所以就泥左Mimila 一上到7樓，竟然！未到半滿！心諗會唔會堅係伏呢？但係都係係為求有d野落肚就去行街就是但啦~ 我地一入叫左個麵，我加多左條魚肉墨魚卷，食落真係幾好食，仲好大碗，一定夠飽！ 馬來辣蝦湯麵(油麵) 蝦夠多，湯夠味！ 麵質都唔錯，唔會好快就林晒！好食！ 咖哩喇沙手撕雞湯麵(檬粉)+魚肉墨魚卷 咖哩味夠，不過唔辣 手撕雞都唔少，正常份量 魚肉墨魚卷好好食！$12有d貴但係都推薦架泥試下！ 不過由於檬粉好吸湯，食到尾差唔多無晒湯咁滯… 總括泥講係唔錯既，不過呢個價錢我又覺得可以食到更好咁lo…

話說公司附近有條韓國街，d韓國餐廳多到唔記得食過未…
最近收到O'Taste既傳單，望落唔錯！價錢又平！擇日不如撞日就試下佢！

佢有勁多野揀，但係每樣都想試！
所以我要左個便當，有韓式飯捲、辣炒年糕同炒粉絲！呢個combination真係無敵！

L13 韓式飯捲+辣炒年糕+炒粉絲便當
飯捲似似人手包，唔會機做咁實，味道適中，唔會滯口
年糕唔太辣偏甜，質地好實正，好似比平時熱食個d硬，所以都幾郎胃
炒粉絲真係不得了！雖然比較油，但係味道一流！佢得個一格仔真係好唔夠喉！！之後隔2日又心思思叫左個韓式飯捲做lunch，可惜無晒辣炒豬肉…咁就要韓式烤肉啦
點知佢比錯左原味我…差$8…咁都係我自己無睇清楚既…下次小心d先得

R5 原味韓式飯捲
其實就係便當入面個條，減肥食應該幾好！外賣紙：

其實一早就想試，話晒係名古屋名物~
睇過下食評都大概心裡有數，不過作為一個為食妹點都想自己試下先死心 XDD 我地2個人叫左3樣野同2杯野飲 首先係必食名物：夢幻雞翼 味道泥講其實唔錯，夠重口，送酒應該好適合！不過如果好似我咁就咁食就覺得只係撈左一堆味粉上面…太鹹… 而且隻雞翼好瘦…炸到有d乾…唔差既~但係一定唔叫好食lo 跟住係真心推薦既味增烏冬鍋，呢個就好好食wo！味增夠濃，烏冬又唔會林晒，配料吸左d味增湯好正！ 最後係吉列火腿扒，講真加埋個sauce幾好食，不過唔知點解塊火腿可以整到咁乾…um....但係又唔太影響味道既~不過不失咁啦~ 野飲方面叫左維他命力量(櫻桃汁+西柚汁)同可樂，個可樂明明問左係罐裝先叫…點知係杯上…仲要$28…有d被騙既感覺… 杯維他命力量，唔可以話難飲，但係我期望會甜d…同埋一d櫻桃味都無…只係一杯多冰西柚汁… 講真d野食咁鹹你比杯咁既野我其實同水無咩分別… 總括泥講，味道就不過不失，但係無想像中咁好食，如果想同朋友飲野吹水都不失為一個好地方！

每次同男朋友做完Gym佢都話肚餓要食野，咁我就緊係忍口啦！次次淨係叫米紙卷就算…今晚終於唔係做完Gym泥食啦~~就一定要試下d粉麵啦！ 越南野我不嬲都鐘意食，呢間都可算是我食過咁多間最好食既！ 呢個鮮茄牛坑腩朦真係不得了！湯底鮮甜不特止，牛坑腩林得泥有咬口！雖然係鮮茄但係蕃茄味唔會搶，相反仲帶到紅蘿蔔同洋蔥既甜味，加埋d香料味真係可以成碗飲晒！牛坑腩唔係林到入口散散地個隻林，係真係要咬但係唔會咬唔斷個隻！我詞窮唔識形容，最好自己去試下！就會明白咩叫彈牙有咬口！(我唔排除只係當日食材好所以咁正，但係值得一試！) 絲網春卷雖然係送既但係都係好好食！唔好煎炸野既我都會破例清左佢就知果然有料到！(一個餐送2條，我同男朋友一人一個餐所以呢到有4條) 特飲跟餐+$6，我要左三色冰，不過無乜特別，入面有d芒果啫哩酸酸地咁唔係幾夾…下次唔會叫
另外仲叫左馬拉盞炒通菜，不過偏咸，唔太推薦。

去樓上cafe除左hea下同打機之外，食物質素都係直接影響我會唔會再去既重要因素！平時為左打機都係會去旺角，方便就腳之餘選擇都多d，點知原來荃灣都有個咁好既地方！ 環境 首先位置方便先啦～～室內裝潢都非常舒適！而且仲好新淨～整體感覺好乾淨～ WIFI 夠快可以打機（不過我打Splatoon有1次斷線情況） 洗手間有少少異味不過都尚算乾淨，人多嘅時候我擔心可能未必keep到。。。 食物 本來同男朋友諗住散嗌，點知老闆（應該係）過嚟介紹返個套餐（唔記得價錢，好似$80+），一個主食加一個小食再加一杯野飲～  雞扒無雪味～意粉煮得啱啱好！男朋友話好食～所以抵讚！
夠熱，不過有d太細隻。。。蘑菇芝士餡有d少。。。 好飲！唔似其他cafe個洗碗水咁…

我哋一行4人，又要食嘢又想傾計，仲要等下呢個等下個個，冇兩三個鐘都真係唔得掂。。。

見呢間都幾高分，又係旺角就到大家放工唔太遠，就落booking～

我哋因為唔想用腦，所以要咗個M1 Party餐，有沙律、3個主食、3個小食仲有甜品，飲品任飲。

$128一位再加一，都算平，嘢食唔算特別，不過都唔錯，個雞翼超正！可惜未影相就已經食晒。。。

嘢飲唔好有期望。。。好過無咁lo～

諗住新開就泥試下，野食未到就一肚氣！
落錯單、漏單嚴重！一排台6個、4個錯單⋯
其他人食完我碗粉都未泥到！
仲要死唔認錯！

算⋯講下d野食
叫左2個套餐，

1)鹵水拼盆+豬骨湯粉+凍柑桔話梅蜜
2)蒜泥白肉+傷心酸辣粉+凍蜂蜜梨茶

鹵水拼盆無味⋯而且份量好小…
牛肚唔夠林唔夠入味…只係得個色水…
個蛋仲衰…得四分之一仲要再分兩邊…
成碟野真係不值一提！
豬骨湯粉⋯真係完全唔覺係豬骨湯lo~
講親骨湯必定會諗起奶白色既濃湯底…
呢個只係油林林既味精水…
就算中式骨湯都一定唔係咁個囉！
凍柑桔話梅蜜…第一野係凍0茶…第2次岩
其實成杯野係凍0茶走Lemon加粒話梅…
不過算啦~到到都係咁上下…
不過呢度係特飲…跟餐加$10覺得好唔值囉…

蒜泥白肉OK⋯呢個係成餐為一可取既…
蒜味夠，要小辣都十分正常~
賣相都比較有誠意！
傷心酸辣粉不知所謂！
等左半個中同台其他人都食完都未泥
之後泥左個勁多湯同齋辣唔酸既粉我…
只係見一層紅色既油係面…
我都係要小辣，但係就覺得好辣！
同頭先個蒜泥白肉係2個Level！
真係唔知講乜好…
我杯凍蜂蜜梨茶…
第一次係熱0蜜
第二次係凍0蜜
第三次係凍蜂蜜柚子茶…
都係凍0茶走Lemon加柚子醬…
我都真係費事再換…拿拿林食完走！

催單個陣個阿姐淨係識得話整緊，比d誠意都入一入廚房呀！無！
埋單$110…真係好貴lo！
個人覺得完全唔值！

真係不能知道他的所謂…

適逢公司Pantry裝修~無雪櫃又無微波爐⋯同同事出去食~鰂魚涌真係乜X都貴⋯閒閒地都五六十⋯同事發板話食泰國野~就跟隊去啦~

勁多人！不過Lunch hour搵到間無人既都唔會去食啦~幸好等左10分鐘就有位~

同事話什錦河好食~不過我又想食飯wo~所以叫海南雞飯~衰極有個普呀麻~賣相都唔錯~不過d飯就⋯

飯有d爛又有d硬⋯一定有隔夜飯！雞OK~都算滑~個湯唔飲無損失~係個sauce好味~加$2叫左凍0水~勁甜⋯

不過$44⋯算啦~想又平又正睇泥最少要比double⋯