朋友生日食飯,叫左一枱都係野食,因為價錢真係好抵,而且冇將貨就價,以呢個價錢黎講可以話係好高質素
叫左幾款小食,都係三四十蚊,試左雞亦(正),白酒青口(仲正,個SAUCE好好味),薯角(好難唔好味)
最正係個PIZZA,佢用好薄好脆類似墨西哥STYLE做餅底,所以即使CHEESE同料多D,都唔覺漏,而且價錢實在太平喇,只係五十幾蚊
MAIN COURSE叫左羊架,我同朋友一個叫7成,一個叫5成,廚師都掌握好準確,我個5成D肉質好嫩滑,好味。跟住仲有個三文魚,平時食三文魚扒都會鞋,但呢個表面睇上黎似鞋,但食落又唔會WOR,仲有D嫩TIM.
總括黎講呢間餐廳抵食,而且好食,值得一試

好耐冇打過食評,難得可以係八吉試咁多新野…
先寫彈個方面:
Chu Toro(HKD260): 好唔CHU囉,佢既質素只係比TUNA好少少少少,千X同板X好佢多多聲(而且平一截)
輕燒和牛(HKD200):睇相同現實真係差好遠,首先個SIZE,現實只有相片既3成大,又薄又細塊,再講外表,6塊其中有兩塊好似D邊邊位咁,總之賣相極不討好,無論放係高級低級餐廳都會係接受唔到(除非佢賣HKD50),不過中肯D,個味係OK既
原隻赤貝(HKD 150/2隻): 我地叫左4隻,但來到既份量好似得2隻咁,已再三DOUBLE CHECK WITH師傅,真係有4隻…我地O晒咀,我絕對信任呢間野唔會呃人係4隻,但係真係好細囉,個WAITER解釋番話呢水真係細左D,每客減20蚊…<<我唔係想平呀!我要質素呀!!!!>>
好食:
北海道海膽(HKD480): 好鮮甜,不過好食應該係應份的
海膽伴芝士墨汁多士(HKD1XX百頭): 海膽好似SAME AS ABOVE,PORTION唔細WOR,我地話,如果叫4份呢個,分分鐘加埋D海膽會多過一板咁叫(仲唔洗HKD 480 tim)…個多士我超LIKE,雖然有D淋(個人PERFERENCE唔LIKE超脆),但個芝士牛油味超濃,配少少墨汁味好夾
芝士舞茸OMELETTE (HKD XX): 個旦好香,幾滑,but食唔到舞茸味(得好少)
SALT味曲奇雪糕:個人口味好LIKE,其實係雲呢拿味,內有粒粒(應該係曲奇卦),d粒粒好好食
其他:
喉黑魚刺身(HKD 700),佢只係比其他白身魚香少少,油份多少少,(一般白身魚味道都係好淡),d味唔會係好outstanding一試難忘囉. 呢個價錢我會寧願用黎食TORO囉(不過唔係呢間食),不過未試過試下都OK
蔥TUNA墨汁多士:蔥TUNA好食,不過我覺得同個包唔多夾.
炸魚子昆布:好一般,冇乜味
牛舌 / 薯蓉 / 盧旬卷 / 鰻魚飯 / – OK,唔錯,鰻魚飯個PORTION幾大.
4個人食左3200大洋,揀呢間係因為款式多而且以為質素有保証,但原來普通,評價係試過就算,唔會番卓

作為雞煲痴既我,可以話食勻全九龍雞煲(因為我好少去香港區的),昨日難得去北角搵朋友,咁都比我遇上雞煲,好,就試下香港(區)掂唔掂先…
雞煲一上,已經聞到好香,食落D雞好嫩但又好入味,好多時出面D雞一係好鞋,一係就冇味,呢個恰到好處,難得!而且唔係十分辣,有時會食到尾覺得好辣頂唔順,呢間D麻同辣比例岩岩好,食到尾都得,而且唔知佢用咩香料,朕味好香,唔似有D出面差既雞煲,一味得個辣字,呢間都算係我食過咁多間之中既頭3甲.
之後再加湯打邊爐,D味仍然香濃,不過配料都係普通野,其實唔使食到咁靚既配料,最緊要係可以索到D湯,食個味就OK,總括以上,呢個雞煲係掂既!!
估唔到我難得過海,都有意外收獲,相信我以後會多D探呢個朋友,哈哈!!

雖然成日黎澳門,但都成幾年冇食過,成日都要排長龍,今次一行8人都等左成半個鐘先有得食
首點當然係水蟹粥兩大鍋HKD 150 X 2,今次食又唔覺有咩咁特別,個人認為個粥底太稀,唔夠綿,不過個味就OK啦.其實煮呢個粥冇咩TECHNIQUE,好食係應該的,而且佢唔係超好食...

椒鹽鮮魷好食,個炸粉上得薄又勻,魷魚都好爽口,好味!

例牌炒伊面,份量小得可憐,而且淡而冇味,好似食橡筋.

再叫個招牌鯪魚球及墨魚丸,前者我冇食到,但D FRIEND話冇以前咁好食,細粒左,而後者我就幾鐘意食,我覺得幾重墨魚味,而且有一粒粒咬口.

蒸雞,我都係冇食到,D FRIEND話好差,冇雞味又鞋,好在有個雞精朋友先可以將佢KO

到戲肉豉汁蒸鱔,價錢係11蚊兩,簡直係天價,不過黎得就唔爭在食埋佢呢個招牌菜,侍應問我地要一條定半條,今餐先至係黎澳門第一餐,仲有排食,半條就OK啦,點知一上菜,個大碟上鋪滿鱔,連個邊都冇位淨,真係拎都拎唔到咁滯,但舊仲有約1.5CM厚,超重火力,未食已FEEL到漏,我食左人舊都夠,D FRIEND夾硬食成3,4舊都仲有淨,已經心知不妙,埋單一睇.....居然成440蚊....嘩,食條班仔都得啦,而且個度成2.5斤,咁一條咪成5斤,蛇定鱔呀大佬?我覺得佢諗住我地咁多人就夾硬整咁多比我地囉,又唔會係未整前拎出黎比我地睇下,又唔話比人聽有幾重,基本上幾重都係任佢UP,一黎就整2.5斤,根本就食唔晒,講真,個肉質係唔錯,但個味好淡,佢整咁厚肉又唔落重味,失敗! 收得我4舊幾水都做唔到PERFECT實在太差,應該唔會再去,再去都一定唔會叫鱔,明比人昆水...

總括黎講呢間野係專做旅客生意的,大家明啦!

有客請食飯,我冇睇過MENU,唔知咩價錢,但D野食水準好高(此餐搵來日本食材BUYER張羅,唔知會唔會好D),因為食左太太太款,所以只會節錄好好食同麻麻地既野
飯前小吃有幾款,日本番茄最好味,好甜,好清新
隔離店同集團既芝士PIZZA,超好味,係好傳統既薄批,加上我係CHEESE LOVER,十個讚
到上刺身,有帶子,TORO,蝦同海膽,仲有魚鮫TORO(剛剛睇完張智霖做既日本料理劇集介過,就即刻食到..呵呵),真係超超超正,極度肥美,入口即溶,好食過TORO3倍(不過有D漏)我食左3大塊,而TORO只食了兩塊(死啦,以後食唔番唔知點算),真係一試難忘!!!!!!!另外蝦都好正,一般蝦會有少少滑"SAN SAN",但呢個一D都冇,好爽,反而帶子同海膽麻麻地,唔係唔好食,不過D味好淡...鐵板燒出場,鵝肝已分好晒(即一件分幾份上),唔得,老左,唔夠厚唔夠FULL,可能我分左個邊位...羊架都係唔得,冇乜水準,最有驚喜既真係估唔到,原來係鰻魚,普通店會同鰻魚汁燒甜甜地,但呢次只係用鹽燒,真係好好好味,係第2名,用鹽燒真係完全帶到魚味同鰻魚既肥美,平時用汁其實蓋左D鮮味,所以我都好LIKE IT!
其實中間都食左好多野係幾好食的,但實在太多,不能盡錄,唯有快帶上甜品.
黎左個甜品拼盤,唔係好OUTSTANDING....最好味係靜崗蜜瓜,我平昤係唔食蜜瓜的,但呢個真係好清甜,令呢餐劃上完美句號

兩個人食唔叫得好多,但所有野食都幾好
串燒:
豬肉車厘茄,選用較細粒茄,冇平時食咁酸,但個人認為煙肉既漏正好同茄既酸BALANCE,所以呢個味唔係好出,可能出面街都可以好食過佢
三文魚腩,好肥美,皮脆肉肥,正
我至愛牛舌,其實幾好味,燒得恰到好處,不過唔係好夠牛味,都係嵐X好食D
牛油冬菇,唔錯
熱葷:
ANGUS鐵板牛OK啦,唔係貴野唔要求得咁多,AT LEAST要佢5成熟做到,係冇咩牛味
黑椒雞亦,好好好味,D味好出好惹味,正!
明太子蝦,本人好LIKE明太子,所以實好味
鐵板牛腸,我不嬲都唔鐘意食牛腸,食左一舊,但都唔可以嚼唔到卦?而且個味淡左d,
最後到我至愛既明太子飯團,好味!好多明太子,唔使落豉油都得!

係毫無準備之下叫就入左黎食LUNCH(其中一個朋友食過話OK)

大家都勁肚餓,勁叫野食,當中可能會寫漏都唔出寄

牛尾湯,唔好飲,冇牛味,只有茄膏或者係罐頭蓄茄湯味,不值一試

馬介休球,外脆內暖,著蓉細滑,不過個人認為馬介休少左D,不過都好過出面有D咸到死

葡式炒蜆,D蜆好細隻,不過個味好濃好味!

葡腸,之前食評有D人話唔好食,但我覺得好好食WOR,皮有D脆又香口,可能我食得咸,不過D FRIEND都話好味WOR...

葡國雞,我冇食D雞,不過D薯仔好好食,好粉,不過個味就普通,唔算好OUTSTANDING

燒牛肋骨,好食,D肉好嫰又唔UN,好有牛味

黑椒豬手,個汁好濃好正,整得唔錯

葡式唔知咩羊,D肉好淋,有少少少少SO,(不過都係個句,如果一D都唔SO不如唔好食羊),個汁都好好味

蒜蓉包,唔係好夠蒜蓉味,不過D DISHES有好多汁,用黎點汁就PERFECT喇

呢間餐廳D野食係OK的,不過個人就覺得唔係最葡式地道,但D口味係大眾化都接受的,所以唔應該講到咁差,但如果諗住食勁地道葡菜,就未必係首選,但係總括黎講都係幾好味的,而且一D都唔貴!

剛係澳門回港,應朋友意思特登行左半個鐘黎食飯(因為唔識路),不過都係值得的

,入到去個裝修古色古香,好有風味,再望個餐牌都幾經濟WOR,先叫個例湯,分到10小碗都係38蚊,超平,仲要係老火湯...

我地叫都係家常小菜,但都好有驚喜

栗米班塊,班塊有口感,唔好好似出面薄CHIT CHIT又厚粉,D汁都好夠,一碟有成10幾舊

咕嚕肉,D肉好爽唔鞋有少少肥膏,而且又係薄薄的粉,好食!不過略嫌D味唔係好夠,而且汁少,不過已經比出面好多食肆好食,

雞旦焗魚腸,我夠膽講係近年黎最好食的,魚腸夠FULL,陳皮夠香,但又唔會過多蓋左魚腸味,一D都唔腥,總之成個味好平均,好好食!

瑤柱扒豆苗,又係幾十蚊大大碟,你唔好EXPECT係豆胚冇莖,但個分量真係超抵食,比出面多一半都有

米酒雞一黎就聞到好香,D糯米飯墊底亦好煙UN,不過就雖有酒香但欠缺咸味,D雞我就冇食(已經好飽),D FRIEND話唔錯

沙爹粉絲帶子煲,呢個就麻麻地,沙爹味唔夠,不過粉絲都整得唔錯,唔會餬口,但你幻想下大量粉絲加10幾廿粒小帶子,感覺好寡,而且兩者味道唔多夾,加上D帶子彈牙到好似魚旦咁,怪怪地

12菜,顧名思義即係有12種菜係入面,我冇去細數(如西蘭花,菜心,芥蘭,姑等等),不過好多芥菜,唔係咁多人鐘意食,所以食之前問清楚好D,不過個PORTION真係超大,仲可以飲埋D湯都只係58蚊,如果岩食真係叫得過

最後上個蒸魚叫"將軍甲",起碼有斤幾重,D魚係冰鮮的一條條放係出面標好價錢任你揀的,阿姐話係咸水魚,我地唔識,即管試下,D魚質就唔係好滑,但魚味搭夠,係大家都好飽既情況之下,都食左8成

總括以上,呢間小廚絕對係抵食夾大件不特止,仲要係好味,亦令我明白到家常小菜要整得好食唔係咁易,起碼呢間既咕嚕肉同班塊都好過好多鋪頭,8個人埋單都係9百零蚊!但切記個PORTION真係好大,最好人頭"N - 2" 咁黎叫就唔會徙

叫左個48蚊龍蝦燒,燒得唔錯,唔會過老,蝦頭都好多膏,好味

另叫左燒蜆及貴妃蚌,前者太老,後者好味,所以話佢d水準唔係咁穩定

佢個牛肉串,燒魚,牛利都ok(以呢個價錢),但叫左好多食物佢都落蜜糖就真係頂唔順,我覺得雖然比客人揀落唔落係好事,但都要有自己o既燒法囉.

總括呢間野唔貴,hea下飲下大啤都ok o既,d阿姐都好殷勤的

3個女人仔食左3籠小籠包,皮超薄又唔穿(跌左落枱都冇穿到),湯又多,又夠味,而且蟹粉小籠包仲好濃tim,所以大家都encore再encore
黎到上海野我最鐘意試排骨旦炒飯,呢個就唔夠"人地"出色,唔夠d飯旦香,排骨又唔夠鬆軟入味

另外叫d小菜,味道都幾好,唔錯,埋單hkd 500左右