CHI Tachinomi (屯門)

之前食過一次，感覺良好所以同朋友再黎。鋪仔細細，座位唔算多，但都keep住有客。雖然餐牌選擇唔多，但每樣都覺得好味，免加一，食到好飽每人都係百幾蚊。
今日每人叫左個鰻魚飯餐，有個細飯，一串雞肉丸，一杯飲品。睇落好似好細，對女仔黎講夠飽。鰻魚份量唔少，入口鬆軟，平時少食鰻魚的我都覺得好味。雞肉丸外脆內軟幾好味，飲品要麥茶就係普通麥茶。
另外叫左幾樣串燒，燒雞皮，雞髀肉，豬腩葡萄卷，蜜糖西班牙午餐肉。
燒雞皮，推薦！上次食過好味，每人一串，燒得幾香同脆。唔覺得係平時肥膩嘅雞皮。
雞髀肉燒得外脆內軟，就唔算好特別。豬腩葡萄卷，熱食提子，鹹鹹甜甜咁幾特別。蜜糖西班牙午餐肉表面燒到脆脆地，唔會好鹹，就咁食都可以。
鋪仔人手少少，見佢地都幾忙，但樓面對客都keep住幾好禮貌，加分！會再去！
另外附上上次叫的大阪牛肉飯，鹽燒牛舌。牛肉飯好味，上次見佢哋好快無哂要再煮。

阿木台灣麵 (旺角)

因為網上訂左貨就順便去食個lunch, 星期六預會多人，所以11:30到以為可以唔駛等，點知門外已有10人左右正在等位。
一個人以為好快有枱，最後等左1小時。我明白店細生意難做，單人客喺我的時段，係輪一張枱，即係你前一個籌的人食完先到你！二人枱就不停入，即係遲過你到的二人籌比單人籌快好多。對此等到有點不滿，單人客去前要三思。
講返食物，叫左紅燒牛肉麵+黑糖珍珠奶茶。牛肉好淋好厚，點自家製的麻辣醬好味。麵有咬口唔會好淋，湯好味！值得食！黑糖珍珠奶茶，珍珠有咬口，如果有d甜味會更好，奶茶唔錯。一個人都食到好飽。
總體食物唔錯，店細坐得比較逼，等位安排對於單人客比較差。

Odelice! (尖沙咀)

約左班friends食飯,前一日(26/12)見呢間仲有得book,又有唔少like就試下啦。
book左7點, 朋友們準時坐低,我稍稍遲到7點3去到都見仲有位。

朋友們已經揀好食咩,因為當中有人唔食牛,咁就主要想叫海鮮類,
我地打算叫煙三文魚小米沙律,龍蝦燴飯,法國黑青口,烤雞蒜香鯷魚橄欖意粉。
點知職員同我地講,因為之前聖誕關係,menu上有好多都無貨,
佢講得非常快,我地大概知道基本上海鮮都無...
即係龍蝦燴飯,法國黑青口呢2樣都唔會有...
得返肉,而最多就係牛...
我地都好無奈,因為朋友們坐咁耐都無人同佢地講,
唔落order都唔講,感覺有d焗人入座之嫌...
唔食牛的朋友更笑說menu有7成都無得食。

最後叫左烤雞蒜香鯷魚橄欖意粉,牛油果漢堡,嫩煎鴨胸野菌燴飯,煙三文魚小米沙律, 松露薯條,
其實食物味道都唔錯,除左烤雞蒜香鯷魚橄欖意粉,除左雞全碟都好鹹,可能因為有鯷魚啦~
牛油果漢堡的牛油果,牛油果專家話好味XD
唔食牛的朋友就只能食薯條,包,菜,
松露薯條唔知係咪因為喺表面落左油, 比較淋唔夠脆,
嫩煎鴨胸野菌燴飯,煙三文魚小米沙律都唔錯。

我地食的途中都聽到隔離枱有同樣情況,
想叫的都無,
建議餐廳可以喺入座時先講今日會有咩無供應,
咁作為客人的我地就唔會有hard feelings囉!!

節日後去的朋友記得先問清楚!!

小肥牛火鍋活魚專門店 (灣仔)

萬聖節選擇左打邊爐~
一行6人點左火焰醉蟹牛柳粒湯底,
睇見阿姐點火炒材料,個個都不禁拎電話出黎影影影~
等齊人期間,我地係咁食d蟹,牛柳粒,都幾好味~有D酒味~
我地叫左d生牛肉,炸腐皮,肥牛,四寶丸,墨魚滑,蝦滑etc...
不過唔知係晏是定真係太好賣,8點左右好多刺身都無哂..
點菜紙上面都好多野無..連秀珍菇都無...OMG
係有d掃興..
不過炸腐皮真係好好味,浸10秒拎上黎食,正~聽朋友講係即叫即炸ga!
所以食完再叫!!
d墨魚滑蝦滑整到好靚,蝦滑仲有一粒粒ge蝦,好爽口~
另外,叫左個活蝦刺身,黎到d蝦頭仲識郁ga!!蝦好爽口,點個類似泰式辣醬,辣辣地好惹味~
果度ge啤酒$20 3大支好抵飲~都易入口~
仲有,每2個人可以叫一碟$10 ge肥牛,好細片咁圍響碟,但外表唔差~咁ge價錢仲想點~
酸梅湯就一支支上..甜左d,不過飲完啤酒再飲,就好順口~
成晚嘻嘻哈哈,又食又講笑..過左一個好開心ge萬聖節!
埋單每人$175~個個都食到飽

山田壽司刺身外賣店 (屯門)

前排星期日lunch同d細佬妹3人落去試,
之前細佬已經食過外賣,覺得都ok~
落到見到有2pair人等緊,最後等左3個字,佢問我地介唔介意加櫈坐2人檯,
佢鋪仔細細,再等真係有排先有得食~所以就ok~
我地3組人同時入座,所以一下子增加左佢地ge workload~
入面大概有3人,2個廚房1個落單~後黎見到仲有個負責送外賣~
我同細佬都叫左個壽司拼盤,包炸物同荔枝紅茶~$33@
細妹叫左個炸雞扒拉麵,包2件加洲卷同朱古力特飲~$32@
飲品就最早到,飲飲下見到入面有d一塊塊黑色野飄下飄下...竟然係茶葉ge物體,心諗:唔通咁堅真係茶葉沖出黎?
細妹杯朱古力特飲其實只係美綠~
跟住就炸物加洲卷一齊上~炸物係半塊薯餅+炸春卷,味道唔錯~熱辣辣~加洲卷就應該整定ge~
之後就到我地ge壽司拼盤:有1個炸蝦手卷,2件加洲卷,1件腐皮,三文魚,煙三文魚,北寄貝..
望落去好似好少,但舊飯都幾實..所以食完都覺得好飽~味道ok~
不過細妹個麵就遲遲未黎..可能真係人手少..我差唔多食完壽司先黎~
個炸雞扒仲要耐多少少~試食過有d似吉列豬扒..因為無雞扒應有ge厚度~同埋乾左d~
隔離檯有d天婦羅都好遲先上..
不過我諗大家都明白佢地已經盡力~
如果下次要堂食,都係過左lunch高峰時間先好去~

中途有件小插曲,都算為呢間鋪仔加分!
話說我地食食下有一大班人,有中年女人亦有小朋友想黎食,但見位又無,於是變外賣自取~
有個負責落單同安排坐位ge哥哥仔已經同佢地講要等30分鐘,
雖然有個女人都好愕然要等咁耐,不過最後都話ok~
咁有人走,自然有人入~
懷疑個女人眼見遲入堂食都有野飲有小食,而佢地d外賣仲未見影就響度嘈,
咁個哥哥仔都好有禮貌咁話果d係整定ge,同埋workload大人手不足需要再等多一陣先有~
個女人依照唔憤氣,話佢得一個鐘食野,仲要等到幾時,
個哥哥仔最後就話俾5分鐘佢,佢入廚房幫手會快d,果時哥哥仔仲好好笑容同禮貌~
最後都完成到成份外賣~
難得依家仲見到有人做事態度咁好~
佢係有責任,但個女人好明顯有d無理取鬧~
你問我得一個鐘會唔會得半個鐘外賣?梗係唔會~
隔離的食客睇見都擰哂頭苦笑..大家都心照~