返屋企滿心歡喜期待咁食個綠茶味 咬一啖乜粗口都飛晒出嚟 未食過咁難食嘅puff 又話四佰幾層酥皮點鬆化點好味 實物又硬又實 自己衰貪心，未試過就買咗3隻味 因為堅尼地城真係無幾可去 見佢敢標呢個價應該無問題 點知伏到上太空 話晒$42個都吾平，吾想嘥野夜晚食個榛子味，諗住快啲啃晒去，但真係好漏，就一路食一路挖咁啲吉士出嚟，加上朱古力邊又溶咁啲喺紙巾度，感覺自己好似食緊💩 跟住今朝直接掉咗個原味🤦🏻 126蚊食垃圾，又嘥錢又嘥 quota

我係車仔麵fan屎，有新開車仔麵梗係要試喇。 第一眼看到店內裝飾，感覺頗用心思，全都是日本招財貓做主題，身為貓奴的我忍不住問店主哥哥在那裏購買，他說是去日本旅行時逐漸儲下來的。 今天試了牛腩墨丸豬紅油麵 雖然是很普通的食物 湯底都沒有其他特別，應該是清清的雞湯?因為我加了他們的自制辣汁，不太喝得出來，但還是覺得咸淡適中。 最重要是麵質很合我口味，麵很彈牙!!!這點很多店舖都做不好 牛腩夠柔軟不太肥，沒有過度調味 豬紅脆嫩 墨丸就略為細粒 可能剛開業未能應付太多飲品款式，暫時只有咖啡奶茶和樽裝飲品，新鮮檸檬茶是沒有的，但聽聞冰奶茶是皇牌，不過當日無走甜嘅我就無要到。 最後年輕店主還過來問我對食物滿意否!!! 感覺到很用心，所以很好吃，沒誇張湯底，沒昂貴材料，就是車仔麵的精粹!! 希望水準能繼續。 仲有樣野要讚，就係佢知自己舖頭細，無位比多張櫈女仕擺袋，就喺枱邊整個掛勾，真係好細心!!

首先佢應該搬咗鋪，我係喺蜆殼街(炮台山)店買外賣嘅。 試台灣菜梗係要叫牛肉麵喇。 我仲特登5叫麻辣，就咁叫招牌紅燒牛肉麵試。 外賣佢係會分開麵同湯，5洗擔心返到公司浸林晒個麵，不過我都係覺得佢麵係林咗少少。 飲啖湯先是常識吧，嘩，好夠熱，5好睇佢咁深色，飲落都好清，我就5係好識分有無味精，但我成碗飲晒都無口渴喎。 到主角牛肉出場 夠入味又夠林，5會亂搭啲肥膏吖筋吖咁比你，份量都好足，加埋啲配菜紅/白蘿蔔都好好味，如果麵口感無咁林就完美。 5知係咪新張優惠呢，仲送咗杯熱冬瓜茶，估5到熱嘅都5錯，試過罐裝嗰啲太甜，諗住熱咪仲甜?佢又5會喎，濃淡得宜，結果又飲晒!!! 麵嘅份量足，湯又好飲，冬瓜茶又飲晒，好飽好滿足吖 補充吓，環境比3粒星係因為餐廳太細，無得同朋友一齊堂食

今日無帶飯，又突然想食車仔麵，行遠少少都要喇。 好彩今次無令我失望吖 我叫咗 豬紅 咖哩魚蛋 魚腐，墨丸油麵 豬紅夠味又夠滑 咖哩魚蛋雖然食5到咖哩味，但質感5錯 魚腐係譚仔嗰隻 墨丸同好多地方食到嘅5同，佢有少少彈牙，都有粒粒墨魚(應該係墨魚)但我就麻麻地，不過5難食嘅，可能個質感變咗有啲5慣 仲有個麵好大碗!!!女仔應該會好飽!! 可惜係我圈咗腩汁，阿師傅睇漏眼無比到，同埋油麵因為我攞走，所以林咗少少，堂食應該 perfect 好耐都食5到好食嘅車仔麵，周圍去試真係好痛苦，而家終於搵到間可以再食嘅，實在太滾動喇好開心吖 **我5係堂食，所以啲評分星星我就只比3粒，因為等緊外賣嗰陣都睇到舖頭狀況，都企理整齊嘅。

同事介紹話ok，咁就嚟試吓喇，反正食過咁多間酒樓都無一間好食，我好想搵一間可以keep食嘅酒樓吖😭 啲花生粒粒脆卜卜，一定吾會係擺過夜 想試一間酒樓，梗係要叫蝦餃喇!!! 終於食到似樣嘅蝦餃喇!!! 層外皮煙韌彈牙，仲有筍架!!! 基本就係要咁，但係我試咁多間酒樓都無食到咁正常嘅蝦餃🤦 臘腸卷吾係好多酒樓有，個飽皮好軟熟 春卷夠脆又吾油膩 牛肉腸食到真係有陳皮，馬蹄，皮夠簿又滑 香茜餃有我至愛~~芫茜，梗係無得輸!!! 樣樣都即叫即蒸!!熱到辣咀!!! 星期日飲茶都有得訂位，重點係好經濟!!! 2個人5樣點心都只係140蚊!!! 不過可惜點心種類吾多，好似我至中意嘅炸野，同埋煎腸粉都無 真係美中不足。

朋友介紹話抵食，梗係要試吓! 小籠包，煎餃子，酸辣湯呢啲梗係必試架喇， 首先講小籠包，皮簿有肉汁你估講咁易?仲食到啲皮煙煙韌韌!!!呢間比連鎖店好食幾百倍!!! 煎餃子香脆又5會硬 平時食小籠包，煎餃子呢啲好多時都會有肥膩，好'漏'嘅感覺，呢間又5會，我仲食得落其他野 佢嘅酸辣湯夠酸又夠辣，我最中意佢無用豬肚整，個稀杰程度啱晒我口味 炸豬扒鬆軟酥脆又5乾，跟個醬汁都幾特別又好味 本來無期望，點知咁嘅價錢有呢啲水準，真心有驚喜 另外佢出面環境都幾好，如果冬天坐出面食都應該好feel 見前面有負皮話態度5好，5知係咪疫情關係，我去到得我2個人一枱，又無乜野喎 下次試完其他野再推薦

其實食物就5差嘅，都係衰服務喇。 講咗食物先喇，勝在夠熱，真係即整，但係我fd話佢啲野食無乜味，咖啡又淡。 咁呢啲個人口味喇，我就ok嘅。 重點嚟喇。。。。。咁一坐低就order喇，外籍侍應阿姐(下簡稱賓姐,我估)態度已經吾耐煩，吾知佢煩乜，得2，3枱人，肯定吾係忙到攰喇。 佢個Tea set加20蚊有埋甜品，我地order嗰陣一次過講埋，正常中西餐都係你食晒個main course先上甜品架喇，個賓姐吾知玩乜，drink都未嚟就叫人隊碟甜品上嚟。 我梗係O晒咀喇，跟住咪搵另外一個賓哥哥，叫佢等我地食完main先攞返碟cake比我地，賓哥哥就好有禮貌，say晒sorry話吾知我地未食main，轉頭先上返甜品。 咁其實好少事，我都無表現到好不滿嘅。 上main喇，賓姐又落錯我個order，英文7同8(餐牌上tea set編號)都聽錯，我話我要7號，吾係8號，佢仲返去攞張menu喺度眼望望，又頭擰擰咁，動作多多，比我感覺佢覺得我麻煩。 到最後都係賓哥哥serve到尾，我亦都好開心賓姐無再行過嚟。

食物嘅味道賣相都ok， 但作為一間茶餐廳，叫杯熱飲但係唔夠熱，唔知算唔算失敗? 同埋要講下佢用QR code自助落單， 其實侍應已經少咗樣嘢做 ，但仍然都係錯漏百出 雖然佢自助落單嗰度問得人哋好仔細 :飲品要幾時上/少甜定正常。。。。。等等， 但係我選擇咗都係徒然， 侍應都係喺唔適當嘅時候畀杯飲品我， 跟住到我需要杯飲品嘅時候 就發覺杯飲品一啲都唔熱。 朋友問侍應攞杯水， 佢都幾冇禮貌叫我朋友自己去斟。 咁已經唔使你落單你都送錯餐， 叫你斟杯水你又咁冇禮貌咁想點呢 ?雖然唔係貴但唔應該咁嘅服務囉。

嗰晚同朋友一行四人去食飯 ，因為多數叫海鮮就order咗支白酒 。 個侍應開咗支酒倒畀我哋 ， 我哋拎起個杯先發覺支酒冇雪到嘅!!!!oh my god!!!!乜嘢食肆竟然將枝吾凍既白酒攞畀 人客???? 最慘係同個侍應講，佢畀我哋嘅反應係:哦，唔凍呀。跟住擘大個口望住我哋 !! 完全冇想去跟進嘅意欲。 跟住再同個經理講 佢先攞一啲佢聲稱雪凍咗嘅石頭仔畀我哋用 (作用類似冰嘅物體) 畀我哋張杯酒加凍，但其實嗰啲石仔都係唔凍嘅!! 但我哋出嚟食飯唔係 求開心聚會吓，唔係搵交嗌，所以都算啦，倒剩個半支叫佢拿拿聲雪凍佢算數。 跟住order咗冬陰功湯， 呢個湯叫做全晚最好飲嘅啲蝦夠新鮮 蝦餅春捲拼盤， 蝦餅佢應該都係求其買現成嘅炸，春捲一啲都唔脆。 海南雞 ，雞唔得啲肉霉嘅 馬拉盞炒通菜， 鮮蝦粉絲煲，一個素菜炒河粉，其他就 還可以啦，味道一般但又唔覺好泰式風味， 唔太難食咁囉。 賣相又唔係話好靚所以都唔係碟碟都有影相。 同埋 食肆 嚟講收10點又真係太早，食到差唔多啲 侍應 棟喺度望住你，都搞到你周身唔自在所，以都係冇下次，除非你食快餐，食完就走啦。 另外可能佢因為新喇，環境都算乾淨，係細咗啲囉。 咁嘅食物水準，咁嘅服務質素，人均300 呢個價錢就真係唔值得啦。

香港仔呢間開咗之後成日見到有人排長龍，因為唔鍾意排咁耐所以一路冇去食。 嗰日見到 冇人排就拿拿聲入去。 服務就麻麻地啦。見到啲侍應喺度同啲熟客傾偈又唔理其他人， 不過算啦，舊區係咁㗎啦。 見佢地方尚算企理喇，裝修都幾精緻。 佢最好就係個蝦餃可以兩粒兩粒咁叫，我哋得兩個人，食四粒又飽得滯。 蝦餃味道唔錯呀，係個皮厚咗少少，但係都好ok。 跟住仲叫咗春卷，炸花枝丸~~~ 炸嘢ok嘅 ，不過花枝丸內有爆漿，唔知道一啖咬落去真係會爆到周圍都係!!! 酥皮叉燒包~~~ 佢錯誤引導啦，寫酥皮叉燒包其實係菠蘿叉燒包但都好食嘅。 排骨陳村粉 同埋個灌湯餃就伏喇， 陳村粉都係國內嘅好食，佢呢個陳村粉又凍又硬又唔入味。 灌湯餃呢，都係厚皮啦，裏面好似乜都有啲食完都唔知係咩嚟嘅。 個醋又九唔搭八跟小籠包醋囉，應該畀紅浙醋㗎嘛 兩個人食咁多嘢埋單都係122蚊，算係咁啦 如果下次去見到唔使排隊都會想再去食嘅