feimob 等級2 |  關注
 留言給此食家
|
|
排序方法：
日期 笑臉
 喊臉 
編輯推介 餐廳總分  文章形式 |  地圖形式
2023-08-18
終於滴起心肝黎試雲家啦～ 叫左小鍋米線配腩肉 再加個涼拌墨魚頭 個墨魚頭係用好多蒜末去涼拌 食完成個嘴都係蒜味 好正  $46 好大份 食極都仲有小鍋米線叫左小辣 我自己鍾意雲家嘅味道多過老闆娘 老闆娘個個係加左麻 兩者各有千秋  講返雲家先～好多肉碎 芽菜都份量十足 d配料唔會比得好少 個湯飲落口好順 唔會即刻要飲水（平時食完雲桂香即刻要買珍珠奶茶🧋沖一沖個口）自己覺得雲家各個方面都平衡得幾好 米線份量偏多 男友人都食到好飽 下次再黎試個豬頸肉  
唔係整係得墨魚頭 其實墨魚墨魚 
腩肉好入味 有d薄 無乜肥 差少少🤏🏻 
推介美食: 涼拌墨魚頭, 小鍋米線
評分: 味道 5 環境 4 服務 4 衛生 4 抵食 5
2023-08-18
《純屬個人意見 不喜勿插》 是此進食的個人經驗～（岩岩好一個鐘） 19:00到門口開始排隊 19:13 攞紙研究食咩 19:35 可以坐低等食 19:50 炸小食上檯 20:03 麵上檯 上次食左麻酸辣湯 今次想試下d新野 見到有人推薦蟲草花薑酒湯 但反而無人講過胡椒湯 今次就揀左胡椒湯配豬潤試試 胡椒湯碗底有好多胡椒粒 個湯都夠辣但係偏甜 （我自己就麻麻d甜味） 豬潤比較薄 但係無羶味 正常發揮 下次唔會特別揀豬潤食 （原來胡椒湯同蟲草花湯唔可以額外跟送 所以d送去曬朋友個碗  ）麻酸辣湯配酸菜啦辣牛腩 簡直係融為一體 同一隻味 總所周知 老闆娘個麻酸辣湯係世一所以都唔需要多講佢呢碗米線 都係個句 有時間咪排下食下 荃灣仲有好多選擇 d炸嘅小食比較特別 不過同米線分開上 都凍曬啦 
薄 有d乾 上檯時係熱嘅
魚肉實正 味道正常
應該係有用咖哩粉去醃嘅炸雞球 味道不錯 但係舊雞有d位無肉
胡椒味濃 偏甜 碗底有好多胡椒粒
胡椒味濃 偏甜 碗底有好多胡椒粒
食老闆娘就要食麻酸辣湯
推介美食: 招牌酥炸雞球, 野菌腐皮卷
評分: 味道 4 環境 5 服務 4 衛生 4 抵食 4
2023-04-20
朋友推介的玩具屋～ 本身我地book左19:00嘅，但係驚太肚餓就改左18:30 當日18點就餓啦⁄(⁄ ⁄ ⁄ω⁄ ⁄ ⁄)⁄ 行到去問店員有無得早d食～答案係有架(*¯︶¯*) 入到去店員安排左我地坐樓梯口 真係一落樓梯個個位 本身想問有無得調位 發覺張檯坐滿左就廢事問 位與位係親密接觸 介意嘅朋友 佢地好似有房book（不過唔知有無最低消費啦～） 形容下張檯係好似sushi bar/爐端燒咁 圍住個d師傅做嘢檯咁 佢哋出野食都會有個鏟遞俾你～ 仲有個味噌茄子🍆但係openrice最多12張相upload唔到🥹
好適合送酒
平時唔食嘅我都覺得可以接受
好味
好得意 第一次食 店員會話俾你知應該點食
平時食開5小嘅人會覺得辣喔 ；但好岩送酒
友人唔鍾意蠔味都食左2隻！
正常 普通
麵包好脆 好正
正正正
i like the sauce
唔知點形容，但如果你去呢間餐廳一定要試
口感一流 推介美食: 燒炸豆腐, 免治雞肉棒, 燒牛舌, 月見蟹味噌甲羅燒
評分: 味道 5 環境 4 服務 4 衛生 5 抵食 4
2022-04-17
同朋友食完晏晝 打算去呢一間新開嘅coffee shop飲咖啡食甜品 去到嘅時候已經係1:45pm 門口已經有五、六組人等候 行入去攞飛已經係68號 個時叫到48號 店員同我哋講千祈唔好行開 話我哋張枱大概4:00pm先有（要企係到2.5小時？） 望吓張飛 原來寫住過號三張就要重新排隊 隔離等候緊姨姨話 有另一個等緊嘅人過號（42號飛） 叫佢重新排隊 無奈的是 店員一早同佢講話三點先有台在先 所以人地先行開 1:30pm返返黎就過左3張….. 大家都覺得好無奈 又係店員同人講大概3點先有位 下一刻又同人講話過左號….咁到底點計算好…… 題外話 1:30pm已經望到個蛋糕櫃淨係得返一舊綠茶蛋糕🍰…. 估唔到啲蛋糕咁快俾人賣曬 其實蛋糕問題屬中等水平 估唔到咁快清曬最終 見到前面有20張枱 決定離開……去食beans算 圖片為「真」試業期間去食嘅～
評分: 味道 4 環境 4 服務 2 衛生 4 抵食 3
2022-04-15
復活節假期唔多唔少都想外出玩下 決定去長洲 預咗好多人～ 估唔到快船好快就滿咗 竟然會有同一時間加班嘅慢船🚢 入到長洲時間11點 九秒九跑去呢排大家瘋狂都話好食嘅陳通記 睇其他食評得知 呢度係要自己等位～ 去到見到有兩三張枱咁岩起身 等左唔洗5分鐘之後有位 叫咗嘢食之後第一樣嚟嘅就係茶走 茶走係奶茶加煉奶 唔落其他糖 冇想像中咁甜 第二樣嘢嚟嘅就係西多 落單姨姨會問你 煉奶定係糖漿 要唔要醬 原來係可以揀要花生醬定咖央 我哋蠢咗揀咗唔要醬  主角沙嗲牛肉米通同沙嗲牛肉麵 就等咗起碼15分鐘 我自己覺得偏鹹 見到人地話無花生粒 但我又食到少少🤏🏻 但真係好鹹 食完之後即刻飲咗勁多水  總括然而 覺得係可以一試但唔會特登嚟食 畢竟港女都係要打卡㗎嘛～ 攻略就係 除咗面之外一定要嗌其他嘢食 例如麵包🥯 如果唔係你就會飲住杯嘢飲 喺度等20分鐘食個麵
2022-4-14
2022-4-14 推介美食: 西多士, 茶走
評分: 味道 3 環境 3 服務 4 衛生 4 抵食 4
|
0次成為首位寫食評會員
食評數目
編輯推介數目
0
會員推介次數
5
人氣指數
31
留言數目
上載相片
上載影片
我推介的食評
我的餐廳
關注
1
粉絲
20
