Leonidas既朱古力係好好食 , 我之前都有講過架 , 但係從未試過Leonidas既蛋糕 , 日前咁岩行過 , 就買左幾件試下 . . .
結果 . . .

1. Apple Crumble , 個中文名叫蘋果脆批 , 其實一D都唔脆 , 又無味 , 入面以為有蘋果肉LA , 有幾粒LOR~ 大部分都係提子乾 , 咁點叫蘋果脆批ar?

2. Chocolate Banana Cake , 其實就得香蕉味 , 無朱古力味 , 咁有舊香蕉係入面都幾得意既

3.Coffee Cake , 嗯 . . . . 我諗係唔係想個客有coffee有cookies食 , 最低有舊cookies , 又加埋D開心果 , 個組合係怪 , 好唔match

可能佢地想開拓多D產品 , 但係似乎仲未做得好 . . . .

真係唔想因為佢地D蛋糕唔好令到其他客人對Leonidas印象差 , 始終因為好多人因為做慈善先買Leonidas既product.

Anyway, 加油 , 希望下一次會買到D好食既口味

親愛的係東京返左香港 , 所以呢日就接佢收工 , 同佢食晚飯
本身好鍾意食日本餐既我地今次唔知食咩好 , 因為佢係日本食到驚
所以真係好頭痛 , 又唔想食咁貴 , 又想食得特別D wor `

就六點啦 , 佢收工啦 , 仲未search 到一間岩心水 . . .
突然間對Fiat Caffè呢個字好感興趣 , 於是click入去睇大家既 comment la
發現都唔錯wor , 同埋係食意大利菜 , 所以就決定搭叮叮過去la !!!去到門口 , 仲以為去左車行 , 原來係一間主題餐廳 , 入面泊左幾部房車 , 好特別呀 !
重點係唔洗排隊 , 因為睇返之前D post話要排隊ga

服務員好好service ar , 反應好快 , 所以我地都好快決定order D咩食 lu

無花果拼乳清芝士伴白松露菌蜜糖
新鮮既無花果 , 清清甜甜 , 加上乳清芝士味道唔係重量級 , 再配合白松露菌蜜糖 , 三種唔同層次既味道突然之間好夾 !帕爾馬什錦凍肉拼盤
Prama Ham同埋Salami , 如果你好鍾意食Ham , 咁我唔多作介紹 , 因為我地清哂成碟 !Main of the day
我唔記得你叫咩名 , 但係好香牛肉味 , 個汁亦都煮得唔錯 , 我沖飲左幾啖 xoxoverall 黎講 , 雖然坐得唔好舒服 , 但係咁既錢價食都呢個質素既意大利菜 , 真係好驚喜 ! 所以臨急抱佛腳都唔係負面野呢既 !
最起碼親愛的開心

我既第一篇 , 咁就比左Leonidas = = '''

好耐好耐無行Sogo個supermarket la, 岩岩10月同朋友仔再去 , 發現好多counter都裝修左 ^ ^
同朋友行Sogo , 見到Leonidas個counter都裝修埋tim.
雖然以前成日行Sogo都會經過Leonidas , 亦都有朋友係歐洲旅行果時買左一盒Leonidas既禮盒比我做手信 ~
但係就真係未試過買佢地既朱古力黎食 ~ 呢次見佢裝修左 , 係即管睇下佢地係咩料子 !

我地企左係Leonidas個朱古力櫃度係咁望 , 店員就好NICE咁介紹Leonidas既background.
原來佢地d朱古力每星期都係由比利時用飛機運黎香港 , 仲要係每一粒都係handmade.
重點係無防腐劑 , 所以真係新鮮既朱古力 !

店員極力邀請我地兩個試食 , 而我地兩個都極力拒絕左 .
但係我地就聽佢地既介紹 , 買左d黎試 !

(食哂d朱古力 , 先醒起唔記得幫d朱古影遺照)

以下係我印象比較深既口味 :

1. Manon Café 原粒榛子，咖啡
據說係Leonidas既皇牌 , 有分黑,白,牛奶朱古力 , 我就揀左黑朱古力
佢入面有一粒hazelnut , 同埋好滑既咖啡cream , 加埋外層個黑朱古力 , 非常好味 !

2. Truffle Noire 純黑朱古力軟心
72%既純黑朱古力松露軟心 , 外面既cocoa powder係苦澀既 , 但係入面既ganache中和左個苦澀味
呢款黑朱古力味道恰到好處 , 而且口感十分幼滑 !

3. Marron 焦糖榛子
揀揀下 , 有個店員好興奮咁介紹呢隻朱古力比我地 , 話我地一定鍾意食 !
入面係好香既榛子茸 , 仲有榛子碎同焦糖碎 , 所為好甜 , 但係連埋個黑朱古力外殼一齊食.
一咬開已經聞到呢隻朱古力既香味 , 加上榛子碎同焦糖碎好有咬口 , 真係令人一試難忘 !

4. Dressé Noisettes 原粒榛子 , 香滑牛奶
以為Truffle Noire已經好滑 , 點知 . . . . . 一咬落去 , 已經feel到溶左係個口度 , 好香好滑既牛奶朱古力 !
難怪幾位店員都叫我地一定要揀呢款 ! 因為好快就會比人買哂 !

5. Orangettes 橙皮條
個名好好笑 , 我地笑左好耐 , 店員都忍唔住笑左 >w< !
入面係有經過處理既橙皮 , 再淋上黑朱古力 , 甜甜地 , 好特別既口感 !

我朋友就鍾意食Casanova 脆米 , Noir de Noir , Palet D'Or , Noisette Masquée 原粒榛子 , Irrésistible 士多啤梨 , Lingot 雲呢拿

其實佢地都有好多唔同種類既朱古力款式 , 有唔同既酒心朱古力 , 成大餅既朱古力磚 , 同埋有好可愛既水果糖 !
同埋價錢比我想像中平 !大部都係$98/100g , 酒心同橙皮就$120/100g , 水果糖$78/100g.
另外 , 佢地有唔同款既禮盒 , 入面既朱古力可以自選tim !

不過就唔見我朋友係歐洲旅行買黎送比我果一盒珠寶盒 ( 我而家仲keep住個盒 , 好鬼靚 ! )

到最後 , 店員仲介紹Leonidas係香港賺既錢 , 扣除成本會撥捐比一間語言治療中心 , 幫d有語言障礙既小朋友 .
果時我同朋友都呆左 , 之後返屋企再search下 , 原來間語言治療中心同香港既Leonidas都係由一對夫婦建立 .
背後仲有一個好感心既故事 . . . . . .

大家可以上佢地個網站 : http://www.leonidas.com.hk/hk/home
了解一下呢間咁有意義既公司 !

最後 , 要讚揚下呢間shop既店員 , 男既女既都好Nice好有禮貌 !
佢地好用心咁介紹每一款朱古力比我地 , 令我地好放心咁買 !

p.s..
本人以前食開G字頭既朱古力 , 因為都係朋友keep惶送 , 同埋都係食佢個Brand.
你話係唔係真係好好食 ? 廿幾蚊食落肚係人都話好味架啦 - - '''
我就覺得今時今日G字頭唔值呢個價錢 , 同埋真係買牌子 !

Leonidas , 完全搶左我個心 !