一鍋豐 (旺角)

呢排餓左打邊邊好耐, 今日終於可以同FD子同主子一齊打邊邊!!
黎左創興呢間一鍋豐~初頭見到樓下咁多人都驚樓上坐到密質質唔舒服,
上到黎, 咦又幾好喎個場, 唔迫又夠光猛~
我地一行4人，可以舒舒服服坐係卡位添仲!
黎到刨下D MENU，佢有唔同既套餐~
佢有龍蝦餐, 亦有鮑魚同蚌餐
咁黎得打邊邊, 梗係豐富D好啦, 所要叫左個鮑魚餐喇
D海鮮呢就冇得ENCORE, 但其他配料就可以任食
係TICK配料之際，就爭取時間去拎飲品同調味料~
飲品都好多選擇~連酒都有呀!! 想HAPPY下啤啤佢都冇問題!

調味料部都好足夠, 有齊D基本既調味俾人揀~

好喇, 想讚一讚個鍋同個爐
上得快, 個爐亦滾得好快
有睇阿澤既朋友都知, 一個給力既爐係幾咁緊要
滾極都唔起要佢黎把 _ 咩
呢度就岩喇, 唔會等十世都未滾~
轉眼間水滾, 配料又黎埋, 好快就食得!!



我地叫左D響鈴呀, 丸呀呢D
呢度會因應你既人數黎計份量，所以係會每次少少咁樣
其實係好架, 唔會浪費食物, 同埋試左OK先再叫多D
手打丸好爽口~牛肉亦都唔o鞋
係份量會少dd, 但唔緊要, 叫多幾轉一樣冇問題!
最後個重點黎喇!! 海鮮拼盤~~
靚! 
海鮮冇得呃, 唔靚個d一眼就睇到
而家咁樣睇都知新鮮啦~


蠔同鮑魚都漲卜卜，
大蜆都好食, 最緊要食落唔會有沙成口lee lee lok lok

d蝦都好爽口~~唔錯!
食左一大輪，其實都已經飽左一截

爭d唔記得左原來仲有雪糕!!真係飽到上心口!!


整體黎講, 食物同環境都好好~
落單後上配料既時間都快手, 唔會dum住你咁食~
有下次!!

極品煮意 鷄煲.烤魚.火煱 (葵芳)

約好左朋友又黎一個飯局
今次撞著冷風到達, 食個雞煲就暖笠笠啦!!
同老公之前都係附近既西餐廳食過野
發現呢一帶都原來幾多食肆, 
今次就會一會呢個極品煮意啦!

上到去, 唔使等, 仲有卡位坐
望下張畫畫紙先...
呢D都係任點任食所包既野黎既~
初頭都以為, 下? 得咁少既???
原來自己眼殘.........MISS左出面成2個大大既食物櫃
菜啦, 丸啦, 腸仔啦, 
仲有鵝腸, 栢葉, 尤魚, 吊筒
烏冬, 麵....etc
所有打邊邊既好朋友都聚集哂係呢2個櫃度
隨時點拎都冇問題呀!!
個煲未ready之前, 仲有唔少熟食俾大家食住等
好貼心~

話黎食雞煲, 梗係叫返個最惹味既原味雞煲黎食啦!
一上枱, 香噴噴~
等多陣就食得lu!!!!
雞既份量都唔少bor, 我地4個人都夠食!
味道呢~出面其他店既雞煲多數偏咸
呢度既呢, 唔會過咸之餘
好有麻辣香~~因為我地叫左小辣
佢唔算好辣, 麻既感覺會重d
食落好過癮~
食完個雞煲, 就開始烚下烚下
枱面有一壺已經ready既湯底
好好呀, 隨你幾時食哂個煲就可以倒落去轉打邊邊

頭先已經拎左一大堆食材返黎
最開心既就係d牛栢葉同尤魚, 好正呀!!
除此之外, 先前畫紙既order都送上黎
有魚片又有牛肉~
可能驚大家叫得多會浪費
所以每次既份量都唔多既
等大家食完先再re-order
肥牛d紋都靚, 淥完唔o鞋口
索埋雞煲既湯, 好好味!

呢度既任點任食只係百幾蚊
我覺得算唔錯呀, d位夠寬落
食物既種類都充足, 仲有埋熟食
好似我地咁幾個人黎打下邊邊傾下計都唔錯
自己去攞材料, 食到夠為止, 唔錯既選擇呀!!

101手工涮涮鍋 (銅鑼灣)

朋友聚餐想搵地點方便之餘
最緊要想搵間環境舒服同坐得耐的火鍋店CHILL下CHAT下咁
所以我地上左openrice睇下有咩選擇，
最後我們揀左呢間101涮涮煱, 睇D相好似好靚咁@@

一入到餐廳就知道我地無揀錯！
先講環境比一般火鍋店檯與檯之間既空間大，可以同朋友傾餐飽
而且仲有一個戶外區, 可出外望下香港既靚景! 


望下先~~湯底種類都幾多，
而且同一般火鍋店湯底不同，有D唔同特色湯底
我地今晚點左麻辣雞鍋，仲有不同程度辣味揀


前菜係木耳同手撕雞
味道開胃而且唔會太辣，相當適合用黎做醒胃前菜

調味料好多選擇
不過我都係最愛辣加豉油

不過濃濃嘅麻辣雞味, 唔使點豉油已經夠晒味！

我地叫左2款肉， 安格斯牛頸脊肥牛肉質鮮美, 
控制下個時間~岩岩熟果下係最好食啦
伊比利亞黑毛豬肉片厚薄適中，肉質爽脆味濃


精美的101特選手工火鍋拼盤
可以睇得出全部都係餐廳用心自家制作
擺設好精美


我們之後加左菜同脆鯇腩,
因為之前既主菜已食到太飽喇,
原本仲有好多想點既野食都食唔落.
至於飲品，種類多又有特式.
我地叫左愛文芒果砂冰, 柑桔檸檬水果冰茶同無糖茉莉花茶.

呢度環境咁靚, 一班人食飯傾下偈打邊爐真係最好不過
個個都食得好開心又飽飽
最緊要係我地揀左無限時任飲任食套餐，仲唔係可以慢慢嘆!? 
真係一個好滿足既飯局

鐵牛台灣牛肉麵 (旺角)

呢晚行到8點幾9點, 係旺角都唔知食乜野好
就係去到惠豐中心樓下, 舉頭望明月既時候
咦~望到個招牌, 有D生口面既名出現BOR
於是同我家老闆會一會佢啦

雖然時間已經唔早, 但竟然仲要等位
不過好彩佢個鋪都幾大, 等5分鐘就有位喇
呢度比較特別, 要自己係單剔完再出去俾錢既
(我同老公諗左好耐點解落單會知我坐邊架呢
原來一入去既時候, 落單紙上面已經寫左坐邊 = =)

我就叫左一個紅燒牛肉麵
WOW~牛肉麵都係我其中一個飛佛
最重要係夠入味, 夠濃味, D肉夠稔
呢度既牛肉麵呢... 味我就覺得爭D喇
比起同類型既連鎖台灣食店飲杯茶食碌木就失色左少少
個味唔夠人地咁濃
但個肉呢, 就抵讚喇, 夠哂稔!!

我老闆嗌好肚餓, 佢食左一個便當
係炸排骨便當:
個排骨異常地好食! 一來夠味
二來香口之餘, 個排骨唔會肥淋淋
加上佢都偏簿身，食落去味道同口感都岩岩好
VERY NICE~~

LAST一個係鹽酥雞拼腸:
雞同排骨一樣, 夠入味
不過比起雞, 我覺得排骨再略勝一籌
至於個腸就.................
我只可以話, 唔岩我口味
我唔係幾鍾意呢種好似臘腸既腸仔....


OVERALL係唔錯既D野食, 價錢都合理, 值得一試!
 

Catee (荃灣)

久違不見既朋友仔今晚見面一行4人出發去荃灣搵食
黎到呢間齋睇門口都幾有情調既餐廳開飯


一行入去, 嘩真係好鬼露MAN剔
好似人地D酒BAR飲野既地方
不過... 我地4條友係冇飲酒既 (大誤XD)
坐低左店員小姐有同我地講有HAPPY HOUR
呢度都有WINE MENU提供


揭揭MENU, 都係好常見既朋友
沙律呀,前菜呀,MAIN COURSE咁
價錢 唔算特別貴


好, 雖則我地4個人, 但有6個人既胃
2位男士既食力都比較驚人
所以都嗌左好幾樣野大家一齊SHARE食
另外仲加左2個SET, 一PAIR一SET咁食~
先登場既, 就係SET入面既沙律喇
係鷹咀豆同唔記得左乜野沙律XDD
我自己麻麻地鷹咀豆, 但D沙律菜係OK的
個source都唔會好HEAVY~


另外仲有一個湯, 都係主打既豆豆既湯:
真係值得一讚，平時飲咖啡就話拉花
連湯都有拉花，真係就咁望個賣相已經拎硬100分啦
味道呢, 我個人比較喜歡蘑菇湯
但呢個都飲得出真係用足料豆豆磨成, 口感CREAMY的



先黎既係帶子牛油果沙律:
我本身好少成個牛油果咁樣啪入口
但原來又OK喎, 襯埋D帶子同沙律一齊食
帶子煎得好靚, 唔韌之餘岩岩好 

跟住落黎係我最期待的小食拼盤!!
呢個係我地落ORDER時店員都有推介
雖則佢係好熱氣, 但真係好食,
唔會食到一口油之餘, 好香脆, 特別係個炸芝士
雞翼都唔錯, 但少少偏淡口味既
(可能我一心幻想佢係BUFFALO WINGS咁既味...XD)
不過洋蒽圈就麻麻喇, 好似有D韌 (?)

WOW!! 身為意粉之王既我
呢PART真係令人好興奮~~
係2款意粉上場!!
先黎係蒜香蝦意粉:
好食。
真係好好食!!
原因係，終於食到D唔係淋BATBAT既意粉
呢度既意粉, 係真係有彈性, 食落好有咬口
配埋蒜香味既油, 唔會太咸, 但意粉完全索到汁既味道
我俾佢一個正皮 


下一個係成日食到既卡邦尼:
UM...我覺得味道係OK既
但略嫌佢個汁太多太杰
一食落去就漿住左個口
變左意粉同汁一PAT咁撈埋左少左D口感
不過配料落得足, 有大量火腿同菇sss
其實本身叫左蟹肉波波, 可惜店員話賣哂 =(
所以就改左叫炸魚薯條
一上枱個陣我爭D以為嗌錯左司華力腸配薯條XDDDD
唔好睇佢咁既樣, 個炸漿其實一D都唔厚
入面既魚肉仲係好嫩唔係o鞋烚烚
整得唔錯GA!
最後登場既係豬手, 店員都有推介
我自己就唔食豬手既...
不過都有咬左一啖試下
咸左DD, 但OK既
上枱既時候, 霸氣盡現
店員小姐俾我地影相之後就拎左去支解喇~


整體黎講, D食物水準都係中上
同價錢相乎~加上個環境都好有氣氛
係真係有DD熱, 可能冷氣要再開行D喇
讚既仲有店員既服務態度都非常好
睇個湯拉哂花 同個豬手, 都係誠意之作
朋友想聚會傾下計食飯~呢度真係唔錯 !