之前通常黎食晚飯，上周六就同屋企人黎飲午市茶，貪呢度坐得好舒服
嗰日都係叫返我去酒樓必嗌既幾樣野
蘿蔔糕: 好香好好食，雖然料唔係好夠，但味道好好!
叉燒腸粉: 同之前有食評話腸粉厚同韌有大分別，我當日食到既皮簿亦都好滑，不過細條左D囉
燒賣: OK
生炒骨: 上桌時心諗「咁細gei??」不過原來入面有好多粒肉，而且冇骨，好食
最後敵不過8.8 雙皮奶既誘惑，每人一碗，食完走人。

我自己幾鍾意食奶味重既乳酪，所以呢度FROYO好啱我口味
芒果好鮮甜，不過MOCHI冇咩特別，棉花糖略硬

男友只揀木糠同幾種生果，樣樣都好食，不過我自己覺得最夾都係芒果!!

店員服務態度好好，一入門就問係咪第一次幫襯，快手遞個細杯你試味
地方乾淨，布置可愛，絕對會再去

呢度開左冇耐已經黎過一次，當時都冇乜試到個辣鍋所以再來一次
今次同我一齊食嘅係一班自稱食得辣嘅舊同學
今次比上次抵食，因為佢地做緊七五折，我地叫到成枱野食都係每人110
可能有人話去食任食火鍋仲好啦，但係呢度衛生企理，野食呢D野太多無謂，足夠就可以了 (唔好製造廚餘嘛)
服務又好，好似樓下個POST講，班伙記都好醒目不時過黎加湯，經理又會主動介紹

小食: 我唔知咩名堂，係細細隻嘅炸蝦，好香口，有個朋友起勢咁食，席上兩碟俾佢清晒。
飲品: 至愛竹蔗水，清甜可口，打邊爐絕配

點左麻辣子母鍋之後我地前前後後叫左十幾樣野，排晒0係餐車等我地逐樣食。
(由於上一次食完有朋友覺得太油腸胃有D頂唔順, 今次我提議叫少油)
推介
麻辣魚丸: 好鍾意咬開係辣豬肉碎，用佢黎開胃真係一流，不過食時要小心彈到塊面或者衫褲...
滑雞片: 真係又新鮮又好滑，有幾塊滾左好耐至記得撈起都好好食
海蝦: 鮮甜
駝烏肉: 新發現，不嬲唔食ga，不過原來似滑版牛肉
魚皮餃: 足料又唔易散，配麻辣較佳

肥牛芝士腸生筋金菇鯇魚片呢d hotpot 必叫嘅都合格
唯一要彈嘅係個雞件，淡而無味
本身想試埋肥牛粒，可惜已經非常飽喇

臨走佢會每人送一碗冰粉，由於今次我食多左辣野，所以好快俾我食晒，果然解辣一流
唔知傷心酸辣粉有冇送冰粉呢???

平時成日聽班小朋友話LUNCH食味吉，一路冇機會試
今日難得男友休假，佢就一就我過黎食個拉麵，睇下係咪真係咁好食

我叫左一個紅燒肉豬骨湯底拉麵(佢MENU有用日本地區劃分，我年紀大唔記得左)
男友個味噌拉麵比較大堆頭，好多種餸
另外加一杯藍莓梳打

男友覺得物有所值，一路食都有讚
我就嫌紅燒肉鞋鞋地，早知叫叉燒....不過兩個湯底都唔錯，食完唔會口乾，
份量OKAY，如果男仔可能唔夠食
個飲品好好飲呀

食到中段成間餐廳已經俾學生佔據，有D唔只一人一碗麵，仲外加小食都面不改容
哈，唔知係咪有咩喜慶事
想當年我做學生時，60蚊，夠我食3-4餐喇，而家D學生好捨得花錢
我唔會因為佢位處屋邨而覺得佢唔值呢個價，不過新開張時我懷疑過佢有冇揀錯地方
睇黎係我唔了解學生既消費模式吧...

一行六人黎SIMPLY THAI 慶祝聖誕
六個人黎講我地都唔算叫左好多野，但最後總算飽足
海南雞半隻: 其實一D 都唔似平時食既海南雞，個樣睇落似油雞，不過味道唔錯，煮得armarm好，個雞胸都好滑
串燒: okay，雞串最好食
冬蔭功唔算好辣，隻蝦冇咩味
青咖哩煮牛柳呢個幾好食
最失望係個炒豬河，河粉份量極少，每人分到一小撮，而且豬肉片幾鞋下

確實係一試無妨

本來x'mas 都冇咩興致慶祝，不過做好功課梗係要食返餐好ga啦
男友決定book呢間又多好評又就腳嘅simplylife，果然冇失望呀!!

店員安排我地坐入面近廚房位，哈哈我最鍾意裝人地煮野食
我要特別讚前半段serve我地既男仔，非常有禮

每人要一個dinner set
橙香三文魚好清新又開胃，不過舖面d 菜好苦食唔慣
鮮蟹肉蕃茄忌廉湯，味道okay
主菜叫左一個roasted turkey同埋一個baked seabass
火雞係正常味道，反而估唔到成碟野咁大堆頭，砌得好吸引，見到都開心，有煙肉蕃薯茸蘿蔔chestnut, brussels sprouts件碟真係好誇張
最鍾意就係我揀嘅seabass，又滑又香，唔油膩
最後送上溫暖brownies，我第一次食ja，覺得好好食。第一次試嘅仲有蘋果烏龍茶，有驚喜，以後要試多d新野

下次要試下佢d 甜品

我自己對章魚燒唔係特別狂熱，要食就只係食過呢間同百佳
我記得築地GINDACO沙田店開張時好多好多人排晒隊咁買，我至憎排隊所以都唔太多幫襯，但好鍾意睇住佢地燒既過程，無可否認係吸引GEI...
前幾日食飽晒至見到佢寫左閉店就即，好可惜呀.....

所以今日特登放工衝去買左4粒食，不顧儀態大口大口食晒囉
其實趁熱食真係好好味，外面夠脆少少燶加埋特多沙律醬真係....冇得頂.........
唔係可憐佢就黎開門大吉ga，係真心話。
店員話聽日12月15就係last day 喇，我都會再返兜hahahaha

好啦，0係太古再見喇~

上周某晚寒風凜凜，同男友黎左呢間新食店食晚飯
反常地坐0係一個當風位置
叫左一個肉燥飯，一個香草豬扒麵
煎雞翼加一杯青蘋果綠茶
加左幾片椰菜既肉燥飯好好味又大碗
我不嬲晚餐食得少，但都完成左大半碗
女仔可以叫佢少飯
但豬扒麵就麻麻地，男友唔奄尖但佢一放入口食左啖就話唔好食，
我又試下，覺得係個部位唔好，好un，要食另一邊先覺得okay
應該唔係醃或煮既問題
兩大塊扒得返一塊係食得咁
煎雞翼同埋青蘋果綠茶okay啦
經濟實惠的一頓晚飯
我會為左個肉燥飯返黎~~

p.s. 一開始d餐具擺出黎好似唔係幾好，反正舖左d塵有人黎又要換...............

之前試過佢地既檸檬蜜糖雞翼，非常好食!!!!!!!!!
所以適逄貓貓生日，主人借d意開個party叫pizza 食
壽星貓就都係食返平時會食既野
叫左個90蚊combo
個pizza 水準不俗，足料亦都夠熱
忌廉湯都唔錯
唯一要彈既係個招牌焗豬扒飯，個汁太酸，係唔係落得太多茄膏 (超紅)，扒有點老

見到pizza hut 貴得過份
我諗我會多d支持開價合理既小店

簡單一句，因為呢度既蛋撻係全港(我見過)最平而又好好食既~~~~~~~~~~
一黎到九龍城就會幫襯，至少一個，試過一次食3個，因為太美味又熱辣辣又平。
就算食左TONY WONG既NAPOLEON，都要整件蛋撻至夠圓滿