sawwm105 等級1 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2011-12-01
朋友極力推介一定要食,話食過勁好食,其實我自己本身唔食辣,又唔太鐘意食魚,而且睇open rice食評又好壞各半,所以都無抱住任何大希望陪朋友去吃,可能因為咁,反而有驚喜。 我地夜晚8:30去到巳經坐滿,好彩只系等左10分鐘就有位,但入面地方唔太,所以好迫,坐得晤系好舒服。 我哋叫左烤魽魚,酸菜湯底,野菌併盤,蒜蓉青瓜,二人肥牛,仲有羊肉2串 羊肉串~比我想象好好多,肉嫩香滑,幾惹味,又唔會燒得太乾 蒜蓉青瓜~不過不失 二人肥牛~$48得6小件,2啖就無,非常唔抵食,味道同質量一般,但份量真系好少 酸菜湯底烤魽魚~魚好新鮮及嫩滑,又唔多骨,比想象真系好食好多,酸菜湯底又有好多配料,配料食落有d酸酸甜甜嘅味道,同條魚好夾,好鮮甜 可惜我唔食辣,如果唔系我都想試下剁椒湯底,或者我下次再去嘅時候,會挑戰一下自己味蕾,試下呢個微辣湯底。 推介美食: 烤魽魚,羊肉串
評分: 味道 4 環境 3 服務 5 衛生 5 抵食 4
2011-11-26
其實AMIGO嘅食評, 都唔使再多寫, 但因為我實在太喜歡呢間餐廳, 所以忍唔住都要寫一下作支持..... 友人生日, 想選一個比較特別的地方, 同事推介兼看見網上的食評,決定去AMIGO試下,仲提早2星期打去訂位. 當晚(星期4)都有不少人客. 因為係生日, 所以餐廳仲送一個拿破崙蛋糕 麵包 - 有法式多士和長麵包. 多士很香脆 頭盤 - 香煎法國鵝肝, 面煎得香脆, 很厚身, 個汁亦好好味,好有水準! 蜆湯 - 蜆好大隻,而且好鮮甜 ,係飲過最好嘅一個蜆湯. 西柚雪芭 –小小酸酸甜甜, 好清新 main course - 魚, 魚肉都好鮮嫩。 . 仲有Live Bank唱歌,仲可以点唱, 真喺唱得好好聽 服務人員態度很好,又友善,又细心又有禮貌. 係一間值得再去嘅餐廳. 推介美食: 拿破崙蛋糕,鵝肝
評分: 味道 5 環境 5 服務 5 衛生 5 抵食 5
2011-12-05
尖沙咀天星碼頭鴻福堂九巴茶水站, 一D都唔起眼, 真係日日返工放工經過都見佢唔到, ....直到同事話我知, 我先去TRY下. 佢地D蒸飯好抵食, $30包指定$9飲品, 退還食完嘅飯盒比佢地, 仲有張$2現金卷比你下次用. 買佢地電子飯卷仲抵食, $180 / 7張飯卷, 平均 $25.70 一個蒸飯+飲品, 真係好鬼抵食. 佢地飯嘅份量唔算好大,最啱女士,份量剛剛好。肉嘅份量都晤算好多,而且我叫左個燕麥飯,感覺會食得健康d. 環境方面,地方雖然比較窄,但都提供左3台電腦比食客坐底一邊堂食一邊上網,認真方便體貼。 最重要係雖然平, 但味道都唔錯, 而且d飯同d餸都唔會乾,而且唔油,都幾好食。
評分: 味道 4 環境 4 服務 4 衛生 4 抵食 5
2011-11-28
友人推介的新開串燒店,門面好有特色,好吸引。 入到餐廳,waiter好好禮貌招呼我哋入座,仲介紹佢哋嘅招牌胡椒系列,有胡椒蝦,胡椒螺,同埋胡椒蟹。因為我最怕食辣,所以最初我都有點擴拒。但佢地講到咁好食,就即管try try。 胡椒蝦~真系無介紹錯,真實一點都唔算辣,好有胡椒嘅香味,非常特別,仲好鬼野味添。最重要系,d蝦好新鮮,又好大隻,唔怪得佢地極力推介。真系好好食 燒鴨舌~唔系好多間串燒店有得食嘅鴨舌,呢到都有,超鐘意食鴨舌嘅我立即叫番份食下,燒得唔錯,外皮有點脆,但入面都仲系鮮嫩多汁 牛油粟米~好有牛油味,卻又不失粟米嘅鮮甜,正 燒肥牛粒~燒完仲好juicy,口感一流,但可能自己不太吃肥,略嚴肥了一點點 燒雞中翼~肥美多汁,不過不失 燒龍蝦~半隻嘅龍蝦,超級大隻,仲有4、5種配料選擇,我地叫佢一份蒜蓉龍蝦,一份芝士龍蝦,啖啖肉,食完都飽左大半,真系要比個like佢。 最後我地仲後補多一個胡椒螺,一樣鮮味。 好味,真系值得再去。 推介美食: 胡椒蝦,胡椒螺,龍蝦
評分: 味道 5 環境 5 服務 5 衛生 5 抵食 5
|