我地六個人去，但訂錯五位，入座先知，侍應神速安排另一張枱。
今次係見到傳單，上[開飯拉]又見個個讚，所以試下。
我地一坐低立刻叫左魚生，上菜速度亦快。刺生超讚，新鮮，仲有冰鎮。
隨後點左各樣食物。都似即做，好味。羊鞍，牛肉粒，讚。
雖然座位細，食物真係擺唔落，都還可以。
飲品種類多，汽水，啤酒，盧薈汁，提子汁，等等。
最讚係服務，個個有笑容，點飲品即攞，叫幫忙影相，雖然忙，都笑住幫你。
一定會再來，好正，好飽，一個月一次好拉。

今次幫趁，平係主因。今日推介，就係平。

  乳豬先上，皮很脆 😍；未食完就上雪花蚌，味道都唔錯，
跟著蟹拑，就麻麻地拉；豉油雞，好滑 。但一齊來就食唔切囉。
龍躉就麻麻地新鮮，同埋細條左啲。
黑蒜螺頭湯，味道特別，我地有一半人唔鐘意，但又有一半人好鐘意 
可惜太多油。薈萃扒翡翠就係菇扒菜，但份量好少，以為黎錯左半圍份添
跟著上伊面，飯；咦！漏左瑤柱甫噃，等下先。
瑤柱就唔得拉，細粒唔緊要，但冇味又黐牙。
伊面超多油，乾撈飯好濕。
然後等好耐都未有雙色糕，要追，呀追。
應該係紅棗糕，太軟林林。
個套餐包6罐汽水，加一枝紅酒，飲唔晒可以攞走，
留返屋企整紅酒燴牛尾，正。
總結係12人酒樓食飯，唔使二千，都算平、快、正。

祖國消費真係越來越貴，尋日响廣州，食完早餐就去搭直通巴士返旺角，諗住去太子「一點心」醫肚。
點知下午三點幾都要等位。所以行左入呢間 「名點心」，居然有驚喜。
由於太餓，先點飯，糯米鷄。食左先醒起未影相。然後加左牛肉腸粉，小籠包，炸煎堆，因為覺得飯粒好好𡁻，所以又加個排骨飯。 都係食食下先記得影相。 
飯身夠乾，糯米鷄係傳統嗰隻，夠料，好味，腸粉滑中，唔油，小籠包係多湯汁。最好食係擂沙煎堆，入面嘅黑芝麻醬好好味，香。
食完走時聽到個收銀同離枱嗰3個韓國人傾偈，原來佢地食完蝦餃，又再加，一共食左三籠蝦餃。
呢間坐得幾舒服，會再來，好在佢唔使等。

可能因為未夠七點，所以唔使等，而且老闆娘（我諗係）响門口推介，見個干鍋咁特別，所以試下。
我地四個人，揀左個「孜然底，微辣，牛肉，豬腩片，紅薯粉，土豆，茄子」嘅干鍋，加個炒飯（唔記得乜名堂），清炒娃娃菜，稻草排骨，後加拍黃瓜，啤酒（原來係細枝裝）。
干鍋唔錯，炒飯有啲生米，娃娃菜一般，稻草排骨原來係辣嘅，但餐牌上冇辣椒，
拍黃瓜太多蒜，（食完𡁻 X達）都唔掂， ，啤酒太細枝。
整體都唔錯，但要加一，咁啱坐近門口，不停有人出入，所以全程都熱住食（可能因為食辣野）
但都會再來支持下。
可能下次試午餐，好似幾扺食。

今次都係四個人去食晚餐任食，怕要等，所以訂定位，去到唔使等，可惜要坐餐廳另一面，每次行出去攞食物，都要經過走廊，嗰度好似餐廳出面咁，冇冷氣，好熱。
因為本身好少去香港區，一年前去北角，幫襯過一次，當日覺得食物唔錯，所以今次去北⻆做完野，又去食返佢。
點知就中伏，食物味道都好味精，好濃味，人參雞湯就好淡，又唔包飲野。
真係冇下次。
當時冇心情，所以冇影相。

好似係$168加一/每人