入夜后澳门o既市中心地带…
每条大街到处都系灿烂辉煌o既红灯碌影，细细抵o既地方就人多车又多，但系就完全feel到份安全感！

2012年3月份o既澳门，天气寒冷带风兼阵阵微微细雨… 街道湿答答，真系想留番系酒店唔想行出去啦…
但系由于带着班哇鬼又唔惊肥o既大吃姐妹们，唯有拉拉临冲番個热水凉后又再去揾食啦

一人一把雨伞，向 [六记] 前进出发啦！
当日我哋系英皇酒店落脚，大概6点9就出发… 一路途径好多澳门嘀历史景点，有邮政局，喷水池，玫瑰堂，仲有千辛万苦先行得入去o既澳门牌坊等等… 落紧雨o既澳门一样系人山人海啊！

就o甘… 原本只系需要大概20-30分钟o既路程就行o左整整2粒几钟啊~ 阴公！
抵达 [六记] 9点几，唔见人潮~ 门面显得特别冷清，有嘀唔惯添 。

帮衬o左连续3年o既 六记… 改变唔大，就只系嘀价钱每次来亲都唔一样，老公仔仲笑话~ 步步高升吖嘛… 招牌主角… 虾籽面 炸鸳鸯… 清汤云吞面… 卤双拼~凤爪大肠… 水蟹粥…

同行中有位男性好友兼好姐妹 … 我哋都喊佢做“包佬„！事关佢老兄无包不欢，旅程中必要咬番一粒包都爽喔…
在前往澳门路途前，班姐妹们都有问过身边朋友做o左嘀searching~ 尤其系澳门o既闻名猪扒包吖！

一话早餐要去食猪扒包，班姐妹们话… 系唔系要去氹仔排嗮人龙，又有台湾美食天团介绍兼限定出笼时间果间咧？！
Ooppsss~ 唔系喔！

佢哋班耶啊~ 用嘀好怀疑o既眼神睇着我喔… 啍啍, 一阵你哋就知道“味道„！！

唔够早晨9点，当我哋6人帮一行入o左勝利餐室时，只系得番2-3枱数位公公婆婆系度叹茶… 哇~ 好冷清o既勝利啊！
一坐抵，班姐妹就扁嗮嘴o甘要我发板佢哋等食喔~

老板一落完单后就忙上忙落，时关陆续就开始有好多人客上门… 好才早嘀到啊~ 老板娘服务仲好好，她惊我哋等得唔耐烦一咪行过来交代话要等下先喔~

餐室唔大但系座位分割空间还系ok够宽… 叹番杯冰冻奶茶仲有热香咖啡， 等o左约15分钟嘀食物上枱咯~

雪菜肉丝面 早晨套餐 … 隻餐包好正哦！ 炸虾多士 … 今日唔多掂当，失o左水准！ 大隻仔...猪扒包 … 要落单后再烘烤o既猪仔餐包，外面香脆，内裡松甜！隻猪扒大件得来炸得超级松软。食落口嘀肉汁爆晒出来！哇… 食完依餐之后个个都舔晒手指，回味无穷啊！

勝利, 您等我！ 我哋今年新年初十再来过！

山顶。。。前往香港游客必到o既头号景点之一！ 当日天气寒冷雾水都非常重，但系就人山人海，宜都系我去过最多人o既一次！ 山下挤拥排完条人龙，搭上百年缆车沿途路线上山姐妹们心情澎湃，话电视见得多就系第一次正式坐喔！

当抵达一入贩卖礼品条行仔时就已经超级吵杂，跟着去到边都整系听见香港邻国人们好大声o既华语交谈声！ 真系奇怪啦，系唔系个个都撞聋o既咧？！连企埋一齐都要喊到几条街都听见吖！ 拉拉临就前往蜡像馆打番个转，一样系o甘多人！姐妹们话，我哋点解好识去o左中国多滴o既？！无办法啦 ～ 强国人们消费能力强吖嘛。。。（个人见解）

行下行下，又到午餐时间咯 。。行紧过去翠華时经已担心座位爆满一定要等好耐，内堂果然系爆晒！ 但系靠路边滴位就仲有剩番两三围都无人坐，唔怕冻o既我哋就要求先坐抵再打算啦。。。 快手坐抵，点餐，等食～ 系我o既招牌动作！要快吖嘛！

后尾坐落都唔够1粒钟就天空飘雨，翠华靓仔哥哥又再安顿我哋入内堂再食过～

猪扒包，餐包烘到好香脆，肉質就好乾。反而炸得香脆的薯條就变o左主角咯！
什锦四宝，魚腐好吃、墨魚丸好弹牙、魚肉卷一般、潮式魚蛋弹牙但系无鲜味。
魚腐米線，姐妹超爱！魚腐都系好彈牙，佢o既魚鲜味更浓厚，汤底好正，浓浓o既鱼香味。 虾籽鲜虾面，食过澳门六记之后对依滴已经唔会再有期待咯。 冰镇奶茶，依个得，好香浓！由于唔系直接加冰入奶茶，所以唔会调淡嗮滴奶茶香浓味道！
凍鴛鴦，无惊喜一般稳阵。 奶油猪，胜在香脆咯。
絲襪奶茶，香浓顺滑茶香够。只奶茶杯好得意吖。
鱼蛋 + 鱼角，两者真系大片大粒又彈牙，只系味道唔够鮮甜。 / 泰式TomYam米线，得个酸味。

0分钟o既等待，一进餐厅立刻有位！
事关当日天气实在太冷（9-11度）而且仲有冷风微微细雨，食堂就系得返我哋一台！姐妹仲话，好有包场feel喔。。。

打开块menu，几个女人交头接耳，又因为已经系OpenRice上过课，心里有数先点个好评冻虾啦 ～ 落单无么笑容同埋表情o既aunty话：“ 无喔！” 吓，招牌菜都无？！。。。答完依句后即刻有个男人走过来接手写单，原来系禮記老板喔！

他解释话，事关依排天气太冷，好多游水生猛海鲜都无货到，请我哋谅解吓喔。。o甘o既解释，我哋系受o既啦！ 唯有听下他有么好介绍咯。。。撇开依几日食到嫌o既鸡啊，牛啊，缺货海鲜啊，倾o左5-6多分钟菜单搞掂！开壶靓茶慢慢等。。。

环观禮記，一般的楼面简单而并不华丽。 盖顶打着60多年老字號，纵横3代的名声，在万花百筒的澳门来讲真系一滴都不容易。睇番我哋Malaysia，要一间中式餐厅可以独守2代都已经难过登天啦！约莫等o左有15分钟，滴餸就陆续上擡啦 ～ 哇哇哇。。。

盐水花甲 鸡煲海虎翅 - 6人分量 无得弹！翅身粗过粉丝多多声，仲要系用筷子夹住来食添！（返到来Malaysia，班姐妹逢翅必弹！仲怪我搞到佢哋对依度哋鱼翅无嗮 feeling o甘话喔！） 西兰花炒带子王 芥藍吊片烧肉 炒鲜奶 蟹盒 辣煮花甲 就o甘食吓，讲吓又过o左整2粒几钟啦～ 期间老板都有埋黎倾吓计，知道我哋系外国人又知道我哋识得讲好多语言 （英文，马来文，华语，广东，客家，福建，日文，韩文。。。 我哋都无难度o架！） 仲好好奇o甘问o左我哋好多问题添。。。
埋单计吓一滴都唔贵！老公仔仲话，下次一定要再来试下佢個其它o既海鲜食品。。。肯定会做得出色啦！

在香港食o左几餐劲好，游过几个名胜地后。。。依家就转到去澳门咯！

澳门，地方细细抵但系美食就多一囖囖！ 单系吃个早餐都要念爆头啊，都唔知道应该先吃边样好！。。。

带住老公仔同埋班好姐妹们就前往富隆新街去食餐劲豪华先！姐妹们第一次到澳门，睇见条干净老街仲有o甘多红窗口，话得意。。。单系影相就搞o左两粒钟！

杀到入譚家魚翅 已经系晚餐时分咯。。。 譚家魚翅 就系一个小区就有好几间，但系我就偏爱依间！睇它门面细细间，但系一行埋去里面就古色古香，地方又够大喔！

先讲服务，美中不足啊～ 滴妹妹仔面口无笑容，她们讲华语，我哋常年在malaysia一样又系讲华语，但系就要每次重覆又重覆o甘她们先会明白我哋问么！ 唔知系唔系我哋o既华语发音有问题咧？！

“交流”o左一轮过后，点o左6人套餐再加多几样单点，等开饭！o甘次o既谭家鱼翅整体来讲都算系ok咯。。。 有惊都有喜。

姐妹们食过滴鱼翅后返到来Malaysia逢亲去饮食鱼翅时都会提起话，澳门o既鱼翅系一疏疏o架，Malaysia无得来啊！

话要同整班好姐妹一起planning去香港旅游经已讲o左整整2年。。。但系次次都遇唔到时间大家可以一起出游！

2011年11月尾，老公仔话要慰劳下班得力伙计喔，o甘我就安排o左一团港澳4D3N游咯。。。 点知一返到马来西亚就中嗮子弹，滴姐妹咋晒型 。。。 o甘唯有再安排去多次啦！

要安排6人旅游，由办理预订机票；住宿同埋细碎事物一手包办o即真系一滴难道都无！事关依5年来，我同老公仔差不多每一年就会前往香港和澳门1-2次游。。。亲朋好友仲话，港澳已经系我外家喔！ 哈哈哈。。。

好啦，讲开 金山海鮮酒家 。。。自从我认识OpenRice，每次前往香港前2个星期一定晚晚都褒住睇下有么好耶食. 尤其系要带埋依班好友姐妹，个个都嘴刁得很！ 睇见金山都有整90几个笑面o甘得（旧年3月份咯），就安排它在第一晚o既晚餐先啦！

前往交通方面非常易，地铁一出行过两个街口就到。哈哈，真好彩。。仲未见条人龙喔，事关当日天气真的好冷。但系问道带位伯伯话都要等下先，因为要拾好位先得喔～ 等待时就见同样有家人一起等位，当中仲有老公公婆婆。。。 我哋整班都后生遥遥，o甘就先让位卑o左他哋咯。带位伯伯仲赞我哋家教好噢

o甘又等多o左整15分钟，到我哋啦！ 带位伯伯带o左我哋上2楼阁位，一坐落就点o左OpenRice食友提点菜，
雲英雞, 窩貼鮮蝦小棠菜, 砵酒焗蠔, 豉椒炒聖子王, 椒鹽瀨尿蝦, 陈皮蒸鲍鱼, 蒜蓉粉絲蒸元貝 。。。都只系等o左未够10分钟就连续上台开餐咯！

相当满足的第一站，连嘴刁o既姐妹团都连声话下次来香港一定要带埋啊边個边個来喔～

我是来自Malaysia的公民。。。每年的年尾必定会和老公前往香港享受冷空气及美食天堂的旅程。

在一次偶然的机会下认识了“OpenRice”这个网站。。。真好为我们的旅途增添更多难忘的美食经验！

在众多的美食站就独是它“妹記生滾粥品”真的让我们很难忘。。。环境干净，服务完善，尤其是老板和伙计对待顾客的亲切笑容～～好难忘哦！

夫妻俩要了 "鱼腩肉丸粥“ ”鱼片猪润粥“ ”鱼皮“ 。。。新鲜又热绵绵的粥，清脆而鲜的鱼皮～～无懈可击啦！！！

今年一样会旧地重游。。。妹记，加油！！！