噚日(17-4-2024 Wed)冇飯帶,就臨時約同事食飯,就同女同事SL出街食飯,記得未試過呢間嘅 滷水鴨,於是提議食呢間.

我哋嚟到未太多人,亦有卡位,不過店員都先要求我哋坐埋一邊,ok冇問題.

睇枱上MENU時,店員提醒我睇黑板,因為有啲唔同.

就坐後,店員會自動送上例湯,SL唔飲,咁我一人飲,然後叫餐,我哋都係要$52.00嘅 午餐,SL要涼瓜牛肉飯,飲熱奶茶.我要滷水鴨拼腩肉飯,都飲熱奶茶.

落完單我就飲例湯先,呢個係老黃瓜豬骨湯,味道清甜唔錯.
5分

之後兩杯熱奶茶到嚟,飲下先,茶味唔夠,鮮奶太多.
2分

然後我嘅滷水鴨拼腩肉飯到嚟,嗅到好香滷水鴨味,食落, 滷水鴨好入味但又唔會太鹹,而腩肉口感鬆軟,味道較淡,蘸蒜醋食啱啱好.
飯都正常冇問題嘅 .
5分

我冇問SL覺得涼瓜牛肉飯點.

7-4-2024（Sun）朝,返完教會嘅老公喺呢喥買早餐返嘅食,佢買咗$32.00嘅腸粉,肉臊炒米餐,加$3.00要凍奶茶,同$35.00嘅皮蛋粥同蘿蔔糕,加$3.00要凍綠茶. 我哋分好就食得,我先食皮蛋粥,皮蛋份量好夠, 口感唔差同佢甜甜地,又幾好食喎.
5分

蘿蔔糕唔會一夾就散,感覺材料比過年食美心嘅足同好味(食評係2024年2月13日刊登嘅呢篇:https://www.openrice.com/zh/hongkong/review/blue-%E5%94%94%E5%BE%97-e5294981).
4分

肉臊炒米味道唔算好濃郁但算惹味好食.
5分

腸粉係正常嘅滑,唔會太腍.
3分

嘢飲我就要凍綠茶,可能太多冰,覺得味道唔多夠.
1.5分

抵食係 2.5分

上次食評係2024年3月26日刊登嘅呢篇:
https://www.openrice.com/zh/hongkong/review/blue-%E5%94%94%E5%B7%AE-e5374770

今(14-4-2024 Sun）朝,匯合返完教會嘅老公喺呢喥食早餐, 我嚟到時,老公啱啱買佢嘅早餐,咁我自己買我嗰份,我見到有燒賣同牛肉球就想要呢個而彌補噚日喺西灣香餐冇嘅點心,於是我就買咗$31.00嘅大燒賣,牛肉球配火腿通粉,飲熱檸水.

老公買咗$40.50嘅滑蛋牛扒,英式多士餐,飲熱咖啡.

大約2分鐘有齊, 我先去攞喼汁,返返嚟就先食牛肉球, 佢係有牛肉味, 但口大燒賣,牛肉球配火腿通粉,飲熱檸水感同平時喺酒樓點心店食到嘅有啲唔同,佢好似更鬆,但整體感覺變得有啲怪.
2.8分

而大燒賣呢?係口感正常嘅魚肉燒賣.
3分

火腿通粉呢,薄火腿有煎過,通粉口感正常,今次同之前食到嘅味道唔同,係好正常嗰種,至於個湯就係雞湯味.
4分

最後杯熱檸水就有啲澀.
2.7分

老公嗰份我冇試到亦冇問佢嘅comment.

服務:
我去揾喼汁時,一個職員行過就主動問我搵咩嘢?我答咗後,佢帶我去攞,唔錯.

抵食:
食完呢個餐3個半鐘左右就開始肚餓.
2.5分

抵食係 2.5分

今（13-4-2024 Sat）朝同老公去回收， 咁啱佢前日睇到一篇報道（https://hk.news.yahoo.com/%E7%B6%B2%E4%B8%8A%E7%86%B1%E8%A9%B1-%E8%8D%83%E7%81%A3%E8%8C%B6%E9%A4%90%E5%BB%B3%E9%80%86%E5%B8%82%E9%96%8B%E6%A5%AD%E5%87%BA%E5%A5%87%E6%8B%9B-%E6%97%A9%E5%8D%88%E9%A4%90%E4%BB%BB%E9%A3%9F%E6%94%BE%E9%A1%8C%E6%9C%80%E5%B9%B338%E5%85%83-090201385.html）就喺呢度有放題早同午餐，早餐單話有豬骨瑤柱花生髮菜粥，蒸包如叉燒包、鮮肉包、流沙包等，亦有餃子、燒賣、糯米雞，亦提供炒飯、炒河粉、滷肉麵、河粉、米綫。

於是我哋回收咗之後就順便過嚟試，由於已經唔係繁忙時間，所以冇乜人。呢度全部係卡位設計，可以任坐。

首先我哋俾咗每人$38.00嘅錢後，就出去自己攞嘢食，呢喥任飲嘅都係熱飲，有茶，檸水，咖啡同豆漿 ;而嘢食就好少，冇報道講到咁多，或者可能晏咗啩。

我就拎咗:
1. 糯米燒賣
一食落去完全唔粘，唔係糯米，但都好嘅，糯米難消化，而佢係就正常冇問題。
2.5分

2. 炒河
唔暖嘅，都ok唔太鹹。
3分

3. 流沙包
我夾嘅時候見唔到有，於是問個姐姐有冇流沙包？佢好似唔知道咁，而啱啱呢個時候，廚房拎蒸包出嚟，佢話試呢個啦，呢個係粗糧包，好食。

咁我就攞咗兩個，叫老公食咗先，因為啱啱蒸起，佢一食落去就係流沙包，原來呢個就係流沙包。

味道好夠，但都唔熱喇，我就食多兩個。4.5分

4. 茶葉蛋
受上次銀杏冰室（食評係2024年4月4日刊登嘅呢篇: https://www.openrice.com/zh/hongkong/review/%E5%83%B9%E5%BB%89%E7%89%A9%E7%BE%8E-e5391277）影響，就好想再食茶葉蛋，但係呢間一剝殼睇，完全冇顏色，未食就知唔入味，只係一隻烚蛋，但都比普通烚蛋有少少味嘅。1分5. 熱豆漿呢個唔係好甜。
2分

6. 豬骨瑤柱花生髮菜粥
老公拎嚟時冇咩料， 我以為係白粥(我漏咗影相)，食落又唔係白粥都，有啲味。

最後佢又攞多碗嘅時候就睇到，原來係呢個粥。
2.8分

7. 菜脯
老公攞嚟送粥，我都食下，佢唔係好辣但爽口，我覺得可以。
3分8. 炒飯喺冇咩期望之下食，覺得個味道又唔差，不過係凍咗 同有少少乾。
4分

9. 叉燒包
呢個我哋唔知咩包，所以夾一個，掰開嚟睇個餡，係好少餡嘅叉燒包，食落啲叉燒係肥肥哋，都唔係蜜味 ，我覺得一般。
2.5分

10-11. 菜心同生菜
兩樣都冇乜問題ok。
3分12. 熱檸水
最後都斟返杯熱檸水飲，佢嘅檸味啱啱好。
3分

其他:
除咗奶香大饅頭冇食外， 其他嘢係冇嘅。

服務:
11:00am後，有兩組其3個客人嚟食，員工都提醒佢哋，11:30am會轉做食晏，依家早餐就可能冇咁多嘢食，同埋都叫個客睇下啲嘢啱唔啱食先，啱食先至畀錢食放題，不過都有叫個客可以食住先，食住等到lunch。

今（12-4-2024）晚老公去完教會返嚟，大家都肚餓要食啲嘢，佢喺喥買咗牛筋腩河，鮮奶布甸同芒果西米露。 返到嚟佢就即食牛筋腩河，食到一半我都食啲，味道唔錯，但河粉太腍，牛筋腩都好夠腍同夠味。老公話其實呢間水準係唔穩定，要撞手神。 4分 之後我食鮮奶布甸，唔太大杯，味道唔濃亦唔太甜，口感係滑嘅。 4分 而芒果西米露呢？舀到滿滿，有好多西米， 口感彈牙，味道亦唔濃同唔甜，芒果有少少酸但可接受。 2.8分 價錢: Total$102.00 2.67分 上次食評係2023年11月23日刊登嘅呢篇:https://www.openrice.com/zh/hongkong/review/%E6%AF%8D%E5%BF%98%E6%88%91-e5148663

6-4-2024（Sat）朝，同老公去華富邨前食早餐，由於佢嘅教友俾咗啲優惠劵我哋，所以幫趁呢間，嚟到時大排長龍，老公負責買嘢，我負責等位，老公花咗10分鐘至俾到錢，佢用“週末早市 第二份早餐減$10.00”嗰張劵。

老公買咗$47.00嘅雞扒腸仔麵配炒蛋多士，熱檸水，同$39.00嘅榨菜米菠蘿包，腸仔烚蛋同熱奶茶，減咗$10.00就係$76.00。 老公食雞扒嗰份，我食榨菜嗰份，但眼見有我哋好耐冇食嘅菠蘿油同牛油開始熔，就同老公share半件交換多士。 先食菠蘿油，佢微甜，菠蘿包脆到有啲硬，傳統牛油夠香濃;
4分

牛油多士唔脆反而韌;
0.5分

凍腸仔唔鹹，榨菜竟然唔辣;蛋黃顏色就好深色。3分

熱奶茶茶味淡。
1分

環境:
坐嘅位又係冷氣啱啱唔多夠。

服務&衛生:
要客人自己回收餐具，但唔係個個都會咁做，就成日有好多擺喺喥好耐冇人收。

抵食係2.4分

上次食評係喺2023年5月27日刊登嘅呢篇:
https://www.openrice.com/zh/hongkong/review/blue-%E5%A5%BD%E9%81%8E%E5%A4%A7%E5%AE%B6%E6%A8%82%E5%95%B2-e4836808

6-4-2024（Sat）同老公,男友人JT晏晝，因天氣關係行唔成薄扶林水塘，轉去數碼港睇戲，睇完戲就行過嚟食下午茶。

我哋嚟到時都冇乜人，坐多一張卡位，睇完menu 後， 老公要$35.00 嘅炸雞髀同紅豆冰，JT要$33.00 嘅沙爹牛肉麵，加$6.00要埋火腿奄列同飲茶走，我就要$33.00 嘅西多士(花生醬)，加$8.00要凍檸樂。

好快就拎咗一罐細可樂嚟，但唔凍嘅，然後拎咗杯檸檬加冰，厚檸檬都有成四片，但由於可樂唔凍，加咗落去啲冰就好快溶。

之後JT嘅茶走到， 嚟睇見顏色都幾深，佢飲咗話ok冇問題。

然後係西多士(花生醬)同火腿奄列都嚟， 睇見火腿奄列好薄;西多士(花生醬)都冇我想像中正常嘅厚度。

然後沙爹牛肉麵都到嚟， 最後老公嘅炸雞髀同紅豆冰到埋。 我切開我嘅西多士(花生醬)睇， 好似冇乜花生醬，切完食得，食落係一口油冇乜花生醬嘅味道，唔掂。
0.5分

而老公嘅炸雞髀呢？雞皮炸到好似薯片咁脆，而雞肉就唔係咁juicy，不過唔太鹹。
3分

紅豆冰就好夠味又唔太甜，紅豆夠腍正正常常。
5分

最後因為一場嚟到，我哋都嗌杯$17.00嘅熱奶茶飲，即使年頭喺荃灣享樂(https://www.openrice.com/zh/hongkong/r-%E4%BA%AB%E6%A8%82%E7%83%98%E7%84%99-%E8%8D%83%E7%81%A3-%E6%B8%AF%E5%BC%8F-%E9%BA%B5%E5%8C%85%E5%BA%97-r799746)買過嚟飲(食評係2024年1月30日刊登嘅呢篇:https://www.openrice.com/zh/hongkong/review/yeah-%E5%94%94%E4%BD%BF%E5%9A%9F%E5%92%81%E9%81%A0%E9%83%BD%E9%A3%B2%E5%88%B0-e5270208），嚟到睇， 同樣係好深色，茶味夠但唔會澀，不過都要加細半茶匙嘅糖嚟飲。
4分
抵食係 2.5分

其他:
要留意呢喥4::15pm會截單。

大前日(5-4-2024 Fri)喺公司食完晏,同同事去樓上買嘢,買完後,女同事SL問我食唔食老婆餅?我答唔食,但記起想食呢喥嘅斑蘭蛋撻,於是行返轉頭睇有冇,嚟到睇以為冇,原來重有4件, 我睇睇價錢,斑蘭撻賣$11.00一件,$21.00兩件,SL就買兩件斑蘭撻,佢自己要$14.00嘅半熟芝士撻,收銀話買4個有盒,佢就買多一件斑蘭撻俾另一個同事食,盛惠$46.00.
 
返到公司, SL就攞半熟芝士撻食,而我就有好多嘢做,好遲至食.
 
我拎斑蘭撻食, 酥皮唔只好脆重好薄,冇乜牛油味;餡料係好滑亦唔太甜,但斑蘭味好薄弱,成個唔膩,而且因為佢哋個食物櫃係冇保溫,所以係凍嘅,如果係暖就好啲.
 
哎呀,點解我唔拎去用微波爐叮暖嚟食?
 
而SL話半熟芝士撻好食,佢就係鍾意個皮薄唔膩.
 
呢篇食評嘅味道分只計我食嘅斑蘭撻.
 
抵食係 1.5分

話說（4-4-2024 Thur）清明節,同老公專程嚟食晏(食評係2024年4月4日刊登嘅呢篇:https://www.openrice.com/zh/hongkong/review/%E5%83%B9%E5%BB%89%E7%89%A9%E7%BE%8E-e5391277 ),食完就用$68.00買咗芫荽曲奇返屋企試. 到翌日晚,我就已經忍唔住開嚟食,佢一盒有十件, 打開後嗅唔到香味, 一食,佢嘅口感係鬆化唔係鬆脆嗰種,而味道,芫荽味係好濃郁,同鹹咗少少, 我自己就覺得兩樣嘢落少啲會好啲.
而老公話食到牛油味,我就食唔到喇.
詳細評分係:
味道: 2      環境:  5      服務: 4       衛生: 3    抵食: 1.5 

前日(4-4-2024 Thur)清明節,晏晝同老公返到荃灣,又回收咗啲嘢,辛苦完一輪就要搵地方坐低飲吓嘢,但喺呢頭走去荃新天地嗰啲商場嗰啲又冇厘新意,諗起食過嘅呢間(上次食評係2020年3月3日刊登嘅呢篇:https://www.openrice.com/zh/hongkong/review/yeah-%E6%97%A5%E6%9C%AC%E5%AE%B6%E5%BA%AD%E8%8F%9C-e5332384),重有啲千層調色板未食,於是行嚟,到門口,睇到有新甜品喎,係炸厚多士,但只限外賣, 咁睇吓其他小食啦,有三文治,一於再嚟呢間.

入到去,啱啱剩返我哋上次坐嗰個位,於是坐低同睇menu研究, 最後要咗:

1. $42.00嘅脆炸粗薯條(連黑松露醬,茄汁同特製明太子醬) 呢個熱騰騰,外脆內軟仍唔油,好正.而佢嘅黑松露醬正常夠味;特製明太子醬就有啲稀,佢唔辣嘅,不過唔知點解老公話食到藥水味,我就食唔到喇.

脆炸粗薯條5分
黑松露醬5分
特製明太子醬3分

2. $64.00嘅伯爵吉士配麻糬肉鬆千層調色板 有伯爵,自製麻糬,肉鬆同黑糖醬. 呢個食到伯爵茶味,吉士醬其實唔甜,麻糬係偏向軟腍腍.而成個味道都唔錯嘅.
5分

3. $59.00嘅玫瑰荔枝千層調色板 有荔枝,吉士醬同玫瑰果醬. 呢個成個味道清新中帶啲甜,唔錯嘅.
5分

而千層調色板同上次一樣咁脆.

抵食係 2.4分