丼丼屋 (鑽石山)

成日經過都見排長龍, 今日終於先拎籌後行街.....

牛肉石鍋飯 上枱時生牛肉鋪面, 侍應會加點醬酒後, 利用石鍋剛燒起的熱力, 把牛肉炒至熟
我唔食牛, 但都聞到牛肉香味, 而佢地話飯很香口, 但牛就幾細粒, 食唔到牛肉咁

豚肉生薑燒丼 豚肉很薄, 咬口太乾及有點鞋, 生薑都算幾香, 不過個飯無汁, 食落去乾爭爭

豬扒丼 蛋很滑, 蛋汁也頗多, 配埋飯一起吃很好味! 加上豬扒炸得剛剛好, 皮脆有肉汁

燒玉子 我地3人都鍾意呢個, 叫左2碟!! 玉子很甜, 很美味

豚肉炒雜菜 沒什麼特別, 份量頗細碟

雖然不是款款都好味, 而且飯的份量對男士們來說細了點!
但豬扒丼及燒玉子確是令人回味~下次要試埋雞肉丼及雪糕先

鼓堡音樂餐廳 (旺角)

和朋友想飲杯野兼晚飯, 行行下見到地庫有間bar, 睇menu又好似幾ok咁, 於是一行4人入去試試
一落去其實環境都細細地, 一眼見晒
果陣7:30pm, 但就已經full晒, 咁岩得番一張近門口4人枱, 照殺喇~

叫左個2人餐兼另加2個主菜(湯及salad無影相)
磨菇湯味幾濃幾重, 可見是用心之作, 但salad的紅蘿蔔太硬了, 味道怪怪

前菜~雜菜焗雞卷雞都幾嫩滑, 而且焗得幾香

肉醬意粉都幾大盆, 上枱果下好香肉醬味, 可能意粉太多, 撈撈下之後覺得都幾乾爭爭

海鮮pizza薄pizza脆卜卜, 而且料及芝士幾多, 好香:

燒雞意大利飯個飯好正宗, 外面少少硬但入面軟身, 而且好creamy, 我鍾意! 燒雞的皮也很香, 不過肉就不太夠味了

牛肋骨拼薯條我唔食牛, 朋友說叫5成熟, 但出黎似7成, 不過就有肉汁!

另外~我地叫了3杯飲品, 其中一杯是熱酒(hot toddy), 似熱青酒, 都幾得意bar就一星期有3晚有live band, 剛巧我地呢晚有, 都幾好聽
而場內就算無band, 音樂都不會太嘈, 岩晒一大班朋友飲酒食飯傾計的地方

瑞士咖啡室 (灣仔)

買了團購$25換$50, 見coupon註明公眾假期適用, 所以趁今晚和侍衛到演藝前, 來試一試

叫了1個普通常餐, 以及1個瑞士雞翼的常餐名名寫住有2個湯底, 但未問就話只得羅宋湯(點解咁多comments都話另一款無, 唔諗下煮多d)
睇份量果下, 都以為好味.....
麵包凍冰冰, 咬入口就知擺左好耐.....
d蛋又係.....凍既
個麵無咩特別, 個雞翼, 只覺得好咸, 而且好似煮左好耐咁, 口感林得滯
只係杯奶茶叫做有茶味

侍衛叫左個炸菜肉絲麵的常餐, 第一啖已經覺得好咸! 同侍應講俾幾杯熱水溝淡, 講埋咩事.....點知.....叫左3個人.....都話等陣
最後自己親自拎, 又俾人stop, 講咩事先有人理....
可是....d公仔麵已經浸到發漲晒.......而d湯溝水先叫入到口

到埋單時出示coupon, 個侍應話公眾假期唔用得!!! 我地指住條款話可以, 佢就勁差態度話"公眾假期就一定唔用得架喇!! 門口都貼左"!!
我地睇唔到門口紙仔係我地大意, 但事實coupon條款係講到明可以, 咁樣的生意手法, 唔會有下次!!!如果食物及服務係好既, 唔用coupon無問題!! 但以正價$70幾食呢2個常餐, 真係食到一肚氣

6座雲吞麵 (佐敦)

團購$25套餐, 有前菜, 麵, 油菜, 飲品及糖水, 超抵呀!!!
見到裝潢應該是新食店, 以團購作宣傳吧

侍衛選了~~雲耳~好爽口呀!!! 味道也不錯炸醬麵~麵質都算彈牙, 肉絲份量都ok, 味道就一般

我就揀了...炸魚皮~無咩特別雲吞米~雲吞都幾大隻, 足料! 米粉似新竹米, 都幾有口感

值得讚許的是服務良好!! 起初侍應找不到其中一張coupon record, 之後老闆翻查一輪, 原來打錯no, 老闆連忙道歉
之後見到有客人的外套跌出少許, 老闆主動地的幫人放好, 真的很細心呀!!!$50/2人餐咁多野, 又不會因團購張價就貨, 而且味道都算不錯, 真係超值!!

新水記火鍋 (旺角)

走進旺角鬧市, 試過很多泰國菜館, 侍衛話曾食過呢間, 又見comments見唔錯, 今日3人行終於去試試
經過朗豪坊, 穿過一條條靜蠅蠅的街道, 終於見到了~
未入門口, 已見鋪店坐無虛生蝦刺身: 蝦都算大隻, 入口彈牙有鮮味!!! 碟甜酸汁混得好味, 配埋蝦上的蒜片, 令人一食再食飛天通菜: 份量足, 夠鑊氣白灼蝦: $18碟超抵食!!!! 而且比預期多及大隻椒鹽鮮魷: 炸得有點林林地, 而且不夠椒盬! 但魷魚入口肉質都幾柔軟蠔仔粥: 料也算多, 蠔仔size都算大粒(當然有d細細粒喇)!!

侍衛每次推介的, 都令娘娘食到"lam lam"脷